ಈ "ಅಭಿಸಾರಿಕೆ" ಕವನ ಸಂಕಲನದ ಕವನಸುಮಗಳು ಕಾವ್ಯ ರಸಿಕರಿಗೆ ಯಥಾಸಾಧ್ಯ ನರುಗಂಪನ್ನು ನೀಡಲಿ. ಇವರಿಂದ ಇನ್ನೂ ಹೆಚ್ಚು ಪ್ರೌಢ, ಲಯಬದ್ಧ, ಗೇಯಾತ್ಮಕ, ವಿಚಾರಾರ್ಹ ಕವನಗಳೂ, ಕವನ ಗುಚ್ಚಗಳೂ ಮೂಡಿ ಕಾವ್ಯರಸಿಕರ ಮನೋಭಿತ್ತಿಯಲ್ಲಿ ಇಂದ್ರಚಾಪದ ರಂಗುಗಳನ್ನು ಮೂಡಿಸಿ ಮುದಗೊಳಿಸಲಿ ಎಂದು ಶ್ರೀವತ್ಸ ಎಸ್.ವಟಿ ಅವರು ಪುಸ್ತಕದ ಹೊನ್ನುಡಿಯಲ್ಲಿ ತಿಳಿಸಿದ್ದಾರೆ.
ಪಲ್ಲವಿ ಬೇಲೂರು ಅವರು ಹಾಸನ ಜಿಲ್ಲೆಯ ಹೂವಿನಹಳ್ಳಿ ಕಾವಲ್ ಗ್ರಾಮದವರು. ತಂದೆ ಗುಂಡುರಾಜ್ ಮತ್ತು ತಾಯಿ ದಾಕ್ಷಾಯಿಣಿ. ಬೇಲೂರು ತಾಲ್ಲೂಕಿನ ದೊಡ್ಡಕೋಡಿಹಳ್ಳಿ ಗ್ರಾಮದ ಮಾರುತಿ.ಕೆ.ಬಿ ಯವರೊಂದಿಗೆ ವೈವಾಹಿಕ ಜೀವನ ನಡೆಸುತ್ತಿದ್ದಾರೆ. ಅವರು ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾಲಯದಿಂದ ಕನ್ನಡ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಬೇಲೂರು ತಾಲ್ಲೂಕಿನ ಸ.ಕಿ.ಪ್ರಾ.ಶಾಲೆ. ಮಂಚನಾಯಕನಹಳ್ಳಿ, ಸ.ಹಿ.ಪ್ರಾ.ಬಾಲಕಿಯರ ಶಾಲೆ ಬೇಲೂರು ಹಾಗೂ ಸ.ಕಿ.ಪ್ರಾ.ಶಾಲೆ ಮಲ್ಲನಹಳ್ಳಿ ಶಾಲೆಗಳಲ್ಲಿ 15 ವರ್ಷಗಳಿಂದ ಪ್ರಾಥಮಿಕ ಶಾಲಾ ಶಿಕ್ಷಕಿಯಾಗಿ ನಿರಂತರ ಸೇವೆಯನ್ನು ಸಲ್ಲಿಸುತ್ತಿದ್ದಾರೆ. ಬಾಲ್ಯದಿಂದಲೇ ಸಾಹಿತ್ಯದಲ್ಲಿ ಆಸಕ್ತಿ ಹೊಂದಿರುವ ಇವರು ಮುನ್ನೂರಕ್ಕೂ ಹೆಚ್ಚು ಕವನಗಳು ಮತ್ತು ಹಲವಾರು ಲೇಖನಗಳನ್ನು ...
READ MORE
Concept & Creation 
©2024 Book Brahma Private Limited.
