ಆಕಾಶದ ಅದ್ಭುತಗಳು

’ಆಕಾಶದ ಅದ್ಬುತಗಳು’ ಪಾಲಹಳ್ಳಿ ವಿಶ್ವನಾಥ್ ಅವರ ಖಗೋಳ ವಿದ್ಯಮಾನಗಳು ಕುರಿತ ಪ್ರಶ್ನೋತ್ತರವಾಗಿದೆ. ಖಗೋಳದ ಬಗ್ಗೆ ವಿದ್ಯಾರ್ಥಿಗಳು ಮತ್ತು ಆಸಕ್ತರು ಕೇಳಬಹುದಾದಂತಹ ಪ್ರಶ್ನೆಗಳನ್ನು ಊಹಿಸಿ ಅವುಗಳಿಗೆ ಉತ್ತರ ಕೊಡಲಾಗಿದೆ. ಪುಸ್ತಕವು ಸೌರಮಂಡಲ, ನಕ್ಷತ್ರಗಳು, ವಿಶ್ವ ಮತ್ತು ಮಾನವ ಮತ್ತು ಖಗೋಳ ವಿಚಾರಗಳನ್ನು ಒಳಗೊಂಡಿವೆ. ಖಗೋಳದಲ್ಲಿ ಹೊಸದಾಗಿ ಆಸಕ್ತಿ ಹುಟ್ಟಿರುವವರು ಮತ್ತು ಕೆಳ ತರಗತಿಗಳ ವಿದ್ಯಾರ್ಥಿಗಳು ಮೊದಲ ಮತ್ತು ಕಡೆಯ ಆಧ್ಯಾಯಗಳಿಂದ ತಮ್ಮ ಓದನ್ನು ಪ್ರಾರಂಭಿಸಬಹುದು, ಆನಂತರ ನಿಧಾನವಾಗಿ ಎರಡನೆಯ ಮತ್ತು ಮೂರನೆಯ ಅಧ್ಯಾಯಗಳನ್ನು ಓದಬಹುದು. ಸ್ವಾಭಾವಿಕವಾಗಿ ಖಗೋಳದಲ್ಲಿ ಮೊದಲನೆಯ ಆಸಕ್ತಿಯ ವಿಷಯ ಭೂಮಿಯ ಚಲನೆ, ಗ್ರಹಗಳು, ಸೂರ್ಯ ಇತ್ಯಾದಿ ಆಗಿರುತ್ತವೆ. ಈ ಪುಸ್ತಕದಲ್ಲಿನ ಕೆಲವು ವಿಷಯಗಳು ಶಾಲಾ ವಿದ್ಯಾರ್ಥಿಗಳಿಗೆ ಹೆಚ್ಚು ಅನಿಸಬಹುದು. ಆದರೆ ಕೆಲವು ವಿದ್ಯಾರ್ಥಿಗಳು ಪಠ್ಯಪ್ರಸ್ತಕಗಳಿಗಿಂತ ಹೆಚ್ಚು ಓದಿರುತ್ತಾರೆ. ಅಂತಹವರಿಗೆ ನಕ್ಷತ್ರಗಳು ಮತ್ತು ವಿಶ್ವ ಹೆಸರಿನ ಅಧ್ಯಾಯದಲ್ಲಿನ ಹಲವಾರು ವಿಷಯಗಳು ಇಷ್ಟವಾಗಿ ಮುಂದಿನ ಓದಿಗೆ ದಾರಿ ತೋರಿಸಬಹುದು. ಖಗೋಳದ ವಿದ್ಯಮಾನಗಳನ್ನು ಅರ್ಥ ಮಾಡಿಕೊಳ್ಳಲು ಭೌತವಿಜ್ಞಾನ ಅನಿವಾರ್ಯವಾಗಿದೆ. ಆದ್ದರಿಂದ ಗುರುತ್ವಾಕರ್ಷಣೆ, ಬೆಳಕು ಇತ್ಯಾದಿ ವಿಷಯಗಳನ್ನು ಚೆನ್ನಾಗಿ ಅರ್ಥಮಾಡಿಕೊಂಡರೆ ಒಳ್ಳೆಯದು. ಈ ಪುಸ್ತಕದಲ್ಲಿ ಕೆಲವು ಕಡೆ ಕನ್ನಡ ಪದಗಳ ಜೊತೆ ಇಂಗ್ಲಿಷ್ ಹೆಸರುಗಳನ್ನೂ (ಉದಾ: ಗ್ಯಾಲಕ್ಸಿ ಇತ್ಯಾದಿ) ಉಪಯೋಗಿಸಲಾಗಿದೆ. ಈ ಪದಗಳ ಪರಿಚಯವಿದ್ದರೆ ಮುಂದಿನ ಓದೂ ಸುಲಭವಾಗಬಹುದು ಎಂಬುದು ಮುಖ್ಯ ಉದ್ದೇಶ. ಪುಟದಲ್ಲಿ ಮೊದಲು ಕಾಣಿಸುವ ಚಿತ್ರವನ್ನು ಚಿತ್ರ 1 ಎಂದೂ, ಅನಂತರ ಬರುವ ಚಿತ್ರಗಳನ್ನು ಚಿತ್ರ 2, ಚಿತ್ರ ಎಂದು ಹೆಸರಿಸಿದೆ’ ಎನ್ನುತ್ತಾರೆ ಲೇಖಕ ಪಾಲಹಳ್ಳಿ ವಿಶ್ವನಾಥ್.