ಮುಳ್ಳಿನ ನೋಟ

ಗಂಡನಿಲ್ಲದೆ ಗುಹೆಯೊಳಗೆ ಹ್ಯಾಂಗಿರಲವ್ವ
ನಂದೊಂಚೂರು ತಪ್ಪಿಲ್ಲ ಒಪ್ಪಲ್ಯಾಂಗವ್ವ

ಬೆಳಗು ಬರದ ಇರುಳಲ್ಲವ್ವ
ನಿದಿರೆ ಇರದೆ ಸೊರಗಿದೆನವ್ವ
ನಿಂದೆ ಮಾತಿಗೆ ಬೆದರಿದೆನವ್ವ
ಮಂದಿ ಮುಖವ ನೋಡಿಲ್ಲವ್ವ

ಕೆಟ್ಟ ದೃಷ್ಟಿ ಬಿದ್ದಿತು ಮೈಮೆಲವ್ವ
ಚರ್ಮದ ಹೊದಿಕೆ ಕೆಂಪಗವ್ವ
ಕೆಂಜಗ ಮೈಗೆ ಬೆಂಕಿ ತಾಗೈತವ್ವ
ನೋಡೋರೊಳಗ ಹ್ಯಾಂಗಿರಲವ್ವ

ಮಾತು ಬಾಳ ಮೆತ್ತಗೈತವ್ವ
ಮನಿಸಿಗೆ ಬಾಳ ನಟ್ಟೈತವ್ವ
ಬಂಧು ಬಳಗದ ಅರಿವಿಲ್ಲವ್ವ
ಮತಿಹೀನರಲ್ಲಿ ಹ್ಯಾಂಗಿರಲವ್ವ

- ಹನುಮಂತ ಸೋಮನಕಟ್ಟಿ