ಭಾರದ ಕಲ್ಲು ನೀರಿನಲ್ಲಿ ಮುಳುಗದೇ ತೇಲುವಂತಾದರೆ? ಪೆನ್ಸಿಲ್‌ ಅನ್ನು ಮುಟ್ಟದೆಯೇ ನೆಟ್ಟಗೆ ನಿಲ್ಲುವಂತಿದ್ದರೆ? ಹೀಗೆ ಹೊಸ ಹೊಸ ಪ್ರಯೋಗಗಳನ್ನು ಪ್ರಯತ್ನಿಸಿಸುವುದು ಯಾರಿಗಿಷ್ಟವಿಲ್ಲ ಹೇಳಿ? ವಿಜ್ಞಾನ, ಅನ್ವೇಷಣೆ ಎಲ್ಲ ವಯೋಮಾನದವರಿಗೂ ಇಷ್ಟವಾಗುವ ಹವ್ಯಾಸ.
ಅರವಿಂದ ಗುಪ್ತ ಅವರ ವಿಜ್ಞಾನದಲ್ಲಿ ಮೋಜು ಕೃತಿಯು ನಮ್ಮ ಹವ್ಯಾಸಕ್ಕೆ ಸ್ಪೂರ್ತಿ ನೀಡುವ ಕೃತಿ. ವಿ.ಎಸ್.ಎಸ್. ಶಾಸ್ತ್ರಿ ಅವರು ಕನ್ನಡಕ್ಕೆ ಅನುವಾದಿಸಿರುವ ಈ ಕೃತಿಯಲ್ಲಿ ಸುಮಾರು 51 ಬಗೆಯ ವಿಭಿನ್ನ ಪ್ರಯೋಗಗಳನ್ನು ಮಾಡಲಾಗಿದೆ. ಚಿತ್ರ ಸಮೇತವಾಗಿ ಪ್ರಯೋಗ ಮಾಡುವ ವಿಧಾನ ವಿವರಿಸಿರುವುದರಿಂದ ಪ್ರಯೋಗಿಸಲು ಸರಳ ಹಾಗೂ ಸುಲಭ ಎನಿಸಲೂ ಬಹುದು. ಸುಂಟರಗಾಳಿಯ ಬಾವಿ, ಜೀವವೃಕ್ಷ, ಪ್ರೊಪ್ಪೆಲ್ಲರ್‌ ತಿರುಗಿದಾಗ ಕುಣಿಯುವ ಗೊಂಬೆ ಪ್ರಯೋಗಗಳು ಮೋಜೆನಿಸುತ್ತವೆ.
ಒರಿಗಾಮಿ ಗಣಿತದ ಬಗ್ಗೆ ಅಧಿಕೃತವಾಗಿ ಮಾತನಾಡಬಲ್ಲ ಕೆಲವೇ ಕೆಲವರಲ್ಲಿ ವಿ.ಎಸ್.ಎಸ್. ಶಾಸ್ತ್ರಿ ಒಬ್ಬರು. ನವಕರ್ನಾಟಕದ ಗಣಿತ ಸಂವತ್ಸರ ಮಾಲೆಯ ಸಂಪಾದಕರ ಪೈಕಿ ಇವರೂ ಒಬ್ಬರು. ಗಣಿತ ಮತ್ತು ವಿಜ್ಞಾನ ಕುರಿತು ಹಲವು ಕೃತಿಗಳನ್ನು ರಚಿಸಿದ್ದಾರೆ. ಅರವಿಂದ ಗುಪ್ತ ಅವರ ಪುಸ್ತಕಗಳನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಗಣಿತ ಚಟುವಟಿಕೆಗಳು, ಆಹಾ ಎಷ್ಟೊಂದು ಚಟುವಟಿಕೆಗಳು, ಸೌರಶಕ್ತಿಯ ಕತೆ, ತ್ಯಾಜ್ಯವಸ್ತುಗಳಿಂದ ವಿಜ್ಞಾನ-ಆಟಿಕೆಗಳು ಮುಂತಾದವು ಪ್ರಮುಖ ಕೃತಿಗಳು. ಇವರಿಗೆ ವಿಜ್ಞಾನ ಸಂವಹನಕಾರ ಪ್ರಶಸ್ತಿಯು ಲಭಿಸಿದೆ. ...
READ MORE
Concept & Creation 
©2024 Book Brahma Private Limited.
