ಲೇಖಕ ಕೆ. ಕುಶಾಲಪ್ಪ ಗೌಡ ಅವರು ಬರೆದ ಗೌಡ ಕನ್ನಡ ವ್ಯಾಕರಣ ಕೃತಿ ʼಅರೆಬಾಸೆʼ. ಪ್ರಪಂಚದ ಪ್ರಾಚೀನ ಭಾಷೆಗಳಲ್ಲಿ ಕನ್ನಡವೂ ಒಂದು. ಅರೆಭಾಷೆಯು ಒಂದು ಉಪಭಾಷೆಯಾಗಿದೆ. ಹಾಗಾಗಿ ಇದರ ಬರವಣಿಗೆಗಳು ಕನ್ನಡ ಪದಗಳಲ್ಲಿವೆ. ಈ ಭಾಷೆಗೆ 500 ವರ್ಷಗಳ ಇತಿಹಾಸ ಇದೆ ಅಂತ ಹೇಳಲಾಗುತ್ತಿದ್ದು, ಕೊಡಗು, ದಕ್ಷಿಣ ಕನ್ನಡ ಹಾಗೂ ಕಾಸರಗೋಡು ಜಿಲ್ಲೆಗಳಲ್ಲಿ ಪ್ರಚಲಿತದಲ್ಲಿರುವ ಒಂದು ಭಾಷೆಯಾಗಿದೆ. ಗೌಡ ಸಮುದಾಯದವರು ಮಾತನಾಡುವ ಈ ಭಾಷೆಯ ಹುಟ್ಟು, ಬೆಳವಣಿಗೆ ಹಾಗೂ ಜನರ ಆಚಾರ- ವಿಚಾರಗಳ ಕುರಿತು ಅರೆಬಾಸೆ ಪುಸ್ತಕವು ಹೇಳುತ್ತದೆ.
ಕೊಡಗು ಜಿಲ್ಲೆಯ ಪೆರುಜೆಯವರಾದ ಡಾ. ಕೆ. ಕುಶಾಲಪ್ಪ ಗೌಡ ಅವರು ಇಂಗ್ಲೆಂಡಿನಲ್ಲಿ ಭಾಷಾ ವಿಜ್ಞಾನದ ಬಗ್ಗೆ ವಿಶೇಷ ಅಧ್ಯಯನ ಮಾಡಿದ್ದಾರೆ. ಭಾಷಾಶಾಸ್ತ್ರ, ವ್ಯಾಕರಣಕ್ಕೆ ಸಂಬಂಧಿಸಿದ ಪುಸ್ತಕಗಳನ್ನು ಪ್ರಕಟಿಸಿದ್ದಾರೆ. 'ದಕ್ಷಿಣ ಕನ್ನಡ ಜಿಲ್ಲೆಯ ಕೈಫಿಯತ್ತುಗಳು' ಕೃತಿಗೆ ಕರ್ನಾಟಕ ಸಾಹಿತ್ಯ ಅಕಾಡೆಮಿ ಬಹುಮಾನ ಸಂದಿದೆ. ಅವರಿಗೆ ಸೋವಿಯತ್ ಲ್ಯಾಂಡ್ ಪ್ರಶಸ್ತಿ (1988) ಲಭಿಸಿದೆ. ಮದ್ರಾಸು ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಪ್ರಾಧ್ಯಾಪಕರಾಗಿದ್ದ ಅವರು ನಿವೃತ್ತರಾಗಿದ್ದಾರೆ. ಲಘು ವಿನೋದ ಅವರ ಕೃತಿಗಳ ವಿಶೇಷತೆ. ಕಡಲ ತಡಿಯ ಕನವರಿಕೆ, ನಾನು ಸತ್ತಿಲ್ಲ ಕೊಳಚೇಪುರಿ ಪುಷ್ಪಕ ಪುರಾಣ, ಈ ಹೆನ್ ಪೆಕ್ಡ್‌, ಪುಸ್ತಕಂ ವಿನಿತಾವಿತ್ತಂ, ಸತ್ಯದ ಸುಳ್ಳು, ಹೆಂಡತಿಯನ್ನು ಹೇಗೆ ಕರೆಯುವುದು, ಕಮಲ ನಿಮೀಲನ ...
READ MORE
Concept & Creation 
©2024 Book Brahma Private Limited.
