ಯಕ್ಷನು ಧರ್ಮರಾಯನಿಗೆ ಪ್ರಶ್ನೆಗಳನ್ನು ಕೇಳುವ ಮಹಾಭಾರತದ ಪ್ರಸಂಗವೊಂದರ ವಸ್ತುವೇ ’ಯಕ್ಷಪ್ರಶ್ನೆ. ಲೇಖಕ ಡಿ.ಎನ್. ಅಕ್ಕಿ ಅವರು ಈ ಪ್ರಶ್ನೆಗಳು ಬರೀ ಮಹಾಭಾರತದ ಕಾಲಕ್ಕೆ ಸೀಮಿತವಲ್ಲ. ಇಂದಿಗೂ ಪ್ರಸ್ತುತ ಎಂಬ ಆಲೋಚನೆಯಲ್ಲಿ ಬರೆದು ನಾಟಕವಿದು. ಇದಕ್ಕೆ ಪೂರಕವಾಗಿ ಪ್ರೊ. ಡಿ. ಲಿಂಗಯ್ಯ ಮುನ್ನುಡಿ ಬರೆದು ’ ಹಳೆಯ ವಿಚಾರಧಾರೆಯನ್ನು ಹೊಸತನ್ನಕ್ಕೆ ಮಣಿಸಿದ ರೀತಿ ಕಲಾತ್ಮಕವಾಗಿರುವುದು ಈ ನಾಟಕದ ಹೆಗ್ಗಳಿಕೆ’ ಎಂದಿದ್ದರೆ, ಸಾಹಿತಿ ಶ್ರೀರಂಗಾಚಾರ್ ಕೃತಿಯ ಬೆನ್ನುಡಿಯಲ್ಲಿ ’ಬೀದಿ ನಾಟಕದ ಲಿಖಿತ ರೂಪದಂತಿರುವ ಈ ನಾಟಕದಲ್ಲಿ ಪ್ರೇಕ್ಷಕರೇ ಸ್ವಯಂ ಪಾತ್ರಧಾರಿಗಳಾಗಿ ನಾಟಕದ ಭಾಗವಾಗುವ ಪ್ರಯೋಗಶೀಲತೆಯು, ಅಂದಿನ ಮಹಾಭಾರತಕ್ಕೆ ಆಧುನಿಕ ಸ್ಪರ್ಶ ನೀಡುವಲ್ಲಿ ನಾಟಕ ಯಶಸ್ವಿಯಾಗಿದೆ’ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಡಿ.ಎನ್. ಅಕ್ಕಿ ಎಂದು ಸಾಹಿತ್ಯಲೋಕದಲ್ಲಿ ಚಿರಪರಿಚಿತವಾಗಿರುವ ದೇವೇಂದ್ರ ನಾಭಿರಾಜ ಅಕ್ಕಿ ಅವರು ಯಾದಗಿರಿ ಜಿಲ್ಲೆಯ ಶಹಾಪುರ ತಾಲ್ಲೂಕಿನ ಗೋಗಿ ಗ್ರಾಮದವರು. ಗೋಗಿಯ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಚಿತ್ರಕಲಾ ಶಿಕ್ಷಕರಾಗಿ ನಿವೃತ್ತರಾಗಿದ್ದು, ಅವಗಣನೆಗೆ ಒಳಗಾಗಿದ್ದ ಹೈದರಾಬಾದ್ ಕರ್ನಾಟಕ ಪ್ರದೇಶದ ಐತಿಹಾಸಿಕ ಸ್ಮಾರಕಗಳ ಬಗ್ಗೆ ಅವರು ಮಾಡಿದ ಕೆಲಸ ಅನನ್ಯ. ಕವಿತೆಯ ಮೂಲಕ ಸಾಹಿತ್ಯಲೋಕ ಪ್ರವೇಶಿಸಿದ ಅಕ್ಕಿ ಅವರ ಬಹುತೇಕ ನಾಟಕಗಳು ಬಾನುಲಿಯಲ್ಲಿ ಪ್ರಸಾರಗೊಂಡಿವೆ. ಮೂಡಬಿದಿರೆ ಜೈನಮಠದಿಂದ ಸ್ವಸ್ತಿ ಶ್ರೀ ಭಟ್ಟಾರಕ ಪುರಸ್ಕಾರ ಪ್ರಶಸ್ತಿ, ಹೊಂಬುಜದ ಜೈನ್ ಮಠದಿಂದ ಸಿದ್ದಾಂತ ಕೀರ್ತಿ ಪ್ರಶಸ್ತಿ ಹೀಗೆ ಹಲವಾರು ಪ್ರಶಸ್ತಿಗಳು ಸಂದಿವೆ. ಕರ್ನಾಟಕ ರಾಜ್ಯ ...
READ MORE
Concept & Creation 
©2024 Book Brahma Private Limited.
1.jpg)
