ಮಧ್ಯಕಾಲೀನ ಭಾರತ- ಕರ್ನಾಟಕದ ಸಂತ ಪರಂಪರೆ ದೊಡ್ಡದು. ಕನಕದಾಸ ಅಂತಹ ಪರಂಪರೆಯ ಮಹತ್ವದ ಕವಿ-ದಾಸ. ಕನಕದಾಸರ ಬದುಕನ್ನು ಕುರಿತು ವಿಮರ್ಶಕ ಕಿ.ರಂ. ನಾಗರಾಜ ಅವರು ರಚಿಸಿದ ನಾಟಕವಿದು. ಈ ನಾಟಕದಲ್ಲಿ ಕನಕದಾಸರ ಬದುಕನ್ನು ಕಿ.ರಂ. ಕಟ್ಟಿಕೊಟ್ಟಿದ್ದಾರೆ. ಕಿರಂ ಬರೆದ ಎರಡು ನಾಟಕಗಳ ಪೈಕಿ ಕಾಲಜ್ಞಾನಿ ಕನಕ ಕೂಡ ಒಂದು. ’ನೀಗಿಕೊಂಡ ಸಂಸ’ ಅವರ ಮತ್ತೊಂದು ನಾಟಕ.
ಕನ್ನಡ ವಿಮರ್ಶಾಲೋಕದಲ್ಲಿ ಕಿ.ರಂ. ಎಂದೇ ಚಿರಪರಿಚಿತರಾಗಿದ್ದರು ಕಿತ್ತಾನೆ ರಂಗಣ್ಣ ನಾಗರಾಜ್ ಅವರು. ಅಪಾರ ಶಿಷ್ಯವರ್ಗ ಹೊಂದಿದ್ದ ಕಿ.ರಂ. ಅವರು ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸಿದ್ದರು. ಅವರ ಶಿಷ್ಯವರ್ಗದಲ್ಲಿ ಕ್ಲಾಸ್‌ರೂಮ್‌ನಲ್ಲಿ ಪಾಠ ಕೇಳಿದ ವಿದ್ಯಾರ್ಥಿಗಳಿಗಿಂತ ಕಾವ್ಯಾಸಕ್ತ ವಿದ್ಯಾರ್ಥಿಗಳೇ ಹೆಚ್ಚಿನ ಸಂಖ್ಯೆಯಲ್ಲಿದ್ದರು. ಹಾಸನ ಜಿಲ್ಲೆಯ ’ಕಿತ್ತಾನೆ’ಯಲ್ಲಿ 1943ರ ಡಿಸೆಂಬರ್ 5 ರಂದು ಜನಿಸಿದ ಅವರು ಮೈಸೂರು ವಿಶ್ವವಿದ್ಯಾನಿಲಯದಿಂದ 'ಬಿ.ಎ.ಪದವಿ' ಹಾಗೂ ಬೆಂಗಳೂರು ವಿಶ್ವವಿದ್ಯಾಲಯದಿಂದ ಸ್ನಾತಕೋತ್ತರ ಪದವಿ (ಎಂ.ಎ) ಪದವಿ ಪಡೆದರು. ಬೆಂಗಳೂರು ನ್ಯಾಷನಲ್ ಕಾಲೇಜಿನಲ್ಲಿ ಕೆಲ ಕಾಲ ಕನ್ನಡ ಅಧ್ಯಾಪಕರಾಗಿ ವೃತ್ತಿ ಆರಂಭಿಸಿದ ಕಿ.ರಂ. ಅವರು ನಂತರ ಮೂರು ...
READ MORE
Concept & Creation 
©2024 Book Brahma Private Limited.
1.jpg)
