‘ಅಣುಭೋಧನಾ ತರಬೇತಿ ತಂತ್ರಗಳು’ ಕೃತಿಯು ಕೆ. ಸತ್ಯನಾರಾಯಣ ಸಿಂಗ್ ಅವರ ತಂತ್ರಗಾರಿಕೆ ಸಂಬಂಧಪಟ್ಟಂತಹ ಕೃತಿಯಾಗಿದೆ. ಕೃತಿಗೆ ಮುನ್ನುಡಿ ಬರೆದಿರುವ ಡಿ. ಶಿವಪ್ಪ ಅವರು ಕೃತಿಯ ಕುರಿತು, ಲೇಖಕ ಆರಿಸಿಕೊಂಡಿರುವ ವಿಷಯ ಅತಿ ಕ್ಲಿಷ್ಟವಾದದ್ದು. ಇಂತಹ ಕಷ್ಟವಾದ ವಿಷಯವನ್ನು ತಿಳಿಗನ್ನಡದಲ್ಲಿ ಅರ್ಥವಾಗುವಂತೆ ಬರೆದದ್ದೂ ನಿಜಕ್ಕೂ ಶ್ಲಾಘನೀಯ. ಗ್ರಂಥದಲ್ಲಿ ಪಾರಿಭಾಷಿಕ ಶಬ್ಧಗಳ ಬಳಕೆ ಅರ್ಥಗರ್ಭಿತವಾಗಿದೆ. ಅರ್ಥಕ್ಕಾಗಿ ತಡಕಾಡದಂತೆ ಈ ಕೃತಿಯು ಈ ಓದುಗನನ್ನು ಸೆರೆಹಿಡಿದು ಓದಿಸಿಕೊಂಡು ಹೋಗುತ್ತದೆ. ಡಾ. ಸಿಂಗ್ ಅವರು ಗಳಿಸಿದ ಕನ್ನಡ ಭಾಷಾ ಸಾಮರ್ಥ್ಯ ಮೆಚ್ಚುವಂತಹುದು. ಒಟ್ಟಿನಲ್ಲಿ ಹೇಳುವುದಾದರೆ, ಡಾ. ಸತ್ಯನಾರಾಯಣ ಸಿಂಗ್ ಅವರು, ತಮ್ಮ ಆಳವಾದ ಅನುಭವ, ಉನ್ನತಮಟ್ಟದ ಬುದ್ಧಿ ಕೌಶಲ್ಯ ವಿಷಯದ ಬಗ್ಗೆ ‘ಇದಮಿತ್ತಂ’ ಎಂದು ಹೇಲುವ ಚತುರತೆ ಹಾಗೂ ದಿಟ್ಟನಿಲುವು, ಗಳಿಸಿದ ಸಂಶೋಧನಾ ಪ್ರವೃತ್ತಿ, ಹೇಳಬೇಕಾದದ್ದನ್ನು ನೇರವಾಗಿ ಹಾಗೂ ಮನಮುಟ್ಟುವಂತೆ ಹೇಳಲು ರೂಢಿಸಿಕೊಂಡ ಕಲೆ-ಇವೆಲ್ಲವನ್ನೂ ಹದವಾಗಿ ಬೆರೆಸಿ, “ಅಣುಭೋಧನಾ ತರಬೇತಿ ತಂತ್ರಗಳು” ಎಂಬ ಈ ಉನ್ನತ ಕೃತಿಯನ್ನು ರಚಿಸಿದ್ದಾರೆ ಎಂದಿದ್ದಾರೆ.
ಕೆ. ಸತ್ಯನಾರಾಯಣ ಸಿಂಗ್ ಅವರು ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಎಂ.ಇಡಿ, ಪದವೀಧರರು. ಸಂಶೋಧನೆ ಅವರ ಆಸಕ್ತಿ ಕ್ಷೇತ್ರ. ಯೂರೋಪಿನ್ ಆಂಗ್ಲಶಾಲೆಯಲ್ಲಿ ಶಿಕ್ಷಕನಾಗಿ ವೃತ್ತಿಯನ್ನು ನಿರ್ವಹಿಸಿರುವ ಅವರು ತಮ್ಮ ಶಿಕ್ಷಕ ಸೇವೆಯನ್ನು ಗ್ರಾಮಾಂತರ ವಿದ್ಯಾರ್ಥಿಗಳಿಗೂ ನೀಡಿರುತ್ತಾರೆ. ರಾಜ್ಯ ಶಿಕ್ಷಣ ಸಂಶೋಧನೆ ಮತ್ತು ತರಬೇತಿ ಇಲಾಖೆಯಲ್ಲಿ ವಿಸ್ತರಣಾ ವಿಭಾಗದ ಕೊ. ಆರ್ಡಿನೇಟರ್ ಆಗಿ ಕಾರ್ಯನಿರ್ವಹಿಸಿದ್ದಾರೆ. ಕೃತಿಗಳು : ಭಾಷಾ ಬೋಧನೋಪಕರಣಗಳು (ಸಂಶೋಧನೆ), ಅಣು ಬೋಧನಾತರಬೇತಿ ತಂತ್ರಗಳು, ಶಾಲಾ ಸಂಕೀರ್ಣ. ...
READ MORE
Concept & Creation 
©2024 Book Brahma Private Limited.
