‘ಮಾತೆಂದರೆ ಏನು ಗೂಗಲ್?’ ಕೃತಿಯು ನೂತನ ದೋಶೆಟ್ಟಿ ಅವರ ಕವನ ಸಂಕಲನವಾಗಿದೆ. ಈ ಕೃತಿಯು ನಮ್ಮನ್ನು ಆಳವಾಗಿ ತಟ್ಟುವುದು ಅನುಭವದ ಪ್ರಾಮಾಣಿಕತೆ, ಮತ್ತು ಅದರ ಜಾಡನ್ನು ಹಿಡಿದು ನಡೆಸುವ ಹುಡುಕಾಟದಿಂದ. ಆಳದಲ್ಲಿ ಹೇಳಿಕಳೆಯದ ನೋವು ತುಂಬಿರುವಂತೆಯೇ ಬದುಕನ್ನು ಎದುರಿಸುವ ಆತ್ಮವಿಶ್ವಾಸದ ಪರಿಯೂ ಬೆರಗು ಹುಟ್ಟಿಸುತ್ತದೆ. ಇವರು ಸಿಟ್ಟು, ಸೆಡವು ವ್ಯಂಗ್ಯ, ಆಕ್ರೋಶಗಳಲ್ಲಿ ಹರಿಹಾಯುವುದಿಲ್ಲ. ಬದಲಾಗಿ ಆಪ್ತವಾದ ಆತ್ಮ ನಿರೀಕ್ಷೆಯ ಭಾವದಲ್ಲಿ ಸಂವಾದಿಸುತ್ತಾರೆ ಎನ್ನುತ್ತಾರೆ ಕವಿ ಎಸ್.ಜಿ. ಸಿದ್ಧರಾಮಯ್ಯ. ಈ ಕೃತಿಯಲ್ಲಿ ಸಮಾಜವಾದ ಕುತೂಹಲದಿಂದ ಒಳ-ಹೊರಗಿನ ಪ್ರಪಂಚಗಳನ್ನು ವೀಕ್ಷಿಸುತ್ತಾ ಮಾನವೀಯ ನೆಲೆಯಲ್ಲಿ ನೂತನ ಅವರು ತಮ್ಮ ಸ್ಪಂದನೆಗಳನ್ನು ಸರಳ ಸುಂದರವಾಗಿ ದಾಖಲಿಸುತ್ತಾರೆ.
ಕನ್ನಡದ ಪ್ರಮುಖ ಲೇಖಕಿಯಲ್ಲಿ ನೂತನ ಎಮ್. ದೋಶೆಟ್ಟಿ ಅವರು ಒಬ್ಬರು. ನೂತನ ಅವರು 1968 ಸೆಪ್ಟಂಬರ್ 6 ರಂದು ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರದಲ್ಲಿ ಜನಿಸಿದರು. ಆಕಾಶವಾಣಿಯಲ್ಲಿ ಕಾರ್ಯಕ್ರಮ ನಿರ್ವಾಹಕಿಯಾಗಿ ಕೆಲಸ ನಿರ್ವಹಿಸಿದ್ದಾರೆ. ’ಕಾಲವೆಂಬ ಮಹಾಮನೆ, ಭಾಗೀರತಿ ಉಳಿಸಿದ ಪ್ರಶ್ನೆಗಳ” ಅವರ ಪ್ರಮುಖ ಸಂಕಲನಗಳು. ’ಯಾವ ವೆಬ್‌ಸೈಟಿನಲ್ಲೂ ಉತ್ತರವಿಲ್ಲ’ ಅವರ ಮೊದಲ ಕಥಾ ಸಂಕಲನಗಳು. ಅವರ ಬರಹಗಳು ’ಕರ್ಮವೀರ, ಸುಧಾ, ತುಷಾರ, ಕಸ್ತೂರಿ, ದ ವೀಕ್, ಇಂಡಿಯಾ ಟುಡೆ, ಪ್ರಜಾವಾಣಿ, ಕನ್ನಡ ಪ್ರಭ, ಸುಮುಖ’ ಮತ್ತಿತರ ವಿವಿಧ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ. ’ಯಾವ ವೆಬ್ ಸೈಟಿನಲ್ಲೂ ಉತ್ತರವಿಲ್’, ಅವರ ಕತೆ ...
READ MORE
Concept & Creation 
©2024 Book Brahma Private Limited.
