`ರಿಕ್ತ ನಕ್ಷತ್ರ’ ಕೃತಿಯು ಶ್ರೀರಾಜ್ ಎಸ್. ಆಚಾರ್ಯ(ಕಾವ್ಯ ಬೈರಾಗಿ)ಅವರ ಕವನಸಂಕಲನವಾಗಿದೆ. ಇಲ್ಲಿ ತಾಯಿ ಹಾಗೂ ಮಗುವಿನ ಸಂಬಂಧದ ಕುರಿತ ಕವಿತೆಗಳಿವೆ. ಸಹಜವಾಗಿಯೇ ಬೆಳಕಿನ ಸಮೃದ್ಧಿಯ ಪ್ರತೀಕವಾಗಿರುವ ನಕ್ಷತ್ರವು ಇಲ್ಲಿ ರಿಕ್ತವಾಗಿರಲು ಏನು ಕಾರಣ ಎಂಬ ಕುತೂಹಲಕ್ಕೂ ಕಾರಣವಾಗುತ್ತದೆ.‘ ರಿಕ್ತ ನಕ್ಷತ್ರ’ ಶೀರ್ಷಿಕೆಯ ಕವನವು ಅದಕ್ಕೆ ವಿವರಣೆಯನ್ನೂ ನೀಡುತ್ತದೆ. ನಕ್ಷತ್ರವು ತಾನು ರಿಕ್ತವಾಗಿ ತನ್ನ ಬೆಳಕನ್ನು ಇನ್ನೊಬ್ಬರಿಗೆ ಕೊಡುವ ಬುದ್ಧಿಯನ್ನು ಬೆಳೆಸಿಕೊಂಡದ್ದು ಬೆರಗು ಹುಟ್ಟಿಸುವಂಥದ್ದು. ಅತ್ಯಂತ ಕಡಿಮೆ ಪದಗಳಲ್ಲಿ ಅತ್ಯಂತ ಹೆಚ್ಚು ಹೇಳುವ ಸಾಮರ್ಥ್ಯ ಅವಕ್ಕಿರಬೇಕು. ಪ್ರತಿಮೆ, ರೂಪಕ, ಸಂಕೇತಗಳಿದ್ದಷ್ಟೂ ಕಾವ್ಯದ ಸಂಕೀರ್ಣತೆ ಹೆಚ್ಚಾಗಿ ಅದು ಓದುಗನಿಗೆ ಒಂದು ಗಾಢವಾದ ಅನುಭವ ಕೊಡುತ್ತದೆ.
ಶ್ರೀರಾಜ್ ಎಸ್. ಆಚಾರ್ಯ ಅವರು ಮೂಲತಃ ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ವಕ್ವಾಡಿಯವರು. 1997 ಆಗಸ್ಟ್ 17 ರಂದು ಜನನ. `ಕಾವ್ಯ ಬೈರಾಗಿ' ಎನ್ನುವ ಕಾವ್ಯ ನಾಮದಿಂದ ಬರವಣಿಗೆಯಲ್ಲಿ ತೊಡಗಿಕೊಂಡಿದ್ದಾರೆ. ಪ್ರಾಥಮಿಕ ಮತ್ತು ಪ್ರೌಢ ಶಾಲಾ ಶಿಕ್ಷಣವನ್ನು ವಕ್ವಾಡಿಯಲ್ಲಿ, ಪದವಿ ಪೂರ್ವ ಶಿಕ್ಷಣ ಮತ್ತು ಪದವಿ ಶಿಕ್ಷಣವನ್ನು ಭಂಡಾರ್ ಕಾರ್‍ಸ್ ಕಾಲೇಜು ಕುಂದಾಪುರ ಹಾಗೂ ಮೂಡುಬಿದಿರೆಯ ಆಳ್ವಾಸ್ ಕಾಲೇಜಿನಲ್ಲಿ ಸಮೂಹ ಸಂವಹನ ಮತ್ತು ಪತ್ರಿಕೋದ್ಯಮ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದಾರೆ. ಜಿಲ್ಲಾ ಮತ್ತು ರಾಜ್ಯ ಮಟ್ಟದ ಕಾರ್ಯಕ್ರಮಗಳನ್ನು ನಿರ್ವಹಿಸಿರುವ ಅವರು ಉಡುಪಿಯ ಸ್ಥಳಿಯ ದೃಶ್ಯ ಮಾಧ್ಯಮ “ಪ್ರೈಮ್ ಟಿವಿ”ಯಲ್ಲಿ ಮೂರು ವರ್ಷಗಳ ...
READ MORE
Concept & Creation 
©2024 Book Brahma Private Limited.
