ಸಬಲಳಾಗುವೆ ನಾನು

ಹೆಣ್ಣಾಗಿ ಹುಟ್ಟಿರುವೆ ದೈವಲೀಲೆಯಲಿ
ಸಣ್ಣ ದೋಷಕೂ ನಾ ಹೊಣೆ ಜಗದಲಿ
ಹುಣ್ಣಂತೆ ನೋಡುವರು ಜಿಗುಪ್ಸೆಯಲಿ
ಕಣ್ಣ ಹನಿಗಳು ಕರೆಗಟ್ಟಿವೆ ಕಪೋಲದಲಿ

ಮನೆಯ ಕೆಲಸಕೆ ಮೂಗೆತ್ತಿನಂತಾದೆ
ಧ್ವನಿಯ ಎತ್ತದೇ ದುಡಿದು ಹೈರಾಣಾದೆ
ತನಯೆಯ ರಮಿಸುವರೆಂದು ಬಹಳ ಕಾದೆ
ಮನ ನೊಂದಿರಲು ಪಂಜರದ ಪಕ್ಷಿಯಂತಾದೆ

ಕೊಂದಿರುವರೆಷ್ಟೋ ಹೆಣ್ಣು ಭ್ರೂಣವನು
ನೊಂದ ತಾಯಿಗೆ ಕೊಡುವರೇ ನ್ಯಾಯವನು
ಬೆಂದ ಹೃದಯ ಶಪಿಸದಿರುವುದೇ ಜಗವನು
ಸಂದೇಹಿಸಿದ ಮಂದಿಯ ಅಮಾನವೀಯತೆಯನು

ಕೊರಗದಲೆ ನಾನೀಗಲೇ ಸಬಲಳಾಗಬೇಕು
ಸರಿಯಾಗಿ ಸಮತಾವಾದ ಮಂಡಿಸಬೇಕು
ವರವಾಗಿ ಬಂದಿಹಳೆಂದು ಲೋಕ ಮೆಚ್ಚಬೇಕು
ಮರುಳಾಗಿ ವನಿತೆ ಧೀಮಂತೆ ಎನ್ನುತಿರಬೇಕು

ಅಪರ್ಣಾದೇವಿ