‘ನಾಡೋಜ ಪಂಪ’ ಪ್ರೊ. ಶಿವರಾಮಯ್ಯನವರ ನಾಟಕ. ಆದಿಕವಿಯ ಕಲಿತನ- ಕಾವ್ಯತನವನ್ನು ನಾಟಕೀಯ ಗುಣಗಳೊಡನೆ ಕಟ್ಟಿಕೊಟ್ಟಿದ್ದಾರೆ ಅವರು. ಕಳ್ಕುಡಿತ, ಪಡಖಾನೆ, ವೇಶ್ಯಾವಾಟಿಕೆಯ ದೃಶ್ಯಗಳು ನಾಟಕಕ್ಕೆ ಮತ್ತೇರಿಸಿವೆ. ಜನರ ರಸಿಕತೆ, ಹಾಸ್ಯ ಸ್ವಭಾವ, ಚಾರಿತ್ರಿಕ ಪ್ರಜ್ಞೆ, ಆಸ್ಥಾನ ಕವಿಗಳ ಅಸೂಯಾಪರತೆ, ಜಾತಿ ಮಾತ್ಸರ್ಯ, ವಿಡಂಬನೆಯೂ ಕೃತಿಯಲ್ಲಿ ವ್ಯಕ್ತವಾಗಿದೆ. ಆದಿಕವಿಯ ಕತೆ ಹೇಳುತ್ತಿದ್ದರೂ ಅನೇಕ ಅಂಶಗಳು ಪ್ರಸ್ತುತ ಸಮಾಜಕ್ಕೆ ಹೇಗೆ ಅನ್ವಯಿಸುತ್ತವೆ ಎಂಬುದನ್ನು ಕೃತಿ ಕಟ್ಟಿಕೊಡುತ್ತದೆ.
ಪ್ರೊ. ಶಿವರಾಮಯ್ಯ ನವರು ತುಮಕೂರು ಜಿಲ್ಲೆಯ ಮಧುಗಿರಿ ತಾಲ್ಲೂಕ್ ಅವಿನಮಡು ಗ್ರಾಮದಲ್ಲಿ 1940 ರ ಆಗಸ್ಟ್‌ 10ರಂದು ಜನಿಸಿದರು. ತಂದೆ ಕಂಪಲಪ್ಪ, ತಾಯಿ ಬೋರಮ್ಮ, ಮೈಸೂರು ವಿಶ್ವವಿದ್ಯಾಲಯದಿಂದ ಎಂ.ಎ ಪದವಿ ಪಡೆದ ಅವರು ಕನ್ನಡ ಅಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿ ನಿವೃತ್ತರಾಗಿದ್ದಾರೆ. ಅಧ್ಯಾಪನ ಹಾಗೂ ಸಂಶೋಧನ ವೃತ್ತಿಯ ಜೊತೆಯಲ್ಲಿಯೇ ಜನಪರ ಸಂಘಟನೆಗಳೊಂದಿಗೆ ಗುರುತಿಸಿಕೊಂಡರು. ಸಕ್ರಿಯ ಹೋರಾಟಗಳಲ್ಲಿ ಭಾಗವಹಿಸುತ್ತಾ ಬಂದಿದ್ದಾರೆ. ಸ್ವಪ್ನ ಸಂಚಯ (ಕವನ ಸಂಕಲನ), ಬೌದ್ಧ ಭಿಕ್ಷಣಿ (ಮಕ್ಕಳ ಪುಸ್ತಕ ), ಸಾಹಿತ್ಯ ಪರಿಸರ, ಉರಿಯ ಉಯಾಲೆ (ವಿಮರ್ಶೆ), ಹರಿಹರ-ರಾಘವಾಂಕ (ಜಾನಪದ ಅಧ್ಯಯನ), ದನಿ ಇಲ್ಲದವರ ದನಿ, ಕುದುರೆಮುಖ (ವೈಚಾರಿಕ), ಇವರ ಕೆಲವು ಪ್ರಕಟಿತ ಕೃತಿಗಳು. ''ನಾಡೋಜ ...
READ MORE
Concept & Creation 
©2024 Book Brahma Private Limited.
1.jpg)
