‘ಹಿಪ್ನೊ ತಂತ್ರಗಳು’ ಕೃತಿಯು ಸಮ್ಮೋಹಿನಿ ವಿದ್ಯೆ ಕುರಿತು ರಾಜಶೇಖರ ಭೂಸನೂರಮಠ ಅವರ ಬರಹಗಳ ಸಂಕಲನವಾಗಿದೆ. ಈ ಕೃತಿಗೆ ಬರೆದ ಬೆನ್ನುಡಿಯಲ್ಲಿನ ವಿಚಾರಗಳು ಹೀಗಿವೆ : ಈ ನೂತನ ಸಮಸ್ರಮಾನವು ನವಯುಗಕ್ಕೆ ನಾಂದಿಯಾಗಿದ್ದು, ನಮ್ಮ ಚಟುವಟಿಕೆಗಳ ಎಲ್ಲ ಕ್ಷೇತ್ರಗಳ ಮೇಲೆ ಹೊಸ ಬೆಳಕು ಬೀರಿ, ನಮ್ಮ ತಿಳಿವಳಿಕೆಗೆ ಅಥವಾ ಜ್ಞಾನಕ್ಕೆ ನೂತನ ಆಯಾಮಗಳನ್ನೇ ಸೃಷ್ಟಿಸಿ ಕೊಟ್ಟಿದೆ. ಹೀಗಾಗಿ, ಈ ಮೊದಲು ಪರಾ ಅಥವಾ ಇಂದ್ರಿಯಾತೀತವೆಂದು ಗಣಿಸಲ್ಪಟ್ಟಿದ್ದ ಚಟುವಟಿಕೆಗಳೆಲ್ಲ ಅಥವಾ ವಿದ್ಯಮಾನಗಳೆಲ್ಲ ನವಯುಗದ ವಿಜ್ಞಾನ ತಂತ್ರಜ್ಞಾನಗಳ ಅಳವಿನಲ್ಲಿ ಬಂದಿದ್ದು, ಬದುಕನ್ನು ಸಮಗ್ರ ಮತ್ತು ವಾಸ್ತವಿಕ ದೃಷ್ಟಿಗಳಿಂದ ಅಳೆಯಲು ಅಥವಾ ತಿಳಿದುಕೊಳ್ಳಲು ಸಾಧ್ಯವಾಗಿದೆ.
ಈ ಕೈಪಿಡಿಯಲ್ಲಿ ಹಿಪ್ನಾಟಸಂ ಅಥವಾ ಸಮ್ಮೋಹಿನಿ ವಿದ್ಯೆಯ ಪರಿಚಯವಿದೆ. ‘ ನೀವೇ ಮಾಡಿ ನೋಡಿರಿ’ ಶೈಲಿಯಲ್ಲಿ ಹಿಪ್ನೋ ತಂತ್ರಗಳನ್ನು ಹೇಗೆ ಪ್ರಯೋಗಿಸಬಹುದೆಂದು ಕಲಿಸಲಾಗಿದೆ. ವಿಶೇಷವಾಗಿ ಸಮ್ಮೋಹಿನಿ ಚಿಕಿತ್ಸೆ, ಪೂರ್ವಜನ್ಮ ಯಾನ, ಕಲಿಕೆಗೆ ಸಮ್ಮೋಹಿನಿ, ಹಿಪ್ನೋ ಸೈಬರ್ನೇಟಿಕ್ಸ್, ಸಮ್ಮೋಹಿನಿ ಧ್ಯಾನ ಮತ್ತು ಅಟೋಜೆನಿಕ್ಸ್, ಸಾಧನೆ ಮುಂತಾದ ಮುಖ್ಯ ಕ್ಷೇತ್ರಗಳ ಸಮಗ್ರ ಮಾಹಿತಿ ಈ ಕೈಪಿಡಿಯಲ್ಲಿ ಸಿಗುತ್ತದೆ. ಪ್ರಸಿದ್ಧ ಲೇಖಕರೂ, ಧಾರವಾಡದ ಕರ್ನಾಟಕ ವಿಜ್ಞಾನ ಮಹಾವಿದ್ಯಾಲಯದ ನಿವೃತ್ತ ಪ್ರಾಚಾರ್ಯರೂ ಮತ್ತು ‘ಅದ್ಬುತಗಳು’ ಎಂಬ ಅತೀಂದ್ರಿಯ ವಿಜ್ಞಾನದ ಪರಿಚಯ ಗ್ರಂಥವನ್ನು ಬರೆದ ಡಾ. ರಾಜಶೇಖರ ಭುಸನೂರಮಠ ಅವರು ಈ ಕೈಪಿಡಿಗಳ ಲೇಖಕರು ಹೌದು ಎಂದು ವಿಶ್ಲೇಷಿಸಲಾಗಿದೆ.
ಕವಿರುದ್ರ ಕಾವ್ಯ ನಾಮಾಂಕಿತ ಆರ್.ಸಿ. ಭೂಸನೂರಮಠ (ರಾಜಶೇಖರ ಭೂಸನೂರಮಠ) ಅವರು ಧಾರವಾಡ ಜಿಲ್ಲೆಯ ಕೌಜಲಗಿಯವರು. ಹುಟ್ಟಿದ್ದು 1925 ಡಿಸೆಂಬರ್ 9 ರಂದು. ತಾಯಿ ಚನ್ನವೀರಮ್ಮ, ತಂದೆ ಚನ್ನವೀರಯ್ಯ. ಕೌಜಲಗಿಯಲ್ಲಿಯೇ ಪ್ರಾಥಮಿಕ ಶಿಕ್ಷಣ ಪಡೆದರು. ಹಿಂದಿ ವಿಶಾರದ ಪರೀಕ್ಷೆಯಲ್ಲಿ ಉತ್ತಮ ಶ್ರೇಣಿಯಲ್ಲಿ ಉತ್ತೀರ್ಣರಾದ ಇವರು ರಾಣೆಬೆನ್ನೂರು ಪ್ರೌಢಶಾಲೆಯಲ್ಲಿ ಅಧ್ಯಾಪಕರಾಗಿ ವೃತ್ತಿ ಆರಂಭಿಸಿದರು. ಕರ್ನಾಟಕ ಕಾಲೇಜಿನಿಂದ ಪದವಿ ಪಡೆದ ನಂತರ ದೇಶದ ನಾನಾ ಭಾಗಗಳ ಆಕಾಶವಾಣಿ ಕೇಂದ್ರದಲ್ಲಿ ಕಾರ್ಯ ನಿರ್ವಹಿಸಿದರು. ಪ್ರಮುಖ ಕೃತಿಗಳು: ಜೆಂಗೊಡ, ಕನಸಿನ ರಾಣಿ' (ಕವನಸಂಕಲನ), ಭಕ್ತಿ ಭಂಡಾರಿ ಮತ್ತು ಇತರ ನಾಟಕಗಳು (ನಾಟಕ) ಮುಂತಾದವು. ಕನ್ನಡ ...
READ MORE
Concept & Creation 
©2024 Book Brahma Private Limited.
