ಗೆಳತಿ

ಬಿತ್ತು ನಿನ್ನ ಮ್ಯಾಲ ನನ್ನ ನೆದರ
ಹಾರೆ ಹೋಯ್ತು ನನ್ನ ಖಬರ
ಏನು ಹೇಳು ನಿನ್ನ ಹೆಸರ
ಕೇಳೆ ನೀನೇ ನನ್ನ ಉಸಿರ

ಮಿಂಚಿನಂತೆ ಹೊಳೆವ ಕಣ್ಣ
ಬಳ್ಳಿಯಂತೆ ಬಳುಕುವ ನಡು ಸಣ್ಣ
ಸಿಹಿಜೇನಿನಂತೆ ತುಟಿಗಳ ಬಣ್ಣ
ಅದ ನೋಡಿ ನನ್ನೊಳಗಿಲ್ಲ ನಾನ

ಕೆನ್ನೆ ತುಂಬ ಸೇಬು ಹಣ್ಣ
ಕಡುಗಪ್ಪು ಕೇಶರಾಶಿ ಬಣ್ಣ
ನಿನ್ನ ನಡಿಗೆ ಎಂತ ಚೆನ್ನ
ಕಣ್ಣ ಕಾಡಿಗೆ ಕರಿಯಿತೆನ್ನ

ಇನ್ನೂ ನಾನು ನೀನು ಜೋಡ
ಹೂಂ ಅಂತ ಅಣಿಮಾಡ
ಕಟ್ಟೋಣ ನಮ್ಮದೇ ಗೂಡ
ಹಾಡೋಣ ಪ್ರೀತಿ ಹಾಡ

ಗಾಯತ್ರಿ ಹುಳ್ಳಿ