‘ಸಂಶೋಧನೆಯ ಹಾದಿ' ದೇವಿಪ್ರಸಾದ್ ಚಟ್ಟೋಪಾಧ್ಯಾಯ’ ಜಿ. ಕುಮಾರಪ್ಪ ಅವರ ಅನುವಾದಿತ ಕೃತಿಯಾಗಿದೆ. ಜ್ಞಾನ ಸಂಪಾದನೆ - ವಿಜ್ಞಾನದ ಸಂಶೋಧನೆಗಳೆಂಬ ಎರಡು ದಾರಿಗಳನ್ನು ವಿಸ್ಮಯಕರವಾಗಿ ಕ್ರಮಿಸುತ್ತ ಬಂದ ಮಾನವನ ಸಾಮಾಜಿಕ ವ್ಯವಸ್ಥೆ ಸಾಕಷ್ಟು ಪರಿವರ್ತನೆಗಳನ್ನೂ ಕಂಡಿದೆ. ಅಂದಿನ ಮಾನವ ಪ್ರಕೃತಿಯನ್ನು ಅರ್ಥೈಸುವಲ್ಲಿ ಕೆಲವೊಂದು ತಪ್ಪು ತಿಳುವಳಿಕೆಗಳಿದ್ದು ಕ್ರಮೇಣ ಸಮಾಜದಲ್ಲಿ ಅವು ಧಾರ್ಮಿಕ ಮುಸುಕಿನಡಿ ಬಲವಾಗಿ ಬೇರೂರ ತೊಡಗಿದವು. ಹೀಗೆ ಅಂದಿನ ಅರ್ಥಹೀನ ಅವೈಜ್ಞಾನಿಕ ನಂಬಿಕೆಗಳನ್ನು ಅಲುಗಾಡಿಸಲು ಪ್ರಯತ್ನಿಸುತ್ತಿದ್ದ ಪ್ರಯೋಗಶೀಲ ವೈಜ್ಞಾನಿಕ ಸಂಶೋಧನೆಗಳು ಪ್ರಾರಂಭದಲ್ಲಿ ಭಾರೀ ಪ್ರತಿರೋಧವನ್ನು ಎದುರಿಸಬೇಕಾಯಿತು.
ಕನ್ನಡ ಸಾಹಿತ್ಯ ವಲಯದಲ್ಲಿ ತನ್ನದೇ ಛಾಪು ಮೂಡಿಸಿದ್ದ ಬರಹಗಾರ ಅನುವಾದಕ ಜಿ. ಕುಮಾರಪ್ಪ ಅವರು ಚಿತ್ರದುರ್ಗ ಜಿಲ್ಲೆ, ಹೊಳಲ್ಕೆರೆ ತಾಲ್ಲೂಕಿನ ಬಸಾಪುರ ಗ್ರಾಮದವರು. ಕೋಲ್ಕತ್ತಾದ ಬಂಗಾಲಿ ನ್ಯಾಷನಲ್‌ ಗ್ರಂಥಾಲಯದ ಕನ್ನಡ ವಿಭಾಗದ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸಿದ್ದ ಇವರು ಸಾಹಿತ್ಯ ಕೃಷಿಯಲ್ಲಿಯೂ ತೊಡಗಿಕೊಂಡಿದ್ದವರು. ಧೀಮಂತ, ಜಪಾನಿ ಹೈಕಗಳು ಕೃತಿಗಳನ್ನು ರಚಿಸಿರುವ ಇವರು ಬಂಗಾಲಿಯ ಹಲವಾರು ಕೃತಿಗಳನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಮಾತೆಯರು ಮಾನ್ಯರಾಗಿದ್ದಾಗ, ಸಂಶೋಧನೆಯ ಹಾದಿ, ಪ್ರತಿರೋಧ ಮುಂತಾದವು ಇವರು ಅನುವಾದಿಸಿರುವ ಪ್ರಮುಖ ಕೃತಿಗಳು. ...
READ MOREಹೊಸತು-2004- ಡಿಸೆಂಬರ್‌
ಜ್ಞಾನ ಸಂಪಾದನೆ - ವಿಜ್ಞಾನದ ಸಂಶೋಧನೆಗಳೆಂಬ ಎರಡು ದಾರಿಗಳನ್ನು ವಿಸ್ಮಯಕರವಾಗಿ ಕ್ರಮಿಸುತ್ತ ಬಂದ ಮಾನವನ ಸಾಮಾಜಿಕ ವ್ಯವಸ್ಥೆ ಸಾಕಷ್ಟು ಪರಿವರ್ತನೆಗಳನ್ನೂ ಕಂಡಿದೆ. ಅಂದಿನ ಮಾನವ ಪ್ರಕೃತಿಯನ್ನು ಅರ್ಥೈಸುವಲ್ಲಿ ಕೆಲವೊಂದು ತಪ್ಪು ತಿಳುವಳಿಕೆಗಳಿದ್ದು ಕ್ರಮೇಣ ಸಮಾಜದಲ್ಲಿ ಅವು ಧಾರ್ಮಿಕ ಮುಸುಕಿನಡಿ ಬಲವಾಗಿ ಬೇರೂರ ತೊಡಗಿದವು. ಹೀಗೆ ಅಂದಿನ ಅರ್ಥಹೀನ ಅವೈಜ್ಞಾನಿಕ ನಂಬಿಕೆಗಳನ್ನು ಅಲುಗಾಡಿಸಲು ಪ್ರಯತ್ನಿಸುತ್ತಿದ್ದ ಪ್ರಯೋಗಶೀಲ ವೈಜ್ಞಾನಿಕ ಸಂಶೋಧನೆಗಳು ಪ್ರಾರಂಭದಲ್ಲಿ ಭಾರೀ ಪ್ರತಿರೋಧವನ್ನು ಎದುರಿಸಬೇಕಾಯಿತು. ನಮ್ಮ ಕಾಲದ ಶ್ರೇಷ್ಠ ಚಿಂತಕ ದೇವಿಪ್ರಸಾದ್ ಚಟ್ಟೋಪಾಧ್ಯಾಯ ಇಲ್ಲಿನ ಬರವಣಿಗೆಯಲ್ಲಿ ಮಾನವನ ಏಳಿಗೆಯನ್ನು ಹಂತಹಂತವಾಗಿ ಗುರುತಿಸಿದ್ದಾರೆ. ಕೊನೆಗೆ ವಿಜ್ಞಾನದ ಹಾದಿಯಲ್ಲಿ ಆತ ಕೇವಲ ಸುಖವನ್ನು ಮಾತ್ರ ಅರಸುತ್ತ ವಿಜ್ಞಾನವನ್ನು ಉಳ್ಳವರ ಜೀತದಾಳಿನಂತೆ ದುಡಿಸುವ ಹಂತ ತಲುಪಿದ್ದನ್ನು ಒಂದು ಚರಿತ್ರೆಯನ್ನಾಗಿ ತಿಳಿಸಿದ್ದಾರೆ.
Concept & Creation 
©2024 Book Brahma Private Limited.
