ಡಾ. ಬಸವಪ್ರಭು ಪಾಟೀಲರ ಈ 'ಬೆಳಗು' ನಾಟಕ ಸಿದ್ದರಾಮಅಲ್ಲಮಪ್ರಭು ಕಲ್ಯಾಣಕ್ಕೆ ಬರುವುದರೊಂದಿಗೆ ಪ್ರಾರಂಭವಾಗುತ್ತದೆ. ನೀಲಾಂಬಿಕೆ (ನೀಲಮ್ಮ), ಹಡಪದಪ್ಪಣ್ಣ ಬೆಳಗಿನಲ್ಲಿ ಬೆಳಗಾದ ಬಸವಣ್ಣನವರ ನಿರ್ವಾಣವಾರ್ತೆಯನ್ನು ಗಮನಿಸುವುದರಲ್ಲಿ ಮುಕ್ತಾಯವಾಗುತ್ತದೆ. ಮಧ್ಯ ಅಕ್ಕನ ಚೇತೋಹಾರಿಯಾದ ಆಗಮನವೂ ಇದೆ.
ಶೂನ್ಯ ಸಂಪಾದನೆಯನ್ನು ನೆನಪಿಸಿಕೊಳ್ಳುವಂತೆ ದೃಶ್ಯಗಳಿದ್ದು, ಹರಳಯ್ಯನ ಮಗ, ಮಧುವರಸರ ಮಗಳು-ಪ್ರೇಮ ವಿವಾಹ ಸಂದರ್ಭದಲ್ಲಿ ನಾಟಕಕ್ಕೆ ಒಂದು ಕೈಮ್ಯಾಕ್ಸ್ ಬರುತ್ತದೆ. ಇಡೀ ನಾಟಕ ಅಡೆತಡೆಯಿಲ್ಲದೆ ಓದಿಸಿಕೊಂಡು ಹೋಗುತ್ತದೆ. ನಾಟಕದ ಕೇಂದ್ರ ಸತ್ಯ 'ಮಾನವ ಸಮಾನತೆಯ' ಸಂದೇಶ ನೀಡುವುದಾಗಿದೆ. ಪ್ರಯೋಗಿಸಲು ತುಂಬಾ ಸೂಕ್ತವಾಗಿದೆ. ಅಕ್ಕಮಹಾದೇವಿ ಸಂದರ್ಭದಲ್ಲಿ ವಚನಗಳನ್ನು ವಿಶೇಷವಾಗಿ ಬಳಸಲಾಗಿದೆ. ಉಳಿದೆಡೆಯಲ್ಲಿಯೂ ವಚನಗಳಿಗೆ ಹೆಚ್ಚು ಪ್ರಾಧಾನ್ಯ ಇರಬೇಕಾಗಿತ್ತು ಅನಿಸುತ್ತದೆ. ಹಾಗಿದ್ದರೂ ತಾತ್ವಿಕ ದೃಷ್ಟಿಯಿಂದ ಇದು ಉತ್ತಮ ನಾಟಕವೇ. ಡಾ. ಬಸವಪ್ರಭು ಪಾಟೀಲರ ಪ್ರಯತ್ನ ಮೆಚ್ಚಿಕೊಳ್ಳುವಂತಹದು.
ಡಾ. ಬಸವಪ್ರಭು ಪಾಟೀಲರು ವೃತ್ತಿಯಿಂದ ವೈದ್ಯರು, ಪ್ರವೃತ್ತಿಯಿಂದ ಸಾಹಿತಿಗಳು, ಶರಣ ಜೀವನವನ್ನು ಅಳವಡಿಸಿಕೊಂಡವರು. ಬೆಟ್ಟದೂರದಂತಹ ಊರಲ್ಲಿ ಹುಟ್ಟಿ ಮನೆಯ ಕಲೆ-ಸಾಹಿತ್ಯ-ಸಂಸ್ಕೃತಿ ಸಂಗಮದ ಪರಿಸರದಲ್ಲಿ ಬೆಳೆದವರು. ಎಂ.ಬಿ. ಬಿ.ಎಸ್, ಎಫ್, ಸಿ. ಜಿ. ಪಿ., ಡಿ.ಎಫ್. ಎಚ್. ಪದವಿಯನ್ನು ವೈದ್ಯಕೀಯದಲ್ಲಿ ಪಡೆದರು. ರಾಯಚೂರು ಜಿಲ್ಲೆಯ ಮಾನವಿಯಲ್ಲಿ ಕಲ್ಯಾಣ ವೈದ್ಯಾಲಯ ಸ್ಥಾಪಿಸಿ ವೈದ್ಯರಾಗಿ ಜನಪರ ಸೇವೆ ಸಲ್ಲಿಸಿದ್ದಾರೆ. ಇವರು ಕವಿಯಾಗಿ, ವೈಚಾರಿಕ ಸಾಹಿತಿಯಾಗಿದ್ದರಿಂದ ಮಾತನಾಡಿ ಹೆಣಗಳೇ, ಕವನ ಸಂಕಲನ, ಇದೇನು ಕತೆ, ವಿಚಾರ ಲೇಖನಗಳ ಸಂಗ್ರಹ ಹಾಗೂ ನವ ಸಾಕ್ಷರಿಗಾಗಿ ಪ್ರಥಮ ಚಿಕಿತ್ಸೆ ಕೃತಿ ಪ್ರಕಟಿಸಿದ್ದಾರೆ. ಪ್ರಪಂಚ, ವಿಶ್ವಕಲ್ಯಾಣ, ಸಂಕ್ರಮಣ, ...
READ MORE
Concept & Creation 
©2024 Book Brahma Private Limited.
1.jpg)
