ತನ್ನದೇ ಹೆಜ್ಜೆ ಗುರುತಾಗುವ ಬಗೆಯನ್ನು ಒಂದಿಷ್ಟು ಬಚ್ಚಿಟ್ಟುಕೊಳ್ಳದೇ ಅನಾವರಣಗೊಳ್ಳುವ ಬಗೆಯು ಲೇಖಕ ಚಲಂ ಹಾಡ್ಲಹಳ್ಳಿ ಅವರ ‘ಅವಳ ಪಾದಗಳು’ ಕವನ ಸಂಕಲನದಲ್ಲಿ ಕಾಡುತ್ತದೆ. ಸಾವಿರ ಜನರ ನಡುವೆ ಕುಳಿತು ಓದಿದರೂ ಒಂದು ತರಹದ ಏಕಾಂತದ ಪದ್ಯವನ್ನು ಇಲ್ಲಿನ ಕವನಸಂಕಲನ ನೀಡು‌ತ್ತದೆ. ಮೈಯೆಲ್ಲಾ ಹೃದಯವಾಗಿಸುವಂತಹ ಕವನದ ಸಾಲುಗಳು ಇಲ್ಲಿದ್ದು, ಇಡಿ ಇಡಿಯಾಗಿ ಬದುಕಿನ ಜೊತೆ ಬುಗುರಿಯಾಟ ಆಡಿದಂತಹ ಅನುಭವ ಓದುಗರಿಗೆ ದೊರಕುತ್ತದೆ.
ಚಲಂ ಹಾಡ್ಲಹಳ್ಳಿ ಅವರ ಮೂಲ ಹೆಸರು ಪ್ರಸನ್ನ ಕುಮಾರ್ ಹೆಚ್.ಎನ್. ತಂದೆ- ಹಾಡ್ಲಹಳ್ಳಿ ನಾಗರಾಜ್, ತಾಯಿ- ಭವಾನಿ. ಹಾಡ್ಲಹಳ್ಳಿ ಅವರ ಊರು. ಕವಿಯಾಗಿ, ಕತೆಗಾರರಾಗಿ, ಜೊತೆಗೆ ರಂಗಭೂಮಿಯಲ್ಲಿಯೂ ತೊಡಗಿಕೊಂಡಿರುವ ಚಲಂ ಅವರ ಮೊದಲ ಕತಾಸಂಕಲನ ‘ಪುನರಪಿ’. ಅದಕ್ಕೂ ಮೊದಲು ’ಅವಳ ಪಾದಗಳು’ ಎಂಬ ಕವನ ಸಂಕಲನ ಪ್ರಕಟಗೊಂಡಿತ್ತು. ನಾನಾ ಪತ್ರಿಕೆಗಳಿಗೆ ಕತೆ, ಕವನ, ಲೇಖನಗಳನ್ನು ಬರೆದಿರುವ ಅವರ ಹಲವಾರು ನಾಟಕ ಪ್ರದರ್ಶನಗಳಿಗೆ ದುಡಿದಿದ್ದಾರೆ. ಹಾಸನದ ಜೇನುಗಿರಿ ಎಂಬ ದಿನಪತ್ರಿಕೆಯ ಸಂಪಾದಕರಾಗಿಯೂ ಕಾರ್ಯನಿರ್ವಹಿಸಿದ್ದಾರೆ. ಇದಕ್ಕೂ ಮುನ್ನ ಜಾಣಗೆರೆ ಪತ್ರಿಕೆ, ಅಗ್ನಿ, ಗೌರಿಲಂಕೇಶ್, ಜನತಾಮಾದ್ಯಮ, ಜನಮಿತ್ರ ಸೇರಿದಂತೆ ಹಲವಾರು ಪತ್ರಿಕೆಗಳಲ್ಲಿ ಕೆಲಸ ಮಾಡಿದ್ದಾರೆ. ...
READ MORE
Concept & Creation 
©2024 Book Brahma Private Limited.
