‘ಮಾಧ್ಯಮ ಭಾಷಾ ದೀಪಿಕೆ’ ಕೃತಿಯು ಪದ್ಮರಾಜ ದಂಡಾವತಿ ಅವರ ಪತ್ರಿಕೋದ್ಯಮ ಕುರಿತ ಲೇಖನಸಂಕಲನಾಗಿದೆ. ಭಾಷಾ ಬಳಕೆ ಕುರಿತಾಗಿ ಅವರಿಗಿರುವ ಅನುಭವ ಹಾಗೂ ಜ್ಞಾನ ಇವೆರಡನ್ನೂ ಸೇರಿಸಿ ಕೃತಿಯನ್ನು ರಚಿಸಲಾಗಿದೆ. ಭಾಷೆಯ ಮೇಲೆ ದಂಡಾವತಿ ಅವರು ಹೊಂದಿರುವ ಪ್ರೀತಿ, ಕಕ್ಕುಲಾತಿ ಪ್ರಶ್ನಾತೀತ. ಒಂದು ಪತ್ರಿಕೆ ಆಕರ್ಷಕ ಎನಿಸುವುದು ಅದರ ಶೀರ್ಷಿಕೆಗಳಿಂದ. ಜನರು ಪತ್ರಿಕೆಯನ್ನು ಶೀರ್ಷಿಕೆ ನೋಡಿಯೇ ಕೊಳ್ಳುತ್ತಾರೆ ಎಂಬ ಮಾತು ಇದೆ. ಸಂಜೆ ಪತ್ರಿಕೆಗಳಂತೂ ಕೇವಲ ಇಂಥ ಆಕರ್ಷಕ ಮತ್ತು ರೋಚಕ ಶೀರ್ಷಿಕೆಗಳನ್ನು ನಂಬಿಕೊಂಡೇ ಪತ್ರಿಕೆಯನ್ನು ಮಾಡುತ್ತವೆ ಎಂಬ ವಿಚಾರಗಳನ್ನು ಇಲ್ಲಿ ಪ್ರಸ್ತಾಪಿಸಲಾಗಿದೆ. ನಿವೃತ್ತರಾದ ಮೇಲೂ ಬದ್ಧತೆಯಿಂದ ಈ ದೀಪಿಕೆಯನ್ನು ರೂಪಿಸಿರುವುದಕ್ಕೆ ಅವರ ಪ್ರೀತಿ, ಕಕ್ಕುಲಾತಿಯೇ ಕಾರಣ ಎಂಬುವುದನ್ನು ನಾವು ಇಲ್ಲಿ ಕಾಣಬಹುದು.
ವಿಜಯಪುರ ಜಿಲ್ಲೆಯ ಮುದ್ದೆಬಿಹಾಳದಲ್ಲಿ 1955ರ ಆಗಸ್ಟ್ 30 ರಂದು ಪದ್ಜರಾಜ ದಂಡಾವತಿ ಅವರು ಜನಿಸಿದರು. ತಂದೆ ದೇವೇಂದ್ರಪ್ಪ, ತಾಯಿ ಚಂಪಮ್ಮ. ಪ್ರಾಥಮಿಕ- ಪ್ರೌಢ ಹಾಗೂ ಪಿಯುಸಿ ಶಿಕ್ಷಣವನ್ನು ಮುದ್ದೇಬಿಹಾಳದಲ್ಲಿ ಮುಗಿಸಿ, ಪದವಿ ಶಿಕ್ಷಣವನ್ನು ರಾಮದುರ್ಗದಲ್ಲಿ ಪೂರೈಸಿದರು. ಧಾರವಾಡದ ಕರ್ನಾಟಕ ವಿ.ವಿ.ಯಲ್ಲಿ ಸ್ನಾತಕೋತ್ತರ ಪದವಿ ಪೂರೈಸಿದರು. ಪತ್ರಕರ್ತರಾಗಿ 1982ರಲ್ಲಿ ಪ್ರಜಾವಾಣಿ ಸೇರಿದ್ದು, ಹಂತ ಹಂತವಾಗಿ ಬಡ್ತಿ ಹೊಂದಿ ಕಾರ್ಯನಿರ್ವಾಹಕ ಸಂಪಾದಕರಾಗಿ ನಿವೃತ್ತರಾದರು. ಸತತ ಎಂಟು ವರ್ಷಗಳಿಂದ ಅವರು ಪ್ರತಿ ಭಾನುವಾರ ಪ್ರಜಾವಾಣಿಯಲ್ಲಿ ಬರೆದ ‘ನಾಲ್ಕನೇ ಆಯಾಮ’ ಅಂಕಣ, ತನ್ನವಿಚಾರ-ವಿಷಯ ವೈವಿಧ್ಯತೆಯಿಂದಾಗಿ ಜನಪ್ರಿಯತೆ ಪಡೆದಿತ್ತು. ಕೃತಿಗಳು: ಪತ್ರಿಕಾಭಾಷೆ, ರಿಪೋರ್ಟಿಂಗ್, ಅವಲೋಕನ, ನಾಲ್ಕನೇ ಆಯಾಮ(ಆರು ...
READ MORE
Concept & Creation 
©2024 Book Brahma Private Limited.
