ಲೇಖಕ ವಿ.ಕೆ. ತಾಳಿತ್ತಾಯ ಅವರ ಕೃತಿ-ವಿಜ್ಞಾನದ ತಾತ್ವಿಕ ನೆಲೆ. ಮೌಲ್ಯವಿರದ ಶಿಕ್ಷಣ ಸೇರಿದಂತೆ ಮಹಾತ್ಮ ಗಾಂಧೀಜಿ ಅವರು ಹೇಳಿರುವ ಸಪ್ತಸೂತ್ರಗಳ ಪೈಕಿ ತಾತ್ವಿಕ ನೆಲೆಯಿಲ್ಲದ ವಿಜ್ಞಾನವೂ ವ್ಯರ್ಥ. ಈ ಹಿನ್ನೆಲೆಯಲ್ಲಿ, ವಿಜ್ಞಾನದೊಂದಿಗೆ ತಾತ್ವಿಕ ನೆಲೆಗಳನ್ನು ಗುರುತಿಸಿ, ಅವುಗಳ ಮಹತ್ವ ಹಾಗೂ ಅನಿವಾರ್ಯತೆಯನ್ನು ಪ್ರತಿಪಾದಿಸಿ, ವಿಜ್ಞಾನ ಕುರಿತಂತೆ ವಿಸ್ತಾರದ ಅರಿವು ನೀಡಲು ಉದ್ದೇಶಿಸಿದ ಕೃತಿ ಇದು. ಈ ಕೃತಿಯಲ್ಲಿ ವಿಜ್ಞಾನ, ಪ್ರಕೃತಿಯ ನಿಯಮಗಳು, ವಿಜ್ಞಾನದ ಬೆಳವಣಿಗೆ, ಮುಗಿಯದ ಕೆಲಸ, ವೈಜ್ಞಾನಿಕ ವಿಧಾನ, ದೇವರು ಜೂಜಾಡುವುದಿಲ್ಲ, ವಿಜ್ಞಾನ ಮತ್ತು ವಸ್ತುನಿಷ್ಠೆ, ವಿಜ್ಞಾನ ಮತ್ತು ನೀತಿ, ವಿಜ್ಞಾನ ಮತ್ತು ಭವಿಷ್ಯ, ಈ ಕಲ್ಪನೆಗೆ ಅವನು ಬೇಕಿಲ್ಲ ಎಂಬ ಲೇಖನಗಳು ಸಂಕಲನಗೊಂಡಿವೆ.
ಲೇಖಕ ವಿ.ಕೆ.ತಾಳಿತ್ತಾಯ ಅವರು (ಕೃಷ್ಣಮೂರ್ತಿ ತಾಳಿತ್ತಾಯ) ಕಾಸರಗೋಡು ತಾಲೂಕಿನ ಮಂಜೇಶ್ವರ ಬಳಿಯ ವರ್ಕಾಡಿಯವರು. ಪ್ರಾಥಮಿಕ ಶಿಕ್ಷಣವನ್ನು ಅಲ್ಲೇ ಪಡೆದು ಉನ್ನತ ವ್ಯಾಸಂಗವನ್ನು ಮಂಗಳೂರು, ಚೆನ್ನೈ ಮತ್ತು ಕೊಲ್ಕತ್ತಾಗಳಲ್ಲಿ ಮಾಡಿದರು. ವಾಣಿಜ್ಯ, ಸಮಾಜ ಸೇವೆ ಮತ್ತು ಮಾನವ ಸಂಪನ್ಮೂಲಗಳಲ್ಲಿ ವಿದ್ಯಾರ್ಹತೆಗಳನ್ನು ಹೊಂದಿದ್ದು, ಸ್ಟೀಲ್ ಅಥಾರಿಟಿ ಆಫ್ ಇಂಡಿಯಾ, ಡೆಕ್ಕನ್ ಹೆರಾಲ್ಡ್, ಭಾರತ್ ಎಲೆಕ್ಟ್ರಾನಿಕ್ಸ್, ಮಂಗಳೂರು ರಿಫೈನರಿ ಮತ್ತು ಪೆಟ್ರೋಕೆಮಿಕಲ್ಸ್ ಮುಂತಾದ ಸಂಸ್ಥೆಗಳಲ್ಲಿ ಸೇವೆ ಸಲ್ಲಿಸಿ, ಸದ್ಯ ಮಂಗಳೂರಿನ ಬೃಹತ್ ಮೋಂಬತ್ತಿ ಕಾರ್ಖಾನೆಯ ಮುಖ್ಯಸ್ಥರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಹಾಗೂ ಮಂಗಳೂರಿನಲ್ಲಿ ಶಕ್ತಿ ಸಮೂಹ ಶಿಕ್ಷಣ ಸಂಸ್ಥೆಯ ಸದಸ್ಯರು. ಕೃತಿಗಳು: ನಾನೊಂದು ಪ್ರಶ್ನೆ ...
READ MORE
Concept & Creation 
©2024 Book Brahma Private Limited.
