ದಂಡಿಯಾಮ ಜಾನುಶಿರಾಸನ

Date: 09-10-2023

Location: ಬೆಂಗಳೂರು

ದಂಡಿಯಾಮ ಜಾನುಶಿರಾಸನವು ದೇಹಕ್ಕೆ ಹಲವು ಪ್ರಯೋಜಯನಗಳನ್ನು ನೀಡುವುದರ ಜೊತೆಗೆ ಕಾಲುಗಳು ಬಲಿಷ್ಠಗೊಳ್ಳುತ್ತವೆ. ಹಾಗೇ ಭುಜಂಗಾಸನವನ್ನು ಅನಿಯಮಿತ ಮುಟ್ಟಿನ ಸಮಸ್ಯೆ ಇರುವವರು ಇದನ್ನು ಅಭ್ಯಾಸ ಮಾಡಿದರೆ ನಿಯಮಿತ ಮುಟ್ಟಿಗೆ ಸಹಕಾರಿಯಾಗುತ್ತದೆ. ಈ ಎರಡೂ ಆಸನಗಳ ಕುರಿತು ಯೋಗಪಟು ಚೈತ್ರಾ ಹಂಪಿನಕಟ್ಟಿ ಅವರು 'ಬುಕ್ ಬ್ರಹ್ಮ' ಪ್ರಕಟಿಸುವ ತಮ್ಮ 'ಯೋಗ ಯೋಗಾ' ಅಂಕಣದಲ್ಲಿ ವಿವರಿಸಿದ್ದಾರೆ.

ದಂಡಿಯಾಮ ಜಾನುಶಿರಾಸನ

ದಂಡಿಯಾಮ ಎಂದರೆ ಒಂದು ನಿರ್ದಿಷ್ಟವಾದ ಸ್ಥಿತಿ,
ಜಾನು : ಮೊಣಕಾಲು
ಶಿರ : ತಲೆ
ಆಸನ : ಭಂಗಿ

ಮಾಡುವ ವಿಧಾನ:

ಮೊದಲು ತಾಡಾಸನದಲ್ಲಿ ನಿಂತುಕೊಳ್ಳಬೇಕು, ನಂತರ ಉಸಿರನ್ನು ತೆಗೆದುಕೊಂಡು ಎರಡು ಕೈಗಳ ಸಹಾಯದಿಂದ ಬಲಗಾಲನ್ನು ಮಡಿಚಿ ತುದಿಯನ್ನು ಹಿಡಿದುಕೊಳ್ಳಬೇಕು ಮೊಣಕಾಲನ್ನು ನೇರ ಮಾಡುತ್ತಾ, ನಿಮ್ಮ ತಲೆಯನ್ನು ನಿಧಾನವಾಗಿ ಉಸಿರು ಬಿಡುತ್ತಾ ಮುಂದಕ್ಕೆ ಬಾಗಿ ಮೊಣಕಾಲಿಗೆ ತಾಗಿಸಬೇಕು ಎಡಗಾಲು ನೇರವಾಗಿರಬೇಕು, ಬೆನ್ನು ನೇರವಾಗಿರಬೇಕು ಉಸಿರಾಟದ ಕ್ರಿಯೆ ಸಹಜವಾಗಿರಬೇಕು. ೧೦ ಸೆಂಕೆಡ್ ಗಳ ಕಾಲ ಹಾಗೇ ಇದ್ದು ನಂತರ ಇನ್ನೊಂದು ಬದಿ ಪ್ರಯತ್ನಿಸಬೇಕು.

ಪ್ರಯೋಜನಗಳು:
1) ಕೋರ್ ಶಕ್ತಿ ಮತ್ತು ಸ್ಥಿರತೆಯನ್ನು ಸುಧಾರಿಸುತ್ತದೆ.
2) ಜೀರ್ಣಕ್ರಿಯೆಗೆ ಸಹಕಾರಿಯಾಗಿದೆ.
3) ಕಾಲುಗಳು ಬಲಿಷ್ಠಗೊಳ್ಳುತ್ತವೆ.
4) ಮಂಡಿರಜ್ಜುಗಳನ್ನು ಉದ್ದವಾಗಿಸುತ್ತದೆ.
5) ಸಮತೋಲನ ಮತ್ತು ಗಮನವನ್ನು ಸುಧಾರಿಸುತ್ತದೆ.
6) ಬೆನ್ನುಮೂಳೆಯನ್ನು ಬಲಪಡಿಸುತ್ತದೆ‌.

ಭುಜಂಗಾಸನ

ಸಂಸ್ಕೃತದಲ್ಲಿ ಭುಜಂಗ ಅಂದರೆ ಸರ್ಪ ಎಂದರ್ಥ ಮತ್ತು ಆಸನ ಎಂದರೆ ಭಂಗಿ ಎಂದರ್ಥ.

ಮಾಡುವ ವಿಧಾನ:

ಮೊದಲು ಬೋರಲಾಗಿ ಮಲಗಬೇಕು, ನಂತರ ಎರಡು ಕಾಲುಗಳನ್ನು ಕೂಡಿಸಿಬೇಕು ನಂತರ ಎರಡು ಕೈಗಳು ಎದೆಯ ಅಕ್ಕಪಕ್ಕದಲ್ಲಿ ಇಡಬೇಕು, ನಂತರ ನಿಧಾನವಾಗಿ ಉಸಿರನ್ನು ತೆಗೆದುಕೊಂಡು ಎರಡು ಕೈಗಳನ್ನು ನೆಲಕ್ಕೂರಿ ನೇರ ಮಾಡುತ್ತಾ ಭುಜವನ್ನು ಮೇಲಕ್ಕೆತ್ತಬೇಕು. ಉಸಿರಾಟದ ಕ್ರಿಯೆ ಸಹಜವಾಗಿ ಇರಬೇಕು, ೧೦ ಸೆಂಕೆಡ್ ಗಳ ಕಾಲ ಹಾಗೇ ಇದ್ದು ನಂತರ ಸಮಸಿತ್ಥಿಗೆ ಬರಬೇಕು.

ಪ್ರಯೋಜನಗಳು:
1) ಬೆನ್ನು, ಎದೆ, ಹೊಟ್ಟೆಯ ಭಾಗದ ನರಗಳನ್ನು ಬಲಪಡಿಸುವುದು.
2) ಸೊಂಟದ ನರಗಳ ಬಿಗಿ ಕಡಿಮೆ ಮಾಡುವುದರಿಂದ ಸೊಂಟ ನೋವು ಇರುವವರು ಈ ಆಸನ ಅಭ್ಯಾಸ ಮಾಡುವುದು ಒಳ್ಳೆಯದು.
3) ಭುಜವನ್ನು ಬಲಪಡಿಸುತ್ತದೆ.
4) ಅನಿಯಮಿತ ಮುಟ್ಟಿನ ಸಮಸ್ಯೆ ಇರುವವರು ಇದನ್ನು ಅಭ್ಯಾಸ ಮಾಡಿದರೆ ನಿಯಮಿತ ಮುಟ್ಟಿಗೆ ಸಹಕಾರಿ.
5) ಹಿಂಭಾಗದ ನರವನ್ನು ಬಲ ಪಡಿಸುತ್ತದೆ.
6. ಉಸಿರಾಟದ ಸಮಸ್ಯೆ ಇರುವವರು ಇದನ್ನು ಅಭ್ಯಾಸ ಮಾಡುವುದರಿಂದ ಶ್ವಾಸಕೋಶಗಳು ಹಾಗೂ ಹೃದಯ ಚೈತನ್ಯಗೊಳ್ಳುವುದು, ಉಸಿರಾಟದ ಕ್ರಿಯೆ ಸರಾಗವಾಗಿ ನಡೆಯುವುದು.