“ನನ್ನೊಳಗಿನ ಮಾತುಕತೆ" ಎ.ಎಂ ಪ್ರಕಾಶ್ ಅವರ ಕೃತಿಯಾಗಿದ್ದು, ಇಲ್ಲಿ ಅವರ ವಿಭಿನ್ನ ರೇಖಾ ಚಿತ್ರಗಳನ್ನು ಕಾಣಬಹುದು. ಪ್ರಕಾಶ್ ಅವರು ಕಲಾವಿದ್ಯಾರ್ಥಿಯಾಗಿದ್ದಾಗಿನಿಂದಲೂ ಹಿರಿಯ ಕಲಾವಿದರುಗಳಾದ ಕೆ.ಕೆ. ಹೆಬ್ಬಾರ್, ಪಾಬ್ಲೋ ಪಿಕಾಸೊ, ಕೆ.ಜಿ. ಸುಬ್ರಹ್ಮಣ್ಯಂ ಪೌಲ್ ಕ್ಲೀ ಮುಂತಾದವರ ರೇಖಾಚಿತ್ರಗಳನ್ನು ಬೆರಗಿನಿಂದ ಕಂಡು, ಪ್ರೇರಿತಗೊಂಡು ರೇಖೆಗಳನ್ನು ತನ್ನ ಕಲಾಭಿವ್ಯಕ್ತಿ ಯಾಗಿಸಿಕೊಂಡವರು. ಇವರ ರೇಖಾಕೃತಿಗಳನ್ನು ಕಂಡು "ಈ ಕುರಿತು ಪುಸ್ತಕವೊಂದು ಪ್ರಕಟವಾದರೆ ಚೆನ್ನ" ಎಂದು ಮುಂದೆ ಬಂದವರು ಸುಂದರ ಪ್ರಕಾಶನದ ಇಂದಿರಾ ಸುಂದರ್. ಮುತುವರ್ಜಿ ವಹಿಸಿ ಕಲಾತ್ಮಕವಾದ ಅಪರೂಪದ ಈ ನನ್ನೊಳಗಿನ ಮಾತುಕತೆ ಪುಸ್ತಕ ಮೂಡಲು ಕಾರಣರಾಗಿದ್ದಾರೆ. ಈ ಪುಸ್ತಕದಲ್ಲಿ ಪ್ರಕಾಶ್ ಅವರ ಬಾಲ್ಯದಲ್ಲಿನ ಕೆಲವು ನೆನಪಿನ ಚಿತ್ರಿಕೆಗಳ ಮೂಲಕ ಅವರ ದೃಶ್ಯಜಗತ್ತು ತೆರೆದುಕೊಂಡ ಮಿಂಚುಗಳನ್ನು ಪುಟ್ಟ ಬರಹಗಳ ಮೂಲಕ ದಾಖಲಿಸುವ ಪ್ರಯತ್ನ ಮಾಡಿದ್ದಾರೆ.
ಎ.ಎಂ. ಪ್ರಕಾಶ್ ಅವರು 1960 ರಲ್ಲಿ ಜನಿಸಿದರು. ಪ್ರಸ್ತುತ ಕಲಾಮಂದಿರ ಶಾಲೆಯ ಪ್ರಾಂಶುಪಾಲರಾಗಿದ್ದಾರೆ. ಅವರು ಹಂಪಿ ವಿಶ್ವವಿದ್ಯಾನಿಲಯದಿಂದ ಚಿತ್ರಕಲೆ ಮತ್ತು ಚಿತ್ರಕಲೆಯಲ್ಲಿ ಡಿಪ್ಲೊಮಾ (ಕಲಾಮಂದಿರ ಸ್ಕೂಲ್ ಆಫ್ ಆರ್ಟ್) ಮತ್ತು ಮಾಸ್ಟರ್ ಆಫ್ ವಿಷುಯಲ್ ಆರ್ಟ್ಸ್ ಪದವಿಯನ್ನು ಪಡೆದಿದ್ದಾರೆ. ಈಗಾಗಲೇ 8 ಏಕವ್ಯಕ್ತಿ ಪ್ರದರ್ಶನ ಸೇರಿದಂತೆ ಹಲವಾರು ಗುಂಪು ಪ್ರದರ್ಶನ ಮತ್ತು ಶಿಬಿರಗಳಲ್ಲಿ ಭಾಗವಹಿಸಿದ್ದಾರೆ. ಅಷ್ಟೇಅಲ್ಲದೆ ಅನೇಕ ಸಾಕ್ಷ್ಯಚಿತ್ರ, ಚಲನಚಿತ್ರ ಮತ್ತು ರಂಗ ನಾಟಕಗಳಿಗೆ ಕಲಾ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಿದ್ದು, ‘ಸೂರ್ಯಕಾಂತಿ’ ನಾಟಕದ ನಿರ್ದೇಶಕರಾಗಿಯೂ ಕಾರ್ಯನಿರ್ವಹಿಸಿದ್ದಾರೆ. ಪ್ರಸ್ತುತ ಕರ್ನಾಟಕ ಲಲಿತಕಲಾ ಅಕಾಡೆಮಿಯ ಸದಸ್ಯರಾಗಿದ್ದಾರೆ. ಇವರ ಸಾಧನೆಗೆ ಕರ್ನಾಟಕ ಲಲಿತಕಲಾ ಅಕಾಡೆಮಿ ಮತ್ತು ಆರ್ಯಭಟ ಪ್ರಶಸ್ತಿ ಲಭಿಸಿದೆ. ...
READ MOREConcept & Creation 
©2025 Book Brahma Private Limited.
.jpg)
