ಬಾಳಂದ್ರ ಹ್ಯಾಂಗ್ ಬಾಳಲವ್ವ

ಮನ್ಯಾಗ ತಟ್ಟಿದ ರೊಟ್ಟಿ ಬ್ಯಾಡ್ ಅಂತಾನ
ಬಾಯಿ ರುಚಿಯ ಬೆನ್ನತ್ತಿ ಖಾನಾವಳಿ ಹುಡುಕ್ಯನ
ಬಾಳಂದ್ರ ಹ್ಯಾಂಗ್ ಬಾಳಲವ್ವ ಇವನ ಕೂಡ

ದಣಿವ ಇದ್ರೂ ಹಾಸಿಗಿಯಗ ಅವ್ನಾಟಕ ಕುಣಿದೆನ
ಚಪಲ ತೀರದಂತ ಇಟ್ಕೊಂಡಾಕಿ ಕೂಡಿ ಹೋಗ್ಯಾನ
ಬಾಳಂದ್ರ ಹ್ಯಾಂಗ್ ಬಾಳಲವ್ವ ಇವನ ಕೂಡ

ಬೆವರ ದುಡಿದು ಮಾಡಿನಿ ಮನಿ ಪಾತ್ರಿ ಪಗಡಿನ
ದಿನಕ್ಕೊಂದು ಕದ್ದು ಮಾರಿ ಬಾರಿಗಿ ಹೊಂಟಾನ
ಬಾಳಂದ್ರ ಹ್ಯಾಂಗ್ ಬಾಳಲವ್ವ ಇವನ ಕೂಡ

ಎರಡ ಸಾಕಂದ್ರ ಗಂಡ್ ಬೇಕಂತ ನಾಕ್ ಮಕ್ಕಳ ಕೈಗಿಟ್ಟನ
ವಿಧಿವಿರಿಗ್ ಬಾಳ್ ಕೊಡ್ತೆನಂತ ಹೆಂಗ್ಸರ್ ಸೆರಗ ಹಿಡಿದ ಸುತ್ತಾನ
ಬಾಳಂದ್ರ ಹ್ಯಾಂಗ್ ಬಾಳಲವ್ವ ಇವನ ಕೂಡ

ಶರೆ ಕುಡ್ ದ ತೂರಾಡ್ತಾನಂತ ಹಿಡಿಯಾಕ್ ಹೋದ್ರ ನನಗ ಹೊಡಿತಾನ
ಮೋರಿ ತೊಯ್ದ ಬಂದ್ ನನ್ ಮ್ಯಾಗ ಉಗುಳ್ತನ
ಬಾಳಂದ್ರ ಹ್ಯಾಂಗ್ ಬಾಳಲವ್ವ ಇವನ ಕೂಡ

ಯಾವನ ಜೋಡಿ ಮಕ್ಕೊಂಡ್ ಗಂಡ್ ಬೀಜಿಲ್ದ ಹೆಣ್ಣ ಹೇತ್ತಿ ಹೊಲಸ್ ಅಂತಾನ
ಹೆತ್ತಿರೋ ಹೆಣ್ ಕುಡಿನ ಮದುವಿ ವ್ಯಾಪರಕ್ ಹಚ್ಚಾನ
ಬಾಳಂದ್ರ ಹ್ಯಾಂಗ್ ಬಾಳಲವ್ವ ಇವನ ಕೂಡ

ತಾಳಿಗಾಗಿ ನಾ ಎಲ್ಲಾನೂ ಸಹಿಸಿನಿ ಕಷ್ಟ ಆದ್ರೂ ನ ಅವನ್ ಜೋಡಿನ್ ಬದ್ಕಿನಿ
ನನ್ನಂಗ ನನ್ ಹೆಣ್ಣ ಕೂಸು ಅಗಾಕ ನಾ ಹ್ಯಾಂಗಾರ ಬಿಡಲವ್ವ
ಬಾಳಂದ್ರ ಹ್ಯಾಂಗ್ ಬಾಳಲವ್ವ ಇವನ ಕೂಡ

ಕುಡುಕ ಗಂಡನ ಕೂಡ ನನ್ ಬಾಳ್ವೆ ಸಾಕಿನ್ನ ಅಬಲೆ ಆಗಿ ನಾ ದಿನವೂ ಸೋತಿನವ್ವ
ಈಗ ಸರ್ದಿ ನನ್ ಮಗಳದ್ದ ಆಗ್ಯದ ಆಕಿನ ಅಬಲೆ ಮಾಡದಂಗ ವಿದ್ಯನ ಕೊಟ್ಟ ಸಬಲೆ ಮಾಡ್ತಿನವ್ವ
ಇವನ ಕೂಡ ಇನ್ ಬಾಲಂಗಿಲ್ಲೇವ್ವ
ಕ್ಷಮಿಸಿ ಬಿಡ ನನ್ನವ್ವ ನೀ ಹಾಕಿದ ಗೆರಿ ದಾಟಿ ನ ಸಬಲೆ ಅಗಾಕ್ ಹೊಂಟೆನ ನನ್ ಕ್ಷಮಿಸಿ ಬಿಡೆಯವ್ವ.