ಹಾರುಹಕ್ಕಿ

ಹಾರುವ ಹಕ್ಕಿ ನಾನಾದರೂ
ಬರಿದೆ ಹಾರುತಿರಲಾರೆ
ಹಾಗಂತ ಆಗಸದ ಮಧ್ಯವೆಲ್ಲೊ
ನಿಂತುಬಿಡಲಾರೆ.

ಹಾರಿಹೋಗುವ ತವಕದಷ್ಟೇ
ಇಳಿಯಲೂ ಕವಡೆ ಹಾಕಬೇಕು;
ಆಯಮೆಚ್ಚಿನ ಕೊಂಬೆ ,
ಕೋಳುಹೆಂಚಿನ ಮನೆ ,
ಇಲ್ಲವಾದಲ್ಲಿ ಯಾವುದೋ ನೀರತೊಟ್ಟಿ.

ಹುಳುಹುಪ್ಪಡಿಗಳೇನು
ಸುಮ್ಮನೆ ಬಂದಾವೇ?
ಕಂಡಲೆಲ್ಲ ಝಾಂಡಾಊರಿ ಕಾಯಬೇಕು.

ದಿನದ ಗುಟುಕಿಗೊಂದೊಂದು ಕಥೆ.
ಮನೆಯಿಲ್ಲವೆಂದಲ್ಲ ;
ಬದುಕು ಸಾಗಬೇಕು.
ಕಣ್ಣನಿಡಬೇಕು.

ಅವರಿವರ ಮನೆ ಅಂಗಳದಲ್ಲೋ.,
ಮಂದಿ ಎಸೆವ ಹಣ್ಣಮೇಲೋ .

ಕತ್ತಲಾಗುವುದರೊಳಗೆ ಹಿಡಿವೆ ಗೂಡ
ಉಳಿದದ್ದು ನಾಳೆಗೆ.

-ಕಾತ್ಯಾಯಿನಿ ಶರತ್