ಜನಪದ ಸಾಹಿತ್ಯದಲ್ಲಿ ಒಂದು ಪ್ರಮುಖ. ಪರಿಣಾಮಕಾರಿ ಹಾಡಿನ ಪ್ರಕಾರ-’ಗೀಗೀ’ ಪದಗಳು. ಲಾವಣಿ ರೂಪಾಂತರಗೊಂಡು ಮತ್ತಷ್ಟು ಪರಿಣಾಮಕಾರಿ ‘ಗೀಗಿ’ಯಾಗಿದ್ದನ್ನು ಸಂಶೋಧಕರು ಸ್ಪಷ್ಟಪಡಿಸುತ್ತಾರೆ. ವಿಜಾಪುರ ಜಿಲ್ಲೆಯ ಪಶ್ಚಿಮದ ಕೃಷ್ಣಾ ತೀರದ ಪ್ರದೇಶದಲ್ಲಿ ’ಜೀ’ ಪದದ ಬಳಗೆ ವಿಶೇಷವಾಗಿದ್ದು, ಅಲ್ಲಿ ‘ಜೀ; ಪದವೆಂದೇ ಹೇಳುತ್ತಿದ್ದರು. ವಿಜಾಪುರ ಜಿಲ್ಲೆಯ ಪೂರ್ವಭಾಗದಲ್ಲಿ ‘ಗೀ’ ಪ್ರಾಧಾನ್ಯತೆ ಪಡೆದು, ಅವು, ‘ಗೀಗೀ’ ಪದಗಳೆಂದು ಪ್ರಖ್ಯಾತಿ ಪಡೆದವು. ಈಗ ಅವುಗಳನ್ನು ಜನಪದರಲ್ಲಿ ಗೀಗಿ ಪದಗಳೆಂದೇ ದಟ್ಟವಾಗಿ ಗುರುತಿಸಲಾಗುತ್ತಿದೆ. ಈ ಕೃತಿಯಲ್ಲಿ ಗೀಗಿ ಪದಗಳ ಕುರಿತು ಸಂಪೂರ್ಣ ಮಾಹಿತಿ ನೀಡುತ್ತದೆ. ಡಾ.ಎಂ.ಜಿ. ಬಿರಾದಾರ (ಮ.ಗು. ಬಿರಾದಾರ) ಹಾಗೂ ಡಾ.ಬಿ.ಎಸ್. ಕೋಟ್ಯಾಳ ಅವರು ಕೃತಿಯನ್ನು ಸಂಪಾದಿಸಿದ್ದಾರೆ.
ಮೂಲತಃ ವಿಜಯಪುರ ಜಿಲ್ಲೆಯ ಬಬಲಾದ ಗ್ರಾಮದವರಾದ ಮ.ಗು. ಬಿರಾದಾರ (ಎಂ.ಜಿ. ಬಿರಾದಾರ) 15ನೇ ಮಾರ್ಚ್ 1933ರಲ್ಲಿ ಜನಿಸಿದರು. ರತ್ನಾಕರ ವರ್ಣಿ ಹಾಗೂ ಆತನ ಕೃತಿಗಳ ಕುರಿತು ಸಂಶೋಧನಾ ಮಹಾ ಪ್ರಬಂಧ ಸಲ್ಲಿಸಿ ಡಾಕ್ಟರೇಟ್ ಪಡೆದರು. ಕಾವ್ಯಸಿಂಧೂ -ಕವನ ಸಂಕಲನ, ಸವಕಳಿ-ಕಥಾ ಸಂಕಲನ, ಜೀವಂತ ಗೋರಿಗಳು ಮತ್ತು ಹದ್ದುಗಳು -ನಾಟಕ, ಹರದೇಶಿ-ನಾಗೇಶಿ-ಇವರ ಸಂಪಾದಿತ ಕೃತಿ, ನೂರೆಂಟು ಕಥೆಗಳು: ಕುಂದಣಗಾರರ ಸಾಹಿತ್ಯ, ಮಹಾದೇವಪ್ಪ ರಾಂಪೂರೆ, ಕೆ.ಜಿ. ಕುಂದಣಗಾರ ಅವರ ಜೀವನ ಕೃತಿಗಳು, ಜಾನಪದ ಜೀವಾಳ: ಜಾನಪದ ಸಮಾಲೋಚನೆ-ಇವರ ಕೃತಿಗಳು. ಇವರಿಗೆ ಜಾನಪದ ತಜ್ಞ ಪ್ರಶಸ್ತಿ, ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿವೆ. ...
READ MORE
Concept & Creation 
©2024 Book Brahma Private Limited.
