'ವಿರುದ್ಧಾರ್ಥಕ ಪದಗಳು' ಜಗದೀಶ ಬ. ಹಾದಿಮನಿ ಮತ್ತು ರವಿ ಬ ಹಾದಿಮನಿ ಅವರ ವ್ಯಾಕರಣ ಕೃತಿ. ಎಲ್ಲಾ ಪದಗಳಿಗೂ ವಿರುದ್ಧಾರ್ಥಕ ಪದಗಳಿರುವುದಿಲ್ಲ. ಹಾಗೆ ಹುಡಕಲು ಹೋಗುವುದೂ ಸರಿಯಲ್ಲ. ಪ್ರತಿ ಪದಕ್ಕೂ ವಿರುದ್ಧಾರ್ಥಕ ಪದಗಳನ್ನು ಹುಡುಕುತ್ತೇವೆಂದು ಹೊರಡುವುದು 'ಹಾಳು ಭಾವಿಯಲ್ಲಿ ನೀರು ಹುಡುಕಿದಂತೆ', ಪ್ರೀತಿ-ಸ್ನೇಹ-ಮಮತೆ ವಾತ್ಸಲ್ಯದಂಥ ಭಾವನಾತ್ಮಕ ಪದಗಳಿಗೆ ಒತ್ತಾಯಪೂರ್ವಕವಾಗಿ ಸಮೀಪದ ವಿರುದ್ಧ ಪದಗಳನ್ನು ಹಚ್ಚಿ ಸರಿದೂಗಿಸಬಹುದೆ ವಿನಃ ಎಲ್ಲರೂ ಒಪ್ಪುವಂಥ ಸರ್ವಸಮ್ಮತ ಸರ್ವಸಮರ್ಪಕ ಪದಗಳನ್ನಲ್ಲ. ಹಾಗೆ ನೋಡಿದರೆ ಪ್ರತಿ ಪದಗಳಿಗೂ ವಿರುದ್ಧಾರ್ಥಕ ಪದಗಳೇ ಇಲ್ಲ. ಏಕೆಂದರೆ ಪ್ರತಿ ಪದಗಳೂ ಸ್ವತಂತ್ರ ಪದಗಳೇ, ನಮ್ಮ ಅನುಕೂಲಕ್ಕಾಗಿ ಅವುಗಳನ್ನು ಮಾಡಿಕೊಂಡಿದ್ದೇವೆ ಹೊರತು ನಾವು ಮಾಡಿದ್ದೇ ಅಂತಿಮ ಸತ್ಯಗಳಲ್ಲ. ಎಂಬುದನ್ನು ಲೇಖಕರು ಪುಸ್ತಕದಲ್ಲಿ ತಿಳಿಸಿದ್ದಾರೆ.
ಲೇಖಕ ಜಗದೀಶ.ಬ.ಹಾದಿಮನಿ ಮೂಲತಃ ಕೊಪ್ಪಳ ಜಿಲ್ಲೆಯ ಕುಷ್ಟಗಿ ತಾಲೂಕಿನ ಕಳಮಳ್ಳಿ ಗ್ರಾಮದವರು. ತಂದೆ ಬಸವಂತರಾಯ. ತಾಯಿ - ಧನಪೂರ್ಣ. ಬಾಗಲಕೋಟೆ ಜಿಲ್ಲೆಯ ವಿಜಯ ಮಹಾಂತೇಶ ಪ್ರೌಢಶಾಲೆಯಲ್ಲಿ ಶಿಕ್ಷಣ, ಹುನಗುಂದದ ವ್ಹಿ.ಎಂ.ಎಸ್.ಆರ್. ವಸ್ತ್ರದ ಕಲಾ, ವಿಜ್ಞಾನ ಹಾಗೂ ವ್ಹಿ.ಎಸ್.ಬೆಳ್ಳಿಹಾಳ ವಾಣಿಜ್ಯ ಮಹಾವಿದ್ಯಾಲಯದಲ್ಲಿ ಪಿಯುಸಿ, ಹುನಗುಂದದ ಸರಕಾರಿ ಶಿಕ್ಷಕರ ತರಬೇತಿ ಕಾಲೇಜಿನಲ್ಲಿ ಟಿ.ಸಿ.ಎಚ್ ಹಾಗೂ ಧಾರವಾಡದ ಕರ್ನಾಟಕ ವಿಶ್ವವಿದ್ಯಾಲಯದ ಬಾಹ್ಯ ಅಭ್ಯರ್ಥಿಯಾಗಿ ಬಿ.ಎ ಪದವಿ, ಕುವೆಂಪು ವಿಶ್ವವಿದ್ಯಾಲಯದ ದೂರಶಿಕ್ಷಣದ ಮೂಲಕ ಕನ್ನಡದಲ್ಲಿ ಎಂ.ಎ ಪದವಿ ಪಡೆದಿದ್ದಾರೆ. ಪ್ರಾಥಮಿಕ ಶಾಲಾ ಶಿಕ್ಷಕರಾಗಿ ನಂತರ ಪದವಿ ಪೂರ್ವ ಕಾಲೇಜಿನ ಕನ್ನಡ ಉಪನ್ಯಾಸಕರಾಗಿದ್ದಾರೆ. ಕೃತಿಗಳು: ...
READ MORE
Concept & Creation 
©2024 Book Brahma Private Limited.
