ಅಮರ ಪ್ರೇಮಗೀತೆ

ನಿನ್ನದೆ ಕೀರ್ತನ
ನಿನ್ನದೆ ಪ್ರಾರ್ಥನ
ನೂರಾರು ಜಂಜಡಗಳಂಡಿಯಲೂ

ನಿನ್ನದೆ ರಿಂಗಣ
ನಿನ್ನದೆ ಸಮೀಕರಣ
ನೀನೇ ಮನದೊಳಗಿನ ‌ಹೊಂಬೆಳಕು
ಇದು ಮೋಹವ ಇಲ್ಲವೇ ಮೋಹಕದ ಪ್ರೇಮದೀಪ್ತನ

ನಿನ್ನದೆ ದಿಗ್ದರ್ಶನ
ಹೊತ್ತು ಹೊತ್ತಿಗೆ ನಿನ್ನ ಬಾವಬಿಂಬನದ
ಪ್ರೇಮಪ್ರಣತೆಯ‌ ಚೆಲುವಿನ ಚಿತ್ತಾರ

ಹೃದ್ಯಸ್ವರದಲಿ ನಿನ್ನ ಹೆಜ್ಜೆಯ ಪಟವ
ನಿನ್ನ ಕಂಗಳ ಸುಳಿಯಲಿ ಜಾರಿದ ಪ್ರೇಮಾಚಾರಿ

ಒಲವಿನ ಹೃದ್ಯದ ಪದ್ಯದ ತರುಲತೆ
ನಿನ್ನ ಪದಸುಮಗಳ ಆರಾಧಕ
ಸಪ್ತ ಕಾಮನಬಿಲ್ಲುಗಳ ಹೂನಗೆ
ಚಂದನದ ನನ್ನೆದೆಯ ಧ್ಯಾನದ ಹೂಬನ

---------------

ಮಧುರ ಪ್ರೇಮಗೀತೆಯ ದೀಪ್ತಿ. ಒಲವಿನ ಹೃದ್ಯದ ಹಾಡಿನ ಸಂಗೀತಾ ಹೃನ್ಮನಗಳ ಪುಳಕಗೊಳ್ಳಿಸುವ ಅರ್ಚನೆ.
ಇದು ಅನನ್ಯ ಅಕ್ಷರಗಳಿಂದ ಸಲ್ಲಿಸಿದ ಅಮರ ಪ್ರೇಮಗೀತೆ....! ಏನಂತೀರಾ.....? ನಿಮ್ಮ ಕಾವ್ಯಸೇವಕ ಸಂತೋಷ ಕಾಖಂಡಕಿ.