ಪ್ರೀತಿ ಮತ್ತು ದೋಣಿ

ಕಣ್ಣಂಚಿನಲ್ಲೇ ಹೂ ನಗೆಯ ಚೆಲ್ಲಿ
ಪ್ರೀತಿಯ ಸಾಗರಕ್ಕೆ ಕರೆತಂದೆ ನೀನು
ಅದೇನು ಸೆಳೆತವೋ ಸುಳಿಯೇ
ಅರಿಯದೆ ಹೆಜ್ಜೆ ಹಾಕಿದೆ ನಾನು

ಮೃದು ಮಾತುಗಳ ಸೌದ ಕಟ್ಟಿ
ಕೈಬಿಡೆನೆಂಬ ವಚನಕೊಟ್ಟು
ಪ್ರೀತಿ ದೋಣಿಯಲ್ಲಿ ಕುಳ್ಳಿರಿಸಿದೆ
ಅಲ್ಲಿದ್ದವರು ನಾನು ಮತ್ತು ನೀನು

ಬಹುದೂರ ಸಾಗಿದ್ದೆವು ನಮ್ಮದೇ ಲೋಕದಲ್ಲಿ
ಪ್ರೀತಿ ಹೊರತು ನಮಗೇನು ಬೇಕಿರಲಿಲ್ಲ
ಅದೇಕೊ ದೋಣಿ ಅಲ್ಲಾಡಿತು
ಜಾತಿ ಮತವೆಂಬ ಸುಳಿಗೆ ಸಿಲುಕಿ

ಪ್ರೀತಿಯ ಹುಟ್ಟು ಹಾಕಿದವನೆ ಆ ಸುಳಿಗೆ ಸಿಲುಕಿ ಹೆದರಿ
ನಾವೆಯನ್ನು ಹಿಂದೆ ತಿರುಗಿಸಿದ
ಮುಂದೆ ಸಾಗಲು ಗೋಗರೆದರು ಕೇಳದೆ
ಪ್ರಶ್ನೆ ಕೇಳಿದೆ ಅವನಿಗೆ

ಇಷ್ಟೆನೋ ಪ್ರೀತಿ ದಡವ ಸೆರೆದ ಪ್ರೇಮದ ಅರಮನೆಗೆ ಹೋಗದೆ
ಅವನೆಂದ ಪ್ರೀತಿಗಿಂತ ಜೀವ, ಜೀವನ ದೊಡ್ಡದು
ನೆನಪುಗಳ ಮಟ್ಟ ಹಾಖಿ ಮತ್ತೊಂದು ದೋಣಿ ಸೇರಿಕೊ

ಆ ಸುಳಿಗೆ ಸಿಲುಕಿದ ದೋಣಿಯು
ಮೌನದ ಪುಟಗಳ ಸೇರಿದೆ
ಕಾಲಗತಿಸಿದರೂ ಹಾಳೆ ಕೀಲಲಾಗುತ್ತಿಲ್ಲ.
ಹಾಗಾಗ ತೆರೆಯುತ್ತದೆ ಮನ ಕದಡುತ್ತದೆ.

-ಗಂಗಾದೇವಿ ಚಕ್ರಸಾಲಿ