ಇಗ್ ನೊಬೆಲ್ ಪ್ರಶಸ್ತಿ! ವಿಜ್ಞಾನ ಸಾಹಿತ್ಯದಲ್ಲಿ ಇಗ್ ನೊಬೆಲ್ ಸಂಶೋಧನೆಗಳು ಹೊಸ ಕ್ರಾಂತಿ ಸೃಷ್ಟಿಸಿ ಅವರ ಮೆಚ್ಚುಗೆ ಪಡೆದಿವೆ. ವಿಜ್ಞಾನ ಹಾಸ್ಯಮಯವಾಗಿಯೂ ಇರಬಲ್ಲವು ಎಂದು ಈ ಸಂಶೋಧನೆಗಳು ಮನವರಿಕೆ ಮಾಡಿಸುತ್ತವೆ. ಇಗ್ ನೊಬೆಲ್ ಆವಿಷ್ಕಾರಗಳು ‘ರಬ್ಬರ್ ಸ್ಟಾಂಪ್’ ರೀತಿಯ ಸಂಶೋಧನೆ ಗಳನ್ನು, ಬೆಣ್ಣೆಯಲ್ಲಿ ಕೂದಲು ತೆಗೆಯುವಂತೆ, ತಿಳಿಹಾಸ್ಯ ರೀತಿಯಲ್ಲಿ ಟೀಕಿಸುತ್ತವೆ. ದಿನನಿತ್ಯದ ಸಾಧಾರಣ ವಿಷಯಗಳಲ್ಲಿ ಅನೇಕ ಸಣ್ಣ ಪುಟ್ಟ ಆದರೆ ಪ್ರಭಾವ ಬೀರಬಲ್ಲ ಸಂಶೋಧನಾ ಅಂಶಗಳು ಹುದುಗಿರುತ್ತವೆ ಎಂಬ ಸತ್ಯವನ್ನು ವಿಜ್ಞಾನ ವಿದ್ಯಾರ್ಥಿಗಳಿಗೆ ಮತ್ತು ಸಂಶೋಧಕರಿಗೆ ಮನದಟ್ಟು ಮಾಡಿಸತ್ತವೆ ಇಗ್ ನೊಬೆಲ್ ಪಶಸ್ತಿಗಳು. ಇವು ಇನ್ನೂ ಗಂಭೀರ ವೈಜ್ಞಾನಿಕ ಆವಿಷ್ಕಾರಗಳಿಗೆ ನಾಂದಿಯಾಗಬಲ್ಲ ಸಾಧ್ಯತೆಗಳಿವೆ. ಜೀವನಪರ್ಯಂತ ಸಂಶಯಾತ್ಮಕವಾಗಿ ಚಿಂತಿಸಲು ವಿದ್ಯಾರ್ಥಿಗಳನ್ನು ಪ್ರೇರೇಪಿಸಿ, ಅವರಲ್ಲಿ ಅಸಾಂಪ್ರದಾಯಿಕ ಕಲ್ಪನೆಗಳನ್ನು ಹುಟ್ಟುಹಾಕಲು ಅನುವು ಮಾಡಿಕೊಡು ತ್ತವೆ ಇಗ್ ನೊಬೆಲ್ ಸಂಶೋಧನೆಗಳು. ವಿಜ್ಞಾನದಲ್ಲಿ ವೈಜ್ಞಾನಿಕತೆಯನ್ನು ಅರಸುವಂತೆ ಪ್ರೇರೇಪಿಸುತ್ತವೆ ಇಗ್ ನೊಬೆಲ್ ಸಂಶೋಧನೆಗಳು. ಈ ಸಂಶೋಧನೆಗಳನ್ನು ಓದಿದ ಕೂಡಲೆ, ಅಯ್ಯೊ, ಇದೆಂತಹ ಅವಿವೇಕದ ವಿಷಯ ಎಂದು ತಾತ್ಸಾರದ ಕೆಟ್ಟ ನಗು ಬರುವುದು ಸಹಜ. ಆದರೆ, ಬಳಿಕ ಆ ವಿಷಯದ ಬಗ್ಗೆ ನಮ್ಮನ್ನು ಚಿಂತಿಸಲು ಪ್ರಚೋದಿಸುತ್ತವೆ.
ಎಂ.ಜೆ, ಸುಂದರ್ ರಾಮ್ ಅವರು ತಮ್ಮ ಶಿಕ್ಷಕ ವೃತ್ತಿಯನ್ನು 1964ರಲ್ಲಿ ಬೆಂಗಳೂರಿನ ವೈದ್ಯಕೀಯ ಕಾಲೇಜನಲ್ಲಿ ಪ್ರಾಣಿಶಾಸ್ತ್ರ ಉಪನ್ಯಾಸಕರಾಗಿ ಪ್ರಾರಂಭಿಸಿದರು. 1969ರಲ್ಲಿ ಬೆಂಗಳೂರಿನ ಪ್ರತಿಷ್ಠಿತ ವಿಜಯ ಕಾಲೇಜನ್ನು ಸೇರಿ ಅದರ ಪ್ರಾಣಿಶಾಸ್ತ್ರ ವಿಭಾಗದ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸಿ ಪ್ರಾಚಾರ್ಯರಾಗಿ, ಉಪಪ್ರಾಂಶುಪಾಲರಾಗಿ ಸೇವೆಸಲ್ಲಿಸಿ, 2000ರಲ್ಲಿ ನಿವೃತ್ತರಾದರು. ನಿವೃತ್ತಿಯ ನಂತರ ಬೆಂಗಳೂರಿನ ಸುರಾನ ಮುಕ್ತ ಪದವಿಪೂರ್ವ ಕಾಲೇಜಿನ ಜೀವಶಾಸ್ತ್ರ ಪ್ರಾಚಾರ್ಯರಾಗಿ ಕೆಲಸ ನಿರ್ವಹಿಸಿದರು. ಬೆಂಗಳೂರಿನ ಪ್ರತಿಷ್ಠಿತ ಬೇಸ್ ವಿದ್ಯಾಸಂಸ್ಥೆಯಲ್ಲಿ ಕೆಲಕಾಲ ಜೀವಶಾಸ್ತ್ರ ವಿಭಾಗದ ಮುಖ್ಯಸ್ಥರಾಗಿ ಕೆಲಸ ಮಾಡಿದರು. ಸುಂದರ್ ರಾಮ್‌ರವರು ಕನ್ನಡದಲ್ಲಿ ಜೀವಶಾಸ್ತ್ರ ಮತ್ತು ವೈದ್ಯಕೀಯ ವಿಷಯಗಳಗೆ ಸಂಬಂಧಿಸಿದ ಹಲವಾರು ಜನಪ್ರಿಯ ಪುಸ್ತಕಗಳನ್ನು ...
READ MORE
Concept & Creation 
©2024 Book Brahma Private Limited.
