ಜಗತ್ತು -2009' ವರ್ಷವನ್ನು ಅಂತಾರಾಷ್ಟ್ರೀಯ ಖಗೋಳ ವಿಜ್ಞಾನ ವರ್ಷವೆಂದು ಸಂಭ್ರಮದಿಂದ ಆಚರಿಸಿತು. ಇಟಲಿಯ ಪ್ರಸಿದ್ಧ ವಿಜ್ಞಾನಿ ಗೆಲಿಲಿಯೋ ಗೆಲಿಲಿ, ತಾನೇ ರಚಿಸಿದ ದೂರದರ್ಶಕದಲ್ಲಿ ಬಾನನ್ನು ವೀಕ್ಷಿಸಿ 400 ವರ್ಷಗಳು ಸಂದವು. ಈ ನಾಲ್ಕು ಶತಮಾನದ ಅವಧಿಯಲ್ಲಿ ಖಗೋಳ ವಿಜ್ಞಾನದಲ್ಲಿ ಒಂದಕ್ಕಿಂತ ಒಂದು ಮಹಾ ಶೋಧಗಳಾಗಿವೆ. ಹಾಗೆಯೇ ದಶಕದಿಂದ ದಶಕಕ್ಕೆ ಇನ್ನಷ್ಟು ಶಕ್ತಿಶಾಲಿ ದೂರದರ್ಶಕಗಳು ಸೃಷ್ಟಿಯಾಗುತ್ತಿವೆ. ಬ್ರಹ್ಮಾಂಡಗಳಂತಿರಲಿ, ವಿಶ್ವದ ಪರಿಕಲ್ಪನೆಯೇ ಬದಲಾಗುತ್ತಿದೆ. ಇಂದು ಸಾಮಾನ್ಯ ಹವ್ಯಾಸಿ ಖಗೋಳ ವೀಕ್ಷಕನ ಕೈಯಲ್ಲಿ ಗೆಲಿಲಿಯೋ ಬಳಸಿದ್ದಕ್ಕಿಂತ ನೂರು ಪಟ್ಟು ಸಮರ್ಥವಾದ ದೂರದರ್ಶಕಗಳಿವೆ. ಖಗೋಳ ವಿಜ್ಞಾನದ ಈ ಸಂಭ್ರಮಕ್ಕೆ ಕೊಟ್ಟ ಕೊಡುಗೆ `ದೂರದರ್ಶಕ ಕಂಡ ವಿಶ್ವರೂಪ’ ಕೃತಿ. ದೂರದರ್ಶಕಗಳು ಕಾಲದಿಂದ ಕಾಲಕ್ಕೆ ಪ್ರಗತಿಯಾದ ಬಗೆ, ವಿಶ್ವದ ತಿಳಿವನ್ನು ಹೆಚ್ಚಿಸಿರುವ ಪರಿ ಇವುಗಳನ್ನು ಅತ್ಯಂತ ತಾರ್ಕಿಕವಾಗಿ ಕೊಡುವ ಪ್ರಯತ್ನವನ್ನು ಈ ಕೃತಿಯಲ್ಲಿ ಮಾಡಲಾಗಿದೆ.
ವಿಜ್ಞಾನದ ಓದು ಹಗುರವಾಗಿರಬೇಕು ಆದರೆ ಸಾರಗೆಡಬಾರದು, ಜನರು ವಿಜ್ಞಾನವನ್ನು ಸಾಹಿತ್ಯದಂತೆಯೇ ಓದಬೇಕು ಎಂಬುದು ಈ ಕೃತಿ ರಚನೆಯ ಉದ್ದೇಶ. ಈಗಾಗಲೇ ಎರಡು ಮುದ್ರಣಗಳನ್ನು ಈ ಕೃತಿ ಕಂಡಿದೆ. ಖಗೋಳ ವಿಜ್ಞಾನದ ಆಸಕ್ತರು ಓದಗಲೇಬೇಕಾದ ಕೃತಿ ಇದು.
ಭೂ ವಿಜ್ಞಾನಿ, ಸಂಶೋಧಕ, ಅಂಕಣಕಾರ, ವಿಜ್ಞಾನ ಲೇಖಕ ಟಿ.ಆರ್. ಅನಂತರಾಮು ಅವರು ಜನಿಸಿದ್ದು 1949 ಆಗಸ್ಟ್ 3ರಂದು ತುಮಕೂರು ಜಿಲ್ಲೆ ಶಿರಾ ತಾಲ್ಲೂಕಿನ ತಾಳಗುಂದದಲ್ಲಿ.ತಾಳಗುಂದ ರಾಮಣ್ಣ ಅನಂತರಾಮು ಅವರ ಪೂರ್ಣ ಹೆಸರು. ಸಿರಾದ ಸರ್ಕಾರಿ ಮಾಧ್ಯಮಿಕ ಶಾಲೆಯಲ್ಲಿ ಮಾಧ್ಯಮಿಕ ಶಿಕ್ಷಣ ಪೂರ್ಣಗೊಳಿಸಿದ ಅವರು ಸಿರಾದ ಮುನಿಸಿಪಲ್ ಹೈಸ್ಕೂಲಿನಲ್ಲಿ ಪ್ರೌಢಶಿಕ್ಷಣ ಪೂರ್ಣಗೊಳಿಸಿದ್ದಾರೆ. ಆನಂತರ ತುಮಕೂರಿನ ಸರ್ಕಾರಿ ಕಾಲೇಜಿನಲ್ಲಿ ಪದವಿ, ಮೈಸೂರು ವಿಶ್ವವಿದ್ಯಾಲಯದಲ್ಲಿ ಎಂ.ಎನ್ಸಿ(ಜಿಯಾಲಜಿ) ಪದವಿ ಪಡೆದಿದ್ದಾರೆ. ಭೂ ವಿಜ್ಞಾನ ವಿಷಯದಲ್ಲಿ ಪದವಿ ಪಡೆದ ನಂತನ ಬೆಂಗಳೂರಿನ ಸರ್ಕಾರಿ ವಿಜ್ಞಾನ ಕಾಲೇಜಿನಲ್ಲಿ ಪ್ರಾಧ್ಯಾಪಕರಾಗಿ, ರಾಜ್ಯದ ನಾನಾ ಕಾಲೇಜುಗಳಲ್ಲಿ ಅಧ್ಯಾಪಕರಾಗಿ ಕೆಲಸ ಮಾಡಿದ್ದಾರೆ. ...
READ MORE
Concept & Creation 
©2024 Book Brahma Private Limited.
