‘ಜೀವನ ಜೋಕಾಲಿ’ ಕೃತಿಯು ಎಂ.ಎಸ್. ಸುಂಕಾಪುರ ಅವರು ಸಂಪಾದಿತ ಜೋಗತಿ ಹಾಡುಗಳಾಗಿವೆ. ಈ ಜೋಗತಿಯ ಹಾಡುಗಳಲ್ಲಿ ಧಾಟಿ ಮಹತ್ವಪೂರ್ಣವಾದದ್ದು. ಆ ಧಾಟಿಯನ್ನು ಹಿಡಿದು ಅವರು ಹೇಳಬೇಕಾದುದರಲ್ಲಿ ಬೇಕಾದ ವ್ಯತ್ಯಾಸ ಮಾಡಿಕೊಳ್ಳುವವರು. ರಾಗ, ರಸ, ಪದ, ಕಸ ಎನ್ನುವ ವಿಚಾರವನ್ನು ಈ ಸಂದರ್ಭದಲ್ಲಿ ನೆನೆಯಬೇಕು. ಈ ಹಾಡುಗಳಲ್ಲಿ ಸಾಹಿತ್ಯಿಕ ಅಂಶ ಕಡಿಮೆಯೆಂದೇ ಹೇಳಬೇಕು. ವಿಷಯ ವೈವಿಧ್ಯವೂ ಅಷ್ಟಕಷ್ಟೇ. ಎಲ್ಲಮ್ಮ ಹಾಗೂ ಅವಳ ಪರಿವಾರವನ್ನು ಬಿಟ್ಟು ಹಾಡಿನ ವಿಷಯ ಆಕಡೆ ಹೋಗುವುದೇ ಇಲ್ಲ. ಸರಳವಾದ ನೇರ ನಿರೂಪಣೆಯೇ ಈ ಹಾಡುಗಳ ಜೀವಾಳ. ಇಲ್ಲಿ ಪ್ರಾಸಾನುಪ್ರಾಸ ಕೆಲವು ಕಡೆ ತೋರಿ ಬರುತ್ತದೆ. ಎಲ್ಲ ಹಾಡುಗಳು ಸಾಮಾನ್ಯವಾಗಿ ಅಂಶಗಣದ ಮೇಲೆ ಅವಲಂಬಿಸಿ ನಿರ್ಮಾಣಗೊಂಡಿವೆ ಎಂದು ಸಂಪಾದಕರು ಅಭಿಪ್ರಾಯಪಡುತ್ತಾರೆ.
ಎಂ.ಎಸ್. ಸುಂಕಾಪುರ ಅವರು ಗದಗ ಜಿಲ್ಲೆಯ ಮುಳಗುಂದ (ಜನನ: 10-01-1921) ಗ್ರಾಮದವರು. ಎಂ.ಎ. ಹಾಗೂ ಪಿಎಚ್.ಡಿ. ಪದವೀಧರರು. ಬೆಳಗಾವಿ ಹಾಗೂ ಬಾಗಲಕೋಟೆಯ ಕಾಲೇಜುಗಳಲ್ಲಿ ಅಧ್ಯಾಪಕರಾಗಿ ನಂತರ ಕ.ವಿ.ವಿ. ಅಧ್ಯಯನ ಕೇಂದ್ರದ ಮುಖ್ಯಸ್ಥರಾಗಿದ್ದರು. ಶೋಭಮಾಲ- ಎಂಬುದು ಅವರು ಸ್ಥಾಪಿಸಿದ ಪ್ರಕಾಶನ ಸಂಸ್ಥೆ. ಕೃತಿಗಳು: ನಗೆ-ಹೊಗೆ, ಗಪ್-ಚಿಪ್, ತಲೆಹರಟೆಗಳು, ನಗೆಗಾರ ನಯಸೇನ ಜೀವನದಲ್ಲಿ ಹಾಸ್ಯ, ನಾಟಕಗಳು: ರೇಡಿಯೋ ನಾಟಕಗಳು ಹಾಗೂ ನಮ್ಮ ನಾಟಕಗಳು ಹಾಗೂ ಸಂಪಾದನೆ: ಜೀವನ ಜೋಕಾಲಿ, ಗಿರಿಜಾ ಕಲ್ಯಾಣ, ಶಬರಶಂಕರವಿಳಾಸ, ಶ್ರೀಕೃಷ್ಣ ಪಾರಿಜಾತ, ಪ್ರಭುಲಿಂಗ ಲೀಲೆ ಮತ್ತು ಸಂಶೋಧನಾ ಗ್ರಂಥಗಳು: ಕನ್ನಡ ಸಾಹಿತ್ಯದಲ್ಲಿ ಹಾಸ್ಯ, ಛಂದಸ್ಸಿನ ಗ್ರಂಥ. ಅವರು 30-06-1992 ರಂದು ನಿಧನರಾದರು. ...
READ MORE
Concept & Creation 
©2024 Book Brahma Private Limited.
