ಸಾಫೋಕ್ಲಿಸ್ ಮಹಾಕವಿಯ ದೊರೆ ಈಡಿಪಸ್ ಹಾಗೂ ಅಂತಿಗೊನೆ -ಈ ಎರಡೂ ನಾಟಕಗಳ ಕನ್ನಡಾನುವಾದ ಮಾಡಿದ್ದು ಪಿ. ಲಂಕೇಶ್. ಈ ಎರಡೂ ನಾಟಕಗಳು ವಿನ್ಯಾಸ ಹಾಗೂ ನಾಟಕತ್ವದ ದೃಷ್ಟಿಯಿಂದ ಪ್ರೇಕ್ಷಕರ ಮನ ಸೆಳೆದಿವೆ. ದೊರೆ ಈಡಿಪಸ್ ವಿಸ್ಮಯಭರಿತ ನಾಟಕ. ಮನುಷ್ಯ ಶೋಧದ ಚಿತ್ರಣವಿದೆ. ದ್ವಂದ್ವಗಳನ್ನು ಕೂಡಿಸಿ ನಾಟಕಗಳನ್ನು ಕಟ್ಟುವಲ್ಲಿ ಸಾಫೋಕ್ಲಿಸ್ ನಿಪುಣ. ವ್ಯಕ್ತಿ -ವ್ಯಕ್ತಿ ಮಾತ್ರವಲ್ಲ; ವ್ಯಕ್ತಿ ಮತ್ತು ಆತನ ಅಂತರಂಗದ ವೈರುಧ್ಯಗಳನ್ನು ತೋರುವಲ್ಲಿಯೂ ಈ ಎರಡೂ ನಾಟಕಗಳು ಯಶಸ್ವಿಯಾಗಿವೆ. ಮನುಷ್ಯನ ಮಿತಿ ಹಾಗೂ ವೈರುಧ್ಯಗಳ ವಿಸ್ತಾರವಾದ ಚಿತ್ರಣವನ್ನು ಸಾಫೋಕ್ಲಿಸ್ ತೋರಿದ್ದಾನೆ ಎಂದು ಲೇಖಕರು ಅಭಿಪ್ರಾಯಪಟ್ಟಿದ್ದಾರೆ.
ಪಿ. ಲಂಕೇಶ್ ಕನ್ನಡ ಸಾಹಿತ್ಯದ ಪ್ರಮುಖ ಲೇಖಕರಲ್ಲಿ ಒಬ್ಬರು. ಪತ್ರಕರ್ತ-ಸಾಹಿತಿಯಾಗಿ ಜನಪ್ರಿಯರಾಗಿರುವ ಪಾಳ್ಯದ ಲಂಕೇಶ್ ಅವರ ಬದುಕು-ಬರಹ ವೈವಿಧ್ಯದಿಂದ ಕೂಡಿವೆ. ಕವಿ, ಕಥೆಗಾರ, ಕಾದಂಬರಿಕಾರ, ಅನುವಾದಕ, ನಾಟಕಕಾರ, ನಟ, ಚಲನಚಿತ್ರ ನಿರ್ದೇಶಕ, ಸಂಪಾದಕ, ಕೃಷಿಕ ಹೀಗೆ ಅವರ ಪ್ರತಿಭೆಗೆ ಹಲವು ಮುಖ. ಕೆಲಸ ಮಾಡಿದ ಕ್ಷೇತ್ರದಲ್ಲೆಲ್ಲ ತನ್ನದೇ ಛಾಪು ಮೂಡಿಸಿದವರು ಲಂಕೇಶ್. ಶಿವಮೊಗ್ಗ ಜಿಲ್ಲೆಯ ಹೊನ್ನಾಳಿ ತಾಲೂಕಿನ ಕೊನಗವಳ್ಳಿ 1935ರ ಮಾರ್ಚ್‌ 8ರಂದು ಜನಿಸಿದರು., ತಂದೆ ನಂದಿ ಬಸಪ್ಪ, ತಾಯಿ ದೇವೀರಮ್ಮ. ಕೊನಗವಳ್ಳಿ ಮತ್ತು ಹಾರನಹಳ್ಳಿಯಲ್ಲಿ ಪ್ರಾಥಮಿಕ, ಮಾಧ್ಯಮಿಕ ವಿದ್ಯಾಭ್ಯಾಸ ಮಾಡಿದ ಅವರು ಪ್ರೌಢಶಾಲೆ ಮತ್ತು ಇಂಟರ್ ...
READ MORE
Concept & Creation 
©2024 Book Brahma Private Limited.
.jpg)
