ಗುರು ನಾರಾಯಣ

ಸಮಾಜ ಸುಧಾರಕ ದೇವರ ಪ್ರತೀಕ
ನಿಮ್ಮ ಆಜ್ಞೆಗಳ ಪಾಲಿಸುವ ಸೇವಕ
ಜಾತಿ ಮತ ಧರ್ಮ ಭೇದವಿಲ್ಲದ ಕಾಯಕ
ತಾರತಮ್ಯ ತೊರೆದು ಉದಯೋನ್ಮುಖಿ ನಾಯಕ

ಕ್ರೌರ್ಯ, ದೌರ್ಜನ್ಯ, ಹಿಂಸೆ, ಬುದ್ಧಿ ಜೀವಿಗಳ ನಾಡು
ವರ್ಗವಾರು ಜನಾಂಗದ ಸ್ತ್ರೀಸಾಮಾನ್ಯರ ಶೋಷಣೆ ಕಾಡು
ಜಾತೀಯತೆ, ಅಸ್ಪ್ರಶ್ಯತೆ ವಿಷ ವೃಕ್ಷದ ಉಸಿರುಗಟ್ಟಿನ ಜಾಡು
ಭಾರತದಲ್ಲಿಯೇ ಕಂಡರಿಯದ ಅಮಾನುಷ ವರ್ತನೆಯ ಬೀಡು

ಬಸವಣ್ಣ ಶಂಕರಚಾರ್ಯ ಸಿದ್ಧಾಂತಗಳ ಅಳವಡಿಕೆ
ಗೊಂದಲಗಳ ಹುಚ್ಚರ ಸಂತೆ, ಚಲಾವಣೆ ಬಾರದೆ ಕೇಕೆ
ಬುದ್ಧ, ಕ್ರಿಸ್ತ, ಪತಂಜಲಿಗಳಂತ ಮಾನವೀಯತೆಯ ಪೌರುಷ
ಜಾತೀಯತೆ, ಅಸ್ಪ್ರಶ್ಯತೆ ತೊಳೆದ ಅವತಾರ ಪುರುಷ

ಗುಹೆ, ಪರ್ಣಗಳಲ್ಲಿ ತಪಸ್ಸು, ಸಂಸ್ಕೃತದಲ್ಲಿ ಅದ್ವಿತೀಯರು
ಜಾತಿ ಮತ ದೇವರು ಒಂದೇ ಎಂದವರು...
ಅಸ್ಪೃಶ್ಯತೆಯ ಪಿಡುಗನ್ನು ಬುಡ ಸಮೇತ ಕಿತ್ತೊಗೆದರು
ದೇಶಸೇವೆಯೇ ಈಶ ಸೇವೆಯೇ ಎಂದ ಗುರು ನಾರಾಯಣರು.

- ಕೃಷ್ಣ ಕೆ