ಬುಡಕಟ್ಟು ಸಮಾಜದ ಆಚರಣೆಗಳ ವಿವರ ಈ ಕೃತಿಯಲ್ಲಿದ್ದು ಹುಟ್ಟಿನ ಸಂಸ್ಕಾರದಿಂದ ಹಿಡಿದು ಸಾವಿನ ಸಂಸ್ಕಾರದ ಮಧ್ಯೆ ಬರುವ ಹಲವು ಆಚರಣಾ ವಿಧಾನಗಳನ್ನು ಇಲ್ಲಿ ದಾಖಲಿಸಲಾಗಿದೆ.
ಹಸಲರು, ದೀವರು, ಕಾಡುಕುರುಬರು, ಜೇನುಕುರುಬರು, ಸೋಲಿಗರು, ಮ್ಯಾಸಬೇಡರು, ಗೌಳಿಗರು, ಕಾಡುಗೊಲ್ಲರು, ಹಾಲಕ್ಕಿಗಳು ಮತ್ತು ಗೊಂಡ ಸಮಾಜಗಳ ಅಧ್ಯಯನಗಳ ವಿವರವಿದೆ.
ಬುಡಕಟ್ಟುಗಳಲ್ಲಿ ಪ್ರಚಲಿತವಿರುವ ಸೃಷ್ಟಿ ಪುರಾಣಗಳು ,ಹುಟ್ಟಿನ ಸಂದರ್ಭದ ಆಚರಣೆಗಳ ವಿಶ್ಲೇಷಣೆ ,ಋತುಮತಿ ಸಂದರ್ಭದ ಆಚರಣೆಗಳ ವಿಶ್ಲೇಷಣೆ ,ಮದುವೆ ಸಂದರ್ಭದ ಆಚರಣೆಗಳ ವಿಶ್ಲೇಷಣೆ , ಸಾವಿನ ಸಂದರ್ಭದ ಆಚರಣೆಗಳ ವಿಶ್ಲೇಷಣೆ ,ಸಾವಿನ ನಂತರ ದೆವ್ವ-ಭೂತಗಳ ಪರಿಕಲ್ಪನೆ ಇವು ಕೃತಿಯಲ್ಲಿಯ ಪ್ರಮುಖ ಅಧ್ಯಯನಗಳಾಗಿವೆ.
ಹಂಪಿಯ ಕನ್ನಡ ವಿ.ವಿ. ಬುಡಕಟ್ಟು ಅಧ್ಯಯನ ವಿಭಾಗದ ಸಹ ಪ್ರಾಧ್ಯಾಪಕರು-ಡಾ.ಗಂಗಾಧರ ದೈವಜ್ಞ. 1964 ರ ಅ. 23 ರಂದು ಜನನ. ಜಾನಪದ, ಬುಡಕಟ್ಟು, ಕನ್ನಡ ಸಾಹಿತ್ಯ ಹಾಗೂ ರಂಗಭೂಮಿ ಕ್ಷೇತ್ರಗಳಲ್ಲಿ ಆಸಕ್ತಿ. ಮಾಳಿಂಗರಾಯನ ಕಾವ್ಯ, ಬುಡಕಟ್ಟು ಸಮಾಜ ಹುಟ್ಟು ಸಾವಿನ ನಡುವೆ ಹಾಗೂ ಸಣ್ಣಾಟದ ಹುಟ್ಟು ಬೆಳವಣಿಗೆ ಈ ಕೃತಿಗಳು ಕನ್ನಡ ವಿ.ವಿ. ಪ್ರಸಾರಾಂಗದಿಂದ ಪ್ರಕಟವಾಗಿವೆ. ಬುಡಗ ಜಂಗಾಲಯ, ಮಾಟ-ಮಂತ್ರ-ಮೋಡಿ, ಆದಿವಾಸಿ ವೈದ್ಯ ಪದ್ಧತಿ ಹಾಗೂ ಜಾನಪದ ರಂಗಭೂಮಿಯಲ್ಲಿ ಮಹಿಳೆ -ಇವು ಸಂಶೋಧನಾ ಲೇಖನಗಳು. ರಾಷ್ಟ್ರೀಯ-ಅಂತಾರಾಷ್ಟ್ರೀಯ ವಿಚಾರ ಸಂಕಿರಣ ಹಾಗೂ ಸಮ್ಮೇಳನಗಳಲ್ಲಿ ವಿಷಯ ಮಂಡಿಸಿದ್ದಾರೆ. ...
READ MORE
Concept & Creation 
©2024 Book Brahma Private Limited.
