"ಮುಟ್ಟು" ಹೆಸರಿನ ಈ ಸಂಕಲನ ಹೆಣ್ಣನದ ಮುಟ್ಟು ಮತ್ತು ಸ್ಪಶ್ಯಾ ಸ್ಪೃಶ್ಯತೆಯ ಮರ್ಮಸ್ಪರ್ಶದ ಎರಡು ಸ್ತರಗಳ ಸಮಷ್ಟಿಪ್ರಜ್ಞೆ ಹುಟ್ಟು ಹಾಕುತ್ತದೆ. ಕನ್ನಡದ ಮಹತ್ವದ ಕತೆಗಾರ ರಾಘವೇಂದ್ರ ಖಾಸನೀಸರ ಕಥನ ಪರಂಪರೆಯನ್ನು ಮುಂದುವರೆಸಿದಂತಿರುವ ಇಲ್ಲಿನ ಕತೆಗಳಲ್ಲಿ, ಕಡಕೋಳ ಅವರನ್ನು ತೀವ್ರವಾಗಿ ಪ್ರಭಾವಿಸಿರುವ ಮಡಿವಾಳಪ್ಪನ ಮತ್ತು ಸಮಕಾಲೀನರ ತತ್ವಪದಗಳ ಮಿಂಚಿನಂತಹ ಸಾಲುಗಳು ಸಾಂದರ್ಭಿಕವಾಗಿ ಪ್ರಕಟವಾಗುತ್ತ ಕತೆಗಳಿಗೆ ತಾತ್ವಿಕ ಆಯಾಮವನ್ನು ಒದಗಿಸುತ್ತವೆ. "ಧರೆಯ ಭೋಗವ ನೀಗಿ ವರಮೋಕ್ಷವ ಪಡೆಯಲು ಬರ್ತೀರಾ ಇಲ್ಲೇ ಇರ್ತೀರಾ" ಮುಂತಾದ ಸಾಲುಗಳು ಕತೆಯ ಸಂದರ್ಭಗಳನ್ನು ಮೀರಿ ಮಾನವ ಬದುಕಿನ ಆತ್ಯಂತಿಕ ಸತ್ಯವನ್ನು ಹೇಳುವ ಮಾರ್ಮಿಕ ಪದಗಳೂ ಆಗಿವೆ ಎಂದು ದಾದಾಪೀರ್ ನವಿಲೇಹಾಳ್‌ ಪುಸ್ತಕದ ಬೆನ್ನುಡಿಯಲ್ಲಿ ತಿಳಿಸಿದ್ದಾರೆ.
ರಂಗಭೂಮಿಯಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಬರಹಗಾರರಾದ ಮಲ್ಲಿಕಾರ್ಜುನ ಕಡಕೋಳ ಅವರು ಜನಿಸಿದ್ದು 1956 ಅಕ್ಟೋಬರ್‌ 2ರಂದು. ಹುಟ್ಟೂರು ಗುಲ್ಬರ್ಗ ಜಿಲ್ಲೆಯ ಕಡಕೋಳ. ತಂದೆ ಸಾಧು, ತಾಯಿ ನಿಂಗಮ್ಮ. ಹುಟ್ಟೂರು, ಯಡ್ರಾಮಿ ಹಾಗೂ ಗುಲ್ಬರ್ಗದಲ್ಲಿ ಶಿಕ್ಷಣ ಪಡೆದ ಇವರು ಆರೋಗ್ಯ ಇಲಾಖೆಯಲ್ಲಿ ಬೋದಕರಾಗಿ, ಹಿರಿಯ ಆರೋಗ್ಯ ಸಹಾಯಕರಾಗಿ ಸೇವೆ ಸಲ್ಲಿಸಿದ್ದಾರೆ. ಸಾಹಿತ್ಯ ಹಾಗೂ ರಂಗಭೂಮಿ ಕ್ಷೇತ್ರಕ್ಕೆ ಇವರು ನೀಡಿದ ಕೊಡುಗೆಯನ್ನು ಗುರುತಿಸಿ ಕರ್ನಾಟಕ ನಾಟಕ ಅಕಾಡೆಮಿ ರಾಜ್ಯ ಪ್ರಶಸ್ತಿ, ದಾವಣಗೆರೆ ಮಹಾನಗರಪಾಲಿಕೆ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ, ಕೈವಾರ ನಾರಾಯಣ ತಾತ ಪ್ರಶಸ್ತಿ ಮುಂತಾದ ಹಲವಾರು ಪ್ರಶಸ್ತಿಗಳನ್ನು ನೀಡಿ ಗೌರವಿಸಲಾಗಿದೆ. ಕರ್ನಾಟಕ ನಾಟಕ ಅಕಾಡೆಮಿ ...
READ MORE
Concept & Creation 
©2024 Book Brahma Private Limited.
