ಎಲೈ ಚಿಗುರೇ

ನವಿರಾದ ನವಿಲುಗರಿಯೂ ಕಿರೀಟವಾಗಲಿ
ಅಕ್ಷಯ ರಾಶಿಯು ಸ್ನೇಹದ ಗೀತೆ ಹಾಡಿಯಲ್ಲಿ
ಮಾತು ಬೆಳ್ಳಿ ಮೌನ ಬಂಗಾರ ನಿನ್ನ ಸಂಭಾಷಣೆಯಲಿ
ಅಹ್ಲಾದ ಮೌನದಿ ಬೆಳದಿಂಗಳ ಬಾಲೆಯ ಕನ್ನಿಕೆ.....

ಮುದವೀನ ಒಲವಿನ ಓಲೆ ಸ್ನೇಹಾಮೃತದಲಿ
ಸ್ವರ್ಣಕ್ಷರದಲಿ ಬರೆದ ಭಾವಗೀತೆಯ‌ ಪಲ್ಲವಿ
ಚಿಲಿಪಿಲಿ ಕಂಗಳ ಪ್ರೇಮಾಂಜಲಿ
ಮೆಲುನಗೆಯ ಮುಂಗುರುಳಿನ ಲಹರಿ....

ಅನುಕ್ಷಣದ ಚರಣದಲಿ ಸಿಂಚನ ಹರಿಸಿ
ರಾಗ-ತಾಳ-ಶೃತಿಗಳನ್ನು ನಿನ್ನ ಕಂಠದ ಸ್ವರವಾಗಿಸಿ
ನಗು ಮೊಗದ ಶಿಲ್ಪಾ...
ಈ ಭಾವ ತುಂಬಿಹಿರುವ ಸ್ನೇಹಗೀತೆ...
ನಿನ್ನ ಉಡಿಗೆ

ಈ ಕವಿತೆ ‌ಸ್ನೇಹ ಮಧುರ ಚಿರಂತನ ದೀಪ್ತಿಯ ಸ್ವರೂಪ. ನಮ್ಮಿಬ್ಬರ ನಡುವಿನ ಆಂತರ್ಯದ ಸವಿ ಸ್ನೇಹದ ಭಾವಗೀತೆ ಮೌನದಿ ಅಕ್ಷರಶಃ ಕಾವ್ಯಾಂಜನ ಕೂಡಿ ಬಂದ ಬರಹ ಏನಂತೀರಾ ನಿಮ್ಮ ಕಾವ್ಯ ಸೇವಕ
- ಸಂತೋಷ ಕಾಖಂಡಕಿ