ಭೂಮಿಯ ಮೇಲೆ ಜೀವಿಗಳು ಉಳಿಯಲು ನಿಸರ್ಗ ಅನೇಕ ಸವಲತ್ತುಗಳನ್ನು ಕಲ್ಪಿಸಿದೆ. ಈ ಪೈಕಿ ಓಜೋನ್ ಪದರವೂ ಒಂದು. ಸೂರ್ಯನಿಂದ ಬರುವ ಅತಿನೇರಿಳೆ ಕಿರಣಗಳನ್ನು ತಡೆದು ನಮಗೆ ಆಗಬಹುದಾಗಿದ್ದ ಕ್ಯಾನ್ಸರನ್ನು ತಪ್ಪಿಸುತ್ತದೆ. ಓಜೋನ್ ಎಂದರೆ ಬೇರೇನೂ ಅಲ್ಲ, ಆಕ್ಸಿಜನ್ ನ ಅಣ್ಣ ಎನ್ನಬಹುದು. ಅಂದರೆ 3 ಆಕ್ಸಿಜನ್ ಪರಮಾಣುವಿರುವ ಅನಿಲ. ಅಂಟಾರ್ಕ್‍ಟಿಕ ಖಂಡದ ನೆತ್ತಿಯಲ್ಲಿ ಈ ಅನಿಲ ತೆಳುವಾಗಿ ಜಾಗತಿಕ ಮಟ್ಟದಲ್ಲಿ ದೊಡ್ಡ ಆತಂಕವನ್ನೇ ಮೂಡಿಸಿತ್ತು. ಜಗತ್ತು ಜಾಗೃತವಾಗಿ ಓಜೋನ್ ಪದರವನ್ನು ನಾಶಮಾಡುತ್ತಿದ್ದ ಕ್ಲೋರಿನ್ ಪರಮಾಣುವಿನ ಉತ್ಪತ್ತಿಗೆ ಲಗಾಮುಹಾಕಿತು. ಈಗ ನಿಧಾನವಾಗಿ ಓಜೋನ್ ಪದರು ಮುಚ್ಚುತ್ತಿದೆ.
`ಜೀವಿ ರಕ್ಷಕ ಓಜೋನ್ ಪದರ’ ಎಂಬ ಈ ಪುಟ್ಟ ಪುಸ್ತಕದಲ್ಲಿ ವಾಯುಗೋಳದ ಸಂಕ್ಷಿಪ್ತ ಪರಿಚಯವಿದೆ, ಓಜೋನ್‍ನ ಸೃಷ್ಟಿ ಮತ್ತು ನಾಶ ಕುರಿತು ಅತ್ಯಂತ ಸರಳವಾಗಿ ವಿವರಿಸಲಾಗಿದೆ. ಭೂಮಿಯ ವಾಯುಗೋಳವನ್ನು ಸುಸ್ಥಿತಿಯಲ್ಲಿಟ್ಟರೆ ಮಾತ್ರ ನಾವು ಬದುಕಿ ಉಳಿಯಬಲ್ಲೆವು ಎಂಬ ವಿವೇಚನೆಯ ಮಾತುಗಳಿವೆ. 1995ರಿಂದಲೂ ವಿಶ್ವಸಂಸ್ಥೆ ಪ್ರತಿವರ್ಷ ಸೆಪ್ಟೆಂಬರ್ 16ನ್ನು `ವಿಶ್ವ ಓಜೋನ್ ದಿನ’ ಎಂದು ಆಚರಿಸುತ್ತ ಬಂದಿದೆ. ಈ ಎಲ್ಲವನ್ನು ಕುರಿತು ನೀವು ಇಲ್ಲಿ ತಿಳಿಯಬಹುದು, ಮಕ್ಕಳಿಗೂ ತಿಳಿಸಬಹುದು. ಈ ಕೃತಿಯ ಸ್ವಾರಸ್ಯವಿರುವುದೇ ಇಲ್ಲಿ.
ಭೂ ವಿಜ್ಞಾನಿ, ಸಂಶೋಧಕ, ಅಂಕಣಕಾರ, ವಿಜ್ಞಾನ ಲೇಖಕ ಟಿ.ಆರ್. ಅನಂತರಾಮು ಅವರು ಜನಿಸಿದ್ದು 1949 ಆಗಸ್ಟ್ 3ರಂದು ತುಮಕೂರು ಜಿಲ್ಲೆ ಶಿರಾ ತಾಲ್ಲೂಕಿನ ತಾಳಗುಂದದಲ್ಲಿ.ತಾಳಗುಂದ ರಾಮಣ್ಣ ಅನಂತರಾಮು ಅವರ ಪೂರ್ಣ ಹೆಸರು. ಸಿರಾದ ಸರ್ಕಾರಿ ಮಾಧ್ಯಮಿಕ ಶಾಲೆಯಲ್ಲಿ ಮಾಧ್ಯಮಿಕ ಶಿಕ್ಷಣ ಪೂರ್ಣಗೊಳಿಸಿದ ಅವರು ಸಿರಾದ ಮುನಿಸಿಪಲ್ ಹೈಸ್ಕೂಲಿನಲ್ಲಿ ಪ್ರೌಢಶಿಕ್ಷಣ ಪೂರ್ಣಗೊಳಿಸಿದ್ದಾರೆ. ಆನಂತರ ತುಮಕೂರಿನ ಸರ್ಕಾರಿ ಕಾಲೇಜಿನಲ್ಲಿ ಪದವಿ, ಮೈಸೂರು ವಿಶ್ವವಿದ್ಯಾಲಯದಲ್ಲಿ ಎಂ.ಎನ್ಸಿ(ಜಿಯಾಲಜಿ) ಪದವಿ ಪಡೆದಿದ್ದಾರೆ. ಭೂ ವಿಜ್ಞಾನ ವಿಷಯದಲ್ಲಿ ಪದವಿ ಪಡೆದ ನಂತನ ಬೆಂಗಳೂರಿನ ಸರ್ಕಾರಿ ವಿಜ್ಞಾನ ಕಾಲೇಜಿನಲ್ಲಿ ಪ್ರಾಧ್ಯಾಪಕರಾಗಿ, ರಾಜ್ಯದ ನಾನಾ ಕಾಲೇಜುಗಳಲ್ಲಿ ಅಧ್ಯಾಪಕರಾಗಿ ಕೆಲಸ ಮಾಡಿದ್ದಾರೆ. ...
READ MORE
Concept & Creation 
©2024 Book Brahma Private Limited.
