ಡಾ. ಪ್ರದೀಪ ಕೆಂಚನೂರು ಅವರ, ’ಚರಿತ್ರೆಯೆಂಬ ವತ್ರಮಾನ’ ಸಮಕಾಲೀನ ಭಾರತದ ಚರಿತ್ರೆ ರಾಜಕಾರಣವಾಗಿದೆ. ಇಲ್ಲಿ ಪ್ರತಿಯೊಂದು ಚಾರಿತ್ರಿಕ ನಿರೂಪಣೆಯು ಕೂಡಾ ಅವು ನಂಬಿರುವ ಮತ್ತು ಸಾಧಿಸುವ ತರ್ಕದ ಮೇಲೆಯೇ ಜರಗುತ್ತದೆ. ಚರಿತ್ರಕಾರನ ಓದು, ವಿಮರ್ಶೆ, ತನಿಖೆಯ ಗುಣ, ವಿಮರ್ಶೆಯ ಸ್ವಭಾವ, ಬೇರೆ, ಬೇರೆ ಮಗ್ಗುಲುಗಳಲ್ಲಿ ನಿಂತು ಪರೀಕ್ಷಿಸುವ ವಿಧಾನ, ಸಿದ್ದಾಂತ, ಆತ ಬೆಳೆದ ಪರಿಸರಗಳೂ ಕೂಡಾ ಆತ ನಡೆಸುವ ಸತ್ಯದ ಶೋಧನೆಗೆ ಕಾರಣವಾಗುತ್ತವೆ. ಇದಲ್ಲದೆ ಚಾರಿತ್ರಿಕ ನಿರೂಪಣೆಯನ್ನು ಅತ್ಯಂತ ಗಂಭೀರವಾಗಿ ಪ್ರಭಾವಿಸುವುದು ವರ್ತಮಾನ ಅಥವಾ ಸದ್ಯ ವರ್ತಮಾನದ ಬೇಡಿಕೆಗಳು. ಈ ಕಾರಣದಿಂದ ಯಾವ ಚರಿತ್ರೆಗಳೂ ಕೇವಲ ಭೂತ ಅಥವಾ ಗತದ ತುಣುಕುಗಳಷ್ಟೇ ಆಗಿರದೇ ವರ್ತಮಾನದ ಸಮಾಜೋ -ರಾಜಕೀಯ ವಿನ್ಯಾಸಗಳ, ಸಾಂಸ್ಥಿಕ ಸ್ವರೂಪಗಳ ಆಗ್ರಹದಂತೆಯೇ ಒಡಮೂಡುತ್ತವೆ ಎನ್ನುವ ವಿಚಾರಗಳು ಇಲ್ಲಿ ಪ್ರಸ್ತಾಪಿಸಲ್ಪಟ್ಟಿದೆ.
ಡಾ. ಪ್ರದೀಪ ಕೆಂಚನೂರು ಮೂಲತಃ ಉಡುಪಿ ಜಿಲ್ಲೆಯ ಬೈಂದೂರಿನವರು. ವೃತ್ತಿಯಲ್ಲಿ ಉಪನ್ಯಾಸಕರು. ಚರಿತ್ರೆ , ಸಿನಿಮಾ, ಸಂಸ್ಕೃತಿ ಅಧ್ಯಯನ ಇವರ ಆಸಕ್ತಿ ಕ್ಷೇತ್ರ. ಮಂಗಳೂರು ವಿಶ್ವವಿದ್ಯಾಲಯದಿಂದ (ಚರಿತ್ರೆ) ಸ್ನಾತಕೋತ್ತರ ಪದವೀಧರರು. ಪ್ರಸ್ತುತ ಬೈಂದೂರಿನ ಸರಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಇತಿಹಾಸ ಉಪನ್ಯಾಸಕರು. ಕನ್ನಡ ಸಿನಿಮಾದ ಸೈದ್ಧಾಂತಿಕತೆ ಮತ್ತು ಸಾಂಸ್ಕೃತಿಕ ಪ್ರಶ್ನೆಗಳು’ ವಿಷಯವಾಗಿ ಹಂಪಿಯ ಕನ್ನಡ ವಿಶ್ವವಿದ್ಯಾಲಯದಿಂದ ಪಿಎಚ್.ಡಿ. ಪದವಿ ಪಡೆದಿರುವ ಅವರು ಪುಣೆಯ ’ಫಿಲ್ಮ್ ಆಂಡ್ ಟೆಲಿವಿಶನ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ’ದಿಂದ ಫಿಲ್ಮ್ ಅಪ್ರಿಸಿಯೇಶನ್ ಕೋರ್ಸ್‌ ಪೂರ್ಣಗೊಳಿಸಿದ್ದಾರೆ. ಇವರ 50 ಕ್ಕೂ ಹೆಚ್ಚು ಸಂಶೋಧನಾ ಪ್ರಬಂಧಗಳು ಅಂತಾರಾಷ್ಟ್ರೀಯ ಹಾಗೂ ರಾಷ್ಟ್ರೀಯ ಜರ್ನಲ್‌ಗಳಲ್ಲಿ ಪ್ರಕಟವಾಗಿವೆ. ಕೃತಿಗಳು: ಋತ್ವಿಕ್ ಘಟಕ್: ಜೀವನ ...
READ MORE
Concept & Creation 
©2024 Book Brahma Private Limited.
