ಅಪ್ಪಂದಿರ ಬಗೆಗಿನ ಅಪರೂಪದ ಪುಸ್ತಕ ’ಅಪ್ಪರೂಪ’. ಇಪ್ಪತ್ನಾಲ್ಕು ಬರಹಗಾರರು ತಮ್ಮ ತಂದೆಯವರನ್ನು ನೆನೆದು ಬರೆದಿರುವ ಲೇಖನಗಳನ್ನೆಲ್ಲಾ ಒಂದೆಡೆ ಸಂಗ್ರಹಿಸಿ ಹೊರತಂದಿದ್ದಾರೆ ಗುರುರಾಜ ಕುರ್ತಕೋಟಿ.
ಜಯಂತ ಕಾಯ್ಕಿಣಿ, ಕಿರಣ ಕೆ ವಿ, ತಿರುಪತಿಭಂಗಿ, ಭಾರತಿ ಪ್ರಸಾದ ಮುಂತಾದವರು ಬರೆದ ಲೇಖನಗಳನ್ನು ಕೃತಿ ಒಳಗೊಂಡಿದೆ. ಎವರೆಸ್ಟಿನೆತ್ತರ ನಮ್ಮಪ್ಪ ಎಂದು ಅಪ್ಪನ ಧೀಮಂತ ವ್ಯಕ್ತಿತ್ವವ ನೆನೆದು ಕಂಬನಿ ಮಿಡಿಯುತ್ತಾರೆ ಸುಬ್ರಾಯ ಭಾಗವತ್. ಊರಿಗೆ ಮಾಸ್ತರಾದರೂ ನನಗೆ ಅಪ್ಪ ಮಾತ್ರ ಎಂದು ಚಿಂತನಶೀಲ ತಂದೆಯ ಜೀವನ ಮೆಲುಕುಹಾಕುತ್ತಾರೆ ಜಯಂತ ಕಾಯ್ಕಿಣಿ ಯವರು. ನಾಡಿನ ನಾನಾ ಭಾಗಗಳ ಲೇಖಕರಿಂದ ರೂಪುಗೊಂಡ ಈ ಕೃತಿ ಭಾವನಾತ್ಮಕ ನೆಲೆಯಲ್ಲಿ ಸೆಳೆಯುತ್ತದೆ.
ಲೇಖಕ ಗುರುಪ್ರಸಾದ ಕುರ್ತಕೋಟಿ ಅವರು ಹುಟ್ಟಿದ್ದು ಗದಗಿನಲ್ಲಿ. ಬೆಳೆದಿದ್ದು ಲಕ್ಷ್ಮೇಶ್ವರ. ಮುಂದೆ ಎಂಜಿನಿಯರಿಂಗ್ ಅಭ್ಯಸಿಸಿ, software ಉದ್ಯಮದಲ್ಲಿ ತೊಡಗಿಸಿಕೊಂಡು ಸುಮಾರು ಎರಡು ದಶಕಗಳ ಕಾಲ ಹಲವು ದೊಡ್ಡ ಕಂಪನಿಗಳಲ್ಲಿ ಹುದ್ದೆಗಳನ್ನು ನಿರ್ವಹಿಸಿದ್ದಾರೆ. ಅಮೆರಿಕೆಯಲ್ಲಿಯೂ ಕೆಲವು ವರ್ಷ ಕೆಲಸ ಮಾಡಿ, ಸದ್ಯಕ್ಕೆ ಬೆಂಗಳೂರಿನಲ್ಲಿ ವಾಸವಾಗಿದ್ದಾರೆ. ಮೊದಲಿನಿಂದಲೂ ಓದು ಹಾಗೂ ಬರವಣಿಗೆಯಲ್ಲಿ ತೊಡಗಿಸಿಕೊಂಡಿದ್ದ ಅವರ ಹಲವಾರು ನಗೆ ಬರಹಗಳು, ಲಲಿತ ಪ್ರಬಂಧಗಳು ಹಾಗೂ ಕತೆಗಳು ನಾಡಿನ ಹಲವು ಪತ್ರಿಕೆಗಳಲ್ಲಿ ಪ್ರಕಟ ಆಗಿವೆ. ಅವರು ಸಂಪಾದಿಸಿದ್ದ "ಎಲ್ಲರಂಥವನಲ್ಲ ನನ್ನಪ್ಪ" ಹಾಗೂ "ಅಪ್ಪರೂಪ" ಪುಸ್ತಕಗಳು ಓದುಗರಿಂದ ಪ್ರಶಂಸೆಗೆ ಪಾತ್ರವಾಗಿವೆ. "ಕೇಶಕ್ಷಾಮ" ಅವರ ಮೂರನೆಯ ಕೃತಿ. ಕೃಷಿಯ ...
READ MORE
Concept & Creation 
©2024 Book Brahma Private Limited.
.jpg)
