''ಒಂದು ಸರಳ ವಾಕ್ಯದಲ್ಲಿ ಈ ಮೂರು ಗಟಕಗಳು ಇರುತ್ತವೆ. ಆನಂತರ ಸಂಯುಕ್ತ, ಸಂಕೀರ‍್ಣ ಮೊದಲಾದ ದೊಡ್ಡ ದೊಡ್ಡ ವಾಕ್ಯಗಳಲ್ಲಿ ವಿಬಿನ್ನ ಗಟಕಗಳ ಸಂಕೆ ಹೆಚ್ಚಾಗುತ್ತದೆ. ಅಂದರೆ, ಒಂದಕ್ಕಿಂತ ಹೆಚ್ಚು ನಾಮಪದಗಳು ಕರ‍್ತ್ರುವಾಗಿ ಇಲ್ಲವೆ ಕರ‍್ಮದ ಪಾತ್ರದಲ್ಲಿ ಬಳಕೆಯಾಗುತ್ತಿರುತ್ತವೆ. ಸಂಯುಕ್ತ, ಸಂಕೀರ‍್ಣ ಮೊದಲಾದ ವಾಕ್ಯಗಳಲ್ಲಿ ಎರಡು ವಾಕ್ಯಗಳು ಪರಸ್ಪರ ಕೋದುಕೊಂಡು ಬಂದಿರುತ್ತವೆ,'' ಬಸವರಾಜ ಕೋಡಗುಂಟಿ. ಅವರು ತಮ್ಮ ತೊಡೆಯಬಾರದ ಲಿಪಿಯ ಬರೆಯಬಾರದು ಅಂಕಣದಲ್ಲಿ ‘ವಾಕ್ಯದ ಗಟಕಗಳು’ ವಿಚಾರದ ಕುರಿತು ಬರೆದಿದ್ದಾರೆ.

ವಾಕ್ಯ ಬಾಶೆಯ ಬಹುದೊಡ್ಡ ಗಟಕ. ಇದರಲ್ಲಿ ಪದಗಳ ಸೂಕ್ತ ಹೊಂದಿಕೆ ಇರುತ್ತದೆ. ವಾಕ್ಯವೊಂದು ಪದಗಳಿಂದ ಆಗಿರುತ್ತದೆ. ಈ ಪದಗಳನ್ನು ಗಟಕಗಳು ಎಂದು ಕರೆಯಬಹುದು. ಇದರಿಂದ ಮಾತುಕತೆಗೆ ಅನುಕೂಲವಾಗುತ್ತದೆ. ಹಾಗಾದರೆ, ವಾಕ್ಯವೊಂದರಲ್ಲಿ ಎಶ್ಟು ಮತ್ತು ಯಾವ ಗಟಕಗಳು ಇರುತ್ತವೆ ಎಂಬುದನ್ನು ಇಲ್ಲಿ ತುಸು ನೋಡೋಣ. ಜಗತ್ತಿನ ಎಲ್ಲ ಬಾಶೆಗಳನ್ನು ಗಮನಿಸಿದಾಗ ವಾಕ್ಯದಲ್ಲಿ ಮೂರು ಮುಕ್ಯವಾದ ಮತ್ತು ಮೂಲಬೂತವಾದ ಗಟಕಗಳನ್ನು ಕಾಣಬಹುದು. ಅವುಗಳೆಂದರೆ, ಕರ‍್ತ್ರು, ಕರ‍್ಮ ಮತ್ತು ಕ್ರಿಯೆ. ಕನ್ನಡದಲ್ಲಿ ವಾಕ್ಯದ ಅನುಕ್ರಮ ಕರ‍್ತ್ರು-ಕರ‍್ಮ-ಕ್ರಿಯೆ ಎಂಬುದಾಗಿದೆ.

ಉದಾ. ಕರ‍್ತ್ರು ಕರ‍್ಮ ಕ್ರಿಯೆ

ಅವಳು ಮಾರ‍್ಕೇಟಿಗೆ ಹೋದಳು

ಈ ಮೇಲಿನ ವಾಕ್ಯದಲ್ಲಿ ಮೂರು ಗಟಕಗಳು ಇವೆ. ಇವುಗಳಲ್ಲಿ ಮೊದಲನೆಯದು ಕರ‍್ತ್ರು, ಎರಡನೆಯದು ಕರ‍್ಮ ಮತ್ತು ಮೂರನೆಯದು ಕ್ರಿಯೆ ಎಂದು ಗುರುತಿಸಲಾಗುತ್ತದೆ. ಬೇರೆ ಬೇರೆ ಬಾಶೆಗಳಲ್ಲಿ ಈ ಅನುಕ್ರಮ ಬಗೆಬಗೆಯದಾಗಿರುತ್ತದೆ. ಇವು ಮುಕ್ಯವಾಗಿ ವಾಕ್ಯವೊಂದನ್ನು ರಚಿಸುವುದಕ್ಕೆ ಬೇಕಾದ ಮೂಲಬೂತವಾದ ಗಟಕಗಳು. ಒಂದು ವಾಕ್ಯದಲ್ಲಿ ಮೂರು ಮಾತ್ರ ಗಟಕಗಳು ಇರಬೇಕೆಂಬ ನಿಯಮವೇನಿಲ್ಲ, ಎಶ್ಟು ಗಟಕಗಳು ಬೇಕಾದರೂ ಇರಬಹುದು. ಆದರೆ, ಈ ಮೂರು ಮೂಲಬೂತವಾಗಿದ್ದು ಒಂದು ವಾಕ್ಯ ರಚಿಸುವುದಕ್ಕೆ ಇವು ಅವಶ್ಯ ಇರಬೇಕಾದವು. ಇಲ್ಲಿ ಈ ಗಟಕಗಳನ್ನು ಪರಿಚಯ ಮಾಡಿಕೊಳ್ಳೋಣ.

ಕರ‍್ತ್ರು ಎಂಬುದು ಮಾಡುವಂತದ್ದು, ವಾಕ್ಯದಲ್ಲಿರುವ ಕೆಲಸವನ್ನು ಮಾಡುವಂತದ್ದು ಮತ್ತು ವಾಕ್ಯದಲ್ಲಿನ ಕೆಲಸದ ಮೇಲೆ ನಿಯಂತ್ರಣವನ್ನು ಹೊಂದಿರುವಂತದ್ದು. ಕರ‍್ತ್ರುವಿನ ಲಿಂಗ-ವಚನಗಳು ಆ ವಾಕ್ಯದ ಕ್ರಿಯಾಪದದೊಂದಿಗೆ ಒಪ್ಪಂದದಲ್ಲಿ ಇರುತ್ತವೆ. ಆ ವಾಕ್ಯದಲ್ಲಿನ ಕ್ರಿಯಾಪದವು ಕರ‍್ತ್ರುವಿನ ಲಿಂಗ-ವಚನಗಳ ಪ್ರತ್ಯಯಗಳನ್ನು ಪಡೆದುಕೊಂಡು ಅವುಗಳನ್ನು ಅಬಿವ್ಯಕ್ತಿಸುತ್ತದೆ. ಇದನ್ನು ಒಂದು ಉದಾಹರಣೆಯೊಂದಿಗೆ ತುಸು ಮಾತಾಡೋಣ.

ಅವಳು ಕಚೇರಿಗೆ ಹೋದಳು

ಸಾಮಾನ್ಯವಾಗಿ ಯಾವುದೆ ಒಂದು ವಾಕ್ಯದಲ್ಲಿ ಒಂದು ಕೆಲಸ ಇರುತ್ತದೆ. ಈ ಮೇಲಿನ ವಾಕ್ಯದಲ್ಲಿ ‘ಹೋಗುವ’ ಒಂದು ಕೆಲಸ ಇದೆ. ಈ ಹೋಗುವ ಕೆಲಸವನ್ನು ಮಾಡುತ್ತಿರುವವರು ‘ಅವಳು’ ಎಂಬುದಾಗಿದೆ. ಅಂದರೆ, ವಾಕ್ಯದಲ್ಲಿರುವ ಕೆಲಸವನ್ನು ಮಾಡುತ್ತಿರುವುದು ‘ಅವಳು’. ಹಾಗಾಗಿ, ಈ ಕೆಲಸವನ್ನು ಮಾಡುತ್ತಿರುವುದನ್ನು ಕರ‍್ತ್ರು ಇಲ್ಲವೆ ಮಾಡುಗ ಎಂದು ಕರೆಯಬಹುದು. ಮಾಡುವಂತದ್ದು ಮಾಡುಗ, ಕರ‍್ತ್ರು. ಇನ್ನೊಂದು ಲಕ್ಶಣವನ್ನು ಇಟ್ಟುಕೊಂಡು ಕರ‍್ತ್ರುವನ್ನು ಗುರುತಿಸಲು ಸಾದ್ಯವಾಗುತ್ತದೆ. ಕರ‍್ತ್ರು ಗಟಕವು ಸಾಮಾನ್ಯವಾಗಿ ವಾಕ್ಯದಲ್ಲಿ ಇರುವ ಕೆಲಸದ ಮೇಲೆ ನಿಯಂತ್ರಣವನ್ನು ಹೊಂದಿರುತ್ತದೆ. ಈ ಮೇಲಿನ ವಾಕ್ಯದಲ್ಲಿ ‘ಅವಳು’ ಎಂಬ ಈ ಗಟಕವು ‘ಹೋಗುವ’ ಕೆಲಸದ ಮೇಲೆ ನಿಯಂತ್ರಣವನ್ನು ಹೊಂದಿದೆ. ಅಂದರೆ, ಕೆಲಸವನ್ನು ಮಾಡುವ ಗಟಕ ಸಹಜವಾಗಿಯೆ ಆ ಕೆಲಸದ ಮೇಲೆ ನಿಯಂತ್ರಣವನ್ನು ಹೊಂದಿರುತ್ತದೆ.

ಇನ್ನು ಕರ‍್ಮ ಎಂಬ ಇನ್ನೊಂದು ಗಟಕವನ್ನು ಗಮನಿಸೋಣ. ಕರ‍್ಮ ಎಂಬುದು ವಾಕ್ಯದಲ್ಲಿನ ಕೆಲಸದ ಪರಿಣಾಮ ಇಲ್ಲವೆ ಅದನ್ನು ಅನುಬವಿಸುವಂತದ್ದು. ಇದು ವಾಕ್ಯದಲ್ಲಿನ ಕೆಲಸದ ಮೇಲೆ ನಿಯಂತ್ರಣವನ್ನು ಹೊಂದಿಲ್ಲದಂತದ್ದು. ಉದಾಹರಣೆಯೊಂದಿಗೆ ಈ ಮಾತುಕತೆಯನ್ನು ಮುಂದುವರೆಸಬಹುದು.

ಅವಳು ಮನೆ ಕಟ್ಟಿದಳು

ಈ ವಾಕ್ಯದಲ್ಲಿ ‘ಕಟ್ಟುವ’ ಕೆಲಸ ನಡೆಯುತ್ತಿದೆ. ಈ ಕೆಲಸ ಮಾಡುತ್ತಿರುವುದು ‘ಅವಳು’. ಈ ವಾಕ್ಯದಲ್ಲಿ ನಡೆಯುತ್ತಿರುವ ‘ಕಟ್ಟುವ’ ಕೆಲಸದ ಪರಿಣಾಮವು ವಾಕ್ಯದ ಇನ್ನೊಂದು ಗಟಕವಾಗಿರುವ ‘ಮನೆ’ ಎಂಬುದರ ಮೇಲೆ ಆಗುತ್ತಿರುವುದನ್ನು ಗಮನಿಸಬಹುದು. ಅಂದರೆ, ‘ಕಟ್ಟುವ’ ಕೆಲಸ ನಡೆಯುವುದರಿಂದ ‘ಮನೆ’ ರೂಪುಗೊಳ್ಳುತ್ತದೆ ಇಲ್ಲವೆ ‘ಕಟ್ಟುವ’ ಕೆಲಸದ ಪ್ರಬಾವಕ್ಕೆ ‘ಮನೆ’ ಎಂಬ ಈ ಗಟಕ ಒಳಗಾಗುತ್ತದೆ. ಕರ‍್ಮದ ಇನ್ನೊಂದು ಲಕ್ಶಣವೆಂದರೆ, ಇದು ವಾಕ್ಯದಲ್ಲಿ ನಡೆಯುವ ಕೆಲಸದ ಮೇಲೆ ನಿಯಂತ್ರಣವನ್ನು ಹೊಂದಿರುವುದಿಲ್ಲ. ಈ ಮೇಲಿನ ವಾಕ್ಯದಲ್ಲಿ ‘ಮನೆ’ ಎಂಬ ಗಟಕವು ಕಟ್ಟುವ ಕೆಲಸದ ಮೇಲೆ ಯಾವುದೆ ನಿಯಂತ್ರಣವನ್ನು ಹೊಂದಿಲ್ಲ, ಬದಲಿಗೆ ಆ ಕೆಲಸದ ಪರಿಣಾಮವನ್ನು ಪಡೆದುಕೊಳ್ಳುತ್ತದೆ.

ಇನ್ನು, ವಾಕ್ಯದ ಮೂರು ಮೂಲಬೂತ ಗಟಕಗಳಲ್ಲಿ ಇನ್ನೊಂದು ಕ್ರಿಯೆ. ಈಗಾಗಲೆ ಮೇಲೆ ವಾಕ್ಯವೊಂದರಲ್ಲಿ ಕೆಲಸ ಇರುತ್ತದೆ ಎಂಬುದನ್ನು ಹೇಳಿದೆ. ವಾಕ್ಯದಲ್ಲಿ ಇರುವ ಈ ಕೆಲಸವನ್ನು ಹೇಳುವ ಗಟಕವನ್ನು ‘ಕ್ರಿಯೆ’ ಎಂದು ಕರೆಯಲಾಗುತ್ತದೆ. ಇದು ವಾಕ್ಯದ ಕೆಲಸವನ್ನು ಸೂಚಿಸುತ್ತದೆ.

ಹೀಗೆ ಕರ‍್ತ್ರು, ಕರ‍್ಮ ಮತ್ತು ಕ್ರಿಯೆ ಎಂಬ ಮೂರು ಮೂಲಬೂತವಾದ ಗಟಕಗಳನ್ನು ಜಗತ್ತಿನ ಬಾಶೆಗಳಲ್ಲಿ ಕಾಣಬಹುದು. ಈ ಮೂಲಬೂತ ಗಟಕಗಳಲ್ಲದೆ ಇನ್ನುಳಿದ ಗಟಕಗಳೂ ವಾಕ್ಯದಲ್ಲಿ ಬರಬಹುದು. ಅವುಗಳಲ್ಲಿ ಮುಕ್ಯವಾಗಿ ವಿಶೇಶಣಗಳನ್ನು ಕಾಣಬಹುದು. ಇವು ವಾಕ್ಯದಲ್ಲಿನ ನಾಮಪದ ಇಲ್ಲವೆ ಕ್ರಿಯಾಪದವನ್ನು ಹೊಗಳುವುದಕ್ಕೆ ಇಲ್ಲವೆ ವಿವರಿಸುವುದಕ್ಕೆ ಬರುತ್ತವೆ. ವಿಶೇಶಣಗಳು ವಾಕ್ಯದಲ್ಲಿ ಒಂದಕ್ಕಿಂತ ಹೆಚ್ಚು ಬರಬಹುದು. ಕರ‍್ತ್ರು, ಕರ‍್ಮ ಇಲ್ಲವೆ ಕ್ರಿಯೆಯನ್ನು ಹೆಚ್ಚು ಹೆಚ್ಚು ಸ್ಪಶ್ಟಪಡಿಸುವುದಕ್ಕೆಂದು ಹೆಚ್ಚು ಹೆಚ್ಚು ವಿಶೇಶಣ ಗಟಕಗಳು ವಾಕ್ಯದಲ್ಲಿ ಬಳಕೆಯಾಗಬಹುದು.

ಒಂದು ಸರಳ ವಾಕ್ಯದಲ್ಲಿ ಈ ಮೂರು ಗಟಕಗಳು ಇರುತ್ತವೆ. ಆನಂತರ ಸಂಯುಕ್ತ, ಸಂಕೀರ‍್ಣ ಮೊದಲಾದ ದೊಡ್ಡ ದೊಡ್ಡ ವಾಕ್ಯಗಳಲ್ಲಿ ವಿಬಿನ್ನ ಗಟಕಗಳ ಸಂಕೆ ಹೆಚ್ಚಾಗುತ್ತದೆ. ಅಂದರೆ, ಒಂದಕ್ಕಿಂತ ಹೆಚ್ಚು ನಾಮಪದಗಳು ಕರ‍್ತ್ರುವಾಗಿ ಇಲ್ಲವೆ ಕರ‍್ಮದ ಪಾತ್ರದಲ್ಲಿ ಬಳಕೆಯಾಗುತ್ತಿರುತ್ತವೆ. ಸಂಯುಕ್ತ, ಸಂಕೀರ‍್ಣ ಮೊದಲಾದ ವಾಕ್ಯಗಳಲ್ಲಿ ಎರಡು ವಾಕ್ಯಗಳು ಪರಸ್ಪರ ಕೋದುಕೊಂಡು ಬಂದಿರುತ್ತವೆ. ಹೀಗೆ ಪದಗಳನ್ನು ಜೋಡಿಸುವುದಕ್ಕೆಂದು ಬಿನ್ನ ಪದಗಳು ಬಳಕೆಯಾಗುತ್ತವೆ. ಹಾಗೆಯೆ ವಿಬಿನ್ನ ಕೆಲಸಗಳನ್ನು ಮಾಡುವ ವಾಕ್ಯಗಳು ಬಳಕೆಯಾಗುತ್ತವೆ. ಅಂದರೆ, ಪ್ರಶ್ನಿಸುವ ಕೆಲಸ, ನಿಶೇದಿಸುವ ಕೆಲಸ ಮೊದಲಾದವು. ಹೀಗೆ ವಾಕ್ಯವು ವಿಬಿನ್ನ ಕೆಲಸಗಳನ್ನು ಮಾಡುವಾಗ ಆ ಕೆಲಸಗಳನ್ನು ನಿರ‍್ವಹಿಸುವುದಕ್ಕೆ ನಿರ‍್ದಿಶ್ಟವಾದ ಗಟಕಗಳು ಬಳಕೆಯಾಗುತ್ತವೆ.

ಈ ಗಟಕಗಳು ಯಾವು ಎಲ್ಲಿ ಹೇಗೆ ಬರಬೇಕು ಎಂಬುದು ನಿಯಾಮಕ. ಹೀಗೆ ಹಲವು ವಿಬಿನ್ನ ಬಗೆಯ ಗಟಕಗಳು ಹೆಚ್ಚು ಹೆಚ್ಚಾಗಿ ವಾಕ್ಯದಲ್ಲಿ ಬಳಕೆಯಾದಾಗ ಯಾವ ಗಟಕಗಳು ಎಲ್ಲೆಲ್ಲಿ ಬರಬೇಕು ಎಂಬುದು ಹಲವು ಬಾರಿ ನಿಯಾಮಕವಾಗಿರುತ್ತದೆ ಮತ್ತು ಅದರಂತೆಯೆ ಬರುತ್ತವೆ. ಒಂದಕ್ಕಿಂತ ಹೆಚ್ಚು ಕರ‍್ತ್ರುಗಳು, ಒಂದಕ್ಕಿಂತ ಹೆಚ್ಚು ಕರ‍್ಮಗಳು ಬಂದರೆ ಅವುಗಳಲ್ಲಿ ಯಾವುದು ಮೊದಲು ಬರಬೇಕು ಯಾವುದು ಆನಂತರ ಎಂಬೆಲ್ಲ ಬಗೆಯ ಹೊಂದಿಕೆ ಇರುತ್ತದೆ. ಒಂದಕ್ಕಿಂತ ಹೆಚ್ಚು ವಿಶೇಶಣಗಳು ಬಂದಾಗಲೂ ಯಾವುದು ಮೊದಲು ಬರಬೇಕು ಯಾವುದು ಆನಂತರ ಎಂಬ ಮೊದಲಾದ ಹಲವು ಅಂಶಗಳು ಸ್ಪಶ್ಟವಾಗಿರುತ್ತವೆ.

ಇಲ್ಲಿ ಇನ್ನೊಂದು ವಿಚಾರವನ್ನೂ ಸ್ಪಶ್ಟಪಡಿಸಿಕೊಳ್ಳಬಹುದು. ವಾಕ್ಯದಲ್ಲಿ ಮೂರು ಗಟಕಗಳು ಇರುತ್ತವೆ ಎಂದಾದರೆ ಇವು ಮೂರು ಗಟಕಗಳು ಇರಲೇಬೇಕು ಎಂಬ ನಿಯಮವಿದೆಯೆ? ವಾಸ್ತವದಲ್ಲಿ ಹಾಗೇನಿಲ್ಲ. ಒಂದು, ಎರಡು ಗಟಕಗಳು ಇರುವ ವಾಕ್ಯಗಳನ್ನೂ ಬಾಶೆಗಳಲ್ಲಿ ಬಳಸುತ್ತಾರೆ. ಇವುಗಳ ಬಗೆಗೆ ಮುಂದಿನ ಬರವಣಿಗೆಯೊಂದರಲ್ಲಿ ಮಾತಾಡಬಹುದು.

ಈ ಅಂಕಣದ ಹಿಂದಿನ ಬರಹಗಳು:ಈ ಅಂಕಣದ ಹಿಂದಿನ ಬರೆಹ:
ಕಿರುವಾಕ್ಯಗಳು
ವಾಕ್ಯವೆಂಬ ಮಾಯಾಜಾಲ
ಕನ್ನಡ ಸಂದಿಗಳು
ಸಂದಿಯ ಕೂಟ
‘ಮನಿ’, ’ಮನೆ’, ‘ಮನ’, ‘ಮನಯ್’
ಕನ್ನಡದ ವಿಬಕ್ತಿಗಳು
ಕಾರಕ-ವಿಬಕ್ತಿ
ಕನ್ನಡದಲ್ಲಿ ವಚನ ವ್ಯವಸ್ತೆ
ಕನ್ನಡದಲ್ಲಿ ಲಿಂಗವು ತೆರತೆರ
ಲಿಂಗಮೆನಿತು ತೆರಂ
ಕಾಲದ ಕಟ್ಟಳೆ
ತೋರುಗವೆಂಬ ಮಾಯಕ
ಕನ್ನಡದಾಗ ಕಾಲನಿರ‍್ವಹಣೆ
ಏನೇನನ್ನು ಪ್ರಶ್ನಿಸುವುದು?
ಕನ್ನಡದಾಗ ಪ್ರಶ್ನಿಸುವುದು
ಕನ್ನಡದ ಅಂಕಿಗಳು
ಎಣಿಸುವ ಕಲೆ
ಕನ್ನಡದಾಗ ಎರಡು ಜೋಡಿ ಪ್ರತಮ ಪುರುಶ ಸರ‍್ವನಾಮಗಳು
ಸರ‍್ವನಾಮಗಳು
ವಿಶೇಶಣಗಳು
ಬೇರೆ ಭಾಷೆಗಳಿಂದ ಪಡೆದುಕೊಳ್ಳುವುದು ಮತ್ತು ಪದಕೋಶದ ಬೆಳವಣಿಗೆ
ದ್ವನಿ ಬದಲಾವಣೆ ಮತ್ತು ಪದಕೋಶದ ಬೆಳವಣಿಗೆ
ಪದಕೋಶದ ಬೆಳವಣಿಗೆ: ಸಮಾಸ ಪ್ರಕ್ರಿಯೆ
ಪದಕೋಶದ ಬೆಳವಣಿಗೆ: ಪ್ರತ್ಯಯಗಳ ಸೇರುವಿಕೆ
ಪದಕೋಶದ ಬೆಳವಣಿಗೆ: ಕೆಲವು ಹಳೆಯ ಪ್ರಕ್ರಿಯೆಗಳು
ಕನ್ನಡದಾಗ ಹೊಸಪದಗಳನ್ನು ಹುಟ್ಟಿಸುವುದು
ಪದರಚನೆಯಲ್ಲಿ ಗಿಡ್ಡ ಸ್ವರ ಮತ್ತು ಉದ್ದ ಸ್ವರದ ಪಾತ್ರ
ಕ್ರಿಯಾಪದಗಳು
ನಾಮಪದಗಳು
ಪದಗಳು-ಯಾವಯಾವ ಬಗೆಯವು?
ಎಶ್ಟು ಅಕ್ಶರಗಳ ಪದಗಳು?
ದ್ವನಿ ಎಂಬ ಜಗತ್-ವಲಯ
ಇಂದಿನ ಬಳಕೆ ಕನ್ನಡಗಳ ದ್ವನಿವಿಶಿಶ್ಟತೆ
ನಾಲಿಗೆ ಮಡಿಚಿ ಉಚ್ಚರಿಸುವ ದ್ವನಿಗಳು
ಕನ್ನಡದ ವ್ಯಾಪಕ ಬಳಕೆಯ ದ್ವನಿಗಳು ಅ್ಯ-ಆ್ಯ
ಊಶ್ಮ ದ್ವನಿಗಳೆನಿಸಿಕೊಂಬ ಸ್-ಶ್
ಗಿಡ್ಡಕ್ಕರ-ಉದ್ದಕ್ಕರ ನಡುವಿನ ಗೊಂದಲ
’ಹ್’ ದ್ವನಿಯ ಕತೆ
ದ್ವನಿ ಸಾತತ್ಯ- ಸ್ವರ-ವ್ಯಂಜ್ಯನ
ಬಾಶೆಯ ಬೆಳವಣಿಗೆಯನ್ನು ಅರಿತುಕೊಳ್ಳುವುದು ಹೇಗೆ?
ಕನ್ನಡ ಬಾಶೆಯ ಬೆಳವಣಿಗೆ- ಕೆಲವು ಬ್ರಮೆಗಳು-2
ಕನ್ನಡ ಬಾಶೆಯ ಬೆಳವಣಿಗೆ- ಕೆಲವು ಬ್ರಮೆಗಳು-1
ಕನ್ನಡದ ಒಡೆತ
ಕನ್ನಡ ಪಳಮೆ
ಕನ್ನಡವು ಸ್ವತಂತ್ರಗೊಳ್ಳುತ್ತಿದ್ದ ಕಾಲ
ದ್ರಾವಿಡ ಬಾಶಾ ಮನೆತನ
ಕರ‍್ನಾಟಕ ಪ್ರದೇಶದ ಬಾಶಾ ಬಳಕೆ ಇತಿಹಾಸ ಮತ್ತು ಕನ್ನಡ ಬಳಕೆ
ಇತಿಹಾಸದುದ್ದಕ್ಕೂ ಕನ್ನಡ ಲಿಪಿಯ ಬಳುಕು
ಕನ್ನಡದಿಂದ ಬಾರತಕ್ಕೆ ದ್ವನಿವಿಗ್ನಾನದ ಮರುಪಸರಣ
ಸಂಸ್ಕ್ರುತದಲ್ಲಿ ಉಚ್ಚಾರವಾಗದ ಕನ್ನಡದಲ್ಲಿ ಉಚ್ಚಾರವಾಗುವ ದ್ವನಿಗಳು
ಕನ್ನಡದಾಗ ಬಿನ್ದು > ಬಿಂದು
ದೊಡ್ಡ ಉಸಿರು-ಸಣ್ಣ ಉಸಿರು
ಸಂಸ್ಕ್ರುತದಲ್ಲಿ ಉಚ್ಚಾರವಾಗುವ ಕನ್ನಡದಲ್ಲಿ ಉಚ್ಚಾರವಾಗದ ದ್ವನಿಗಳು
ಪೂರ‍್ವದಿಂದ ಕ್ರಿಶ್ಣಾಕೊಳ್ಳಕ್ಕೆ ಲಿಪಿಯ ಪಯಣ
ಬಾರತವ ಬರೆದ ಲಿಪಿಯ ಉದಯ
ಬಾಶೆ ಅರಿವ ಹರವು
ಕನ್ನಡದಾಗ ದ್ವನಿವಿಗ್ನಾ