ಗಂಟಿಚೋರ್

ಬ್ರಿಟಿಷ್ ಸರ್ಕಾರವು 1871ರಲ್ಲಿ ಜಾರಿಗೆ ತಂದ ಅಪರಾಧಿ ಬುಡಕಟ್ಟು ಕಾಯ್ದೆಯಿಂದಾಗಿ ಬಹಳಷ್ಟು ಅಲೆಮಾರಿ ಸಮುದಾಯಗಳು ಸಂಕಷ್ಟಕ್ಕೆ ತುತ್ತಾಗಿದ್ದು, ತಮ್ಮದಲ್ಲದ ತಪ್ಪಿಗೆ ಶಿಕ್ಷೆ ಅನುಭವಿಸುವಂತಾಗಿದ್ದು ಇತಿಹಾಸದ ವಿಪರ್ಯಾಸವೇ ಸರಿ. ಇಂತಹ ವಿಪರ್ಯಾಸಕ್ಕೆ ತುತ್ತಾದ ಹಲವು ಸಮುದಾಯಗಳಲ್ಲಿ ಗಂಟಿಚೋರ್ ಸಮುದಾಯವೂ ಕೂಡ ಒಂದು. 1952ರಲ್ಲಿ ಈ ಕಳಂಕಿತ ಕಾಯ್ದೆ ರದ್ದಾಯಿತಾದರು ಅದು ಉಳಿಸಿ ಹೋದ ಪಾರಂಪರಿಕ ಅಪರಾಧಿ ಕಳಂಕ ಮಾತ್ರ ಈ ಗಂಟಿಚೋರ್ ಸಮುದಾಯವನ್ನು ಇದುವರೆಗೆ ಬಾಧಿಸುತ್ತಲೇ ಬಂದಿದೆ. ಈ ಸಮುದಾಯವು ಇಂದಿಗೂ ಅವಮಾನದಿಂದಲೇ ಅತಂತ್ರ ಬದುಕು ನಡೆಸುತ್ತಿದೆ. ಈ ಸಮುದಾಯದ ಸಾಮಾಜಿಕ, ಆರ್ಥಿಕ, ಶೈಕ್ಷಣಿಕ ಮತ್ತು ರಾಜಕೀಯ ಹೀನ ಸ್ಥಿತಿಯನ್ನು, ಪ್ರಸ್ತುತ ಪರಿಸ್ಥಿತಿ ಡಾ. ಮಲ್ಲಿಕಾರ್ಜುನ ಬಿ. ಮಾನ್ಪಡೆಯವರು ಅಂಕಿ ಅಂಶಗಳ ಅಧಿಕೃತ ಮಾಹಿತಿಗಳ ಸಮೇತ ಬಿಡಿಬಿಡಿಯಾಗಿ ಈ ಕೃತಿಯಲ್ಲಿ ಬಿಚ್ಚಿಟ್ಟಿದ್ದಾರೆ.