ಲೇಖಕರಾದ ವೀರಶೆಟ್ಟಿ ಬಿ. ಗಾರಂಪಳ್ಳಿ ಹಾಗೂ ಇಂದುಮತಿ ಪಿ. ಪಾಟೀಲ ಅವರು ಸಂಪಾದಿಸಿರುವ ಕೃತಿ ಕಲ್ಯಾಣ ಕರ್ನಾಟಕದ ಅಮೂರ್ತ ಪರಂಪರೆ. ಭಾರತೀಯ ಸಂದರ್ಭದ ಚರಿತ್ರೆಯಲ್ಲಿ ‘ಏಕಸಂಸ್ಕೃತಿ’ ‘ಏಕಪರಂಪರೆ’ ಎಂಬುದೊಂದು ಯಾವತ್ತಿಗೂ ಉಸಿರಾಡಿದ್ದಿಲ್ಲ. ಭಾರತ ಯಾಹೊತ್ತಿಗೂ ‘ಬಹುಸಂಸ್ಕೃತಿ’ ‘ಬಹುಪರಂಪರೆ’ಗಳ ಒಕ್ಕೂಟ ವ್ಯವಸ್ಥೆ. ಅಂತೆಯೇ ಈ ದೇಶದಲ್ಲಿ ಹಲವು ಜನಾಂಗಗಳಿರುವಂತೆ ಹಲವು ಧರ್ಮಗಳಿವೆ. ಆ ಎಲ್ಲ ಧರ್ಮಗಳು ಈ ದೇಶಕ್ಕೆ ಮತ್ತು ಜಗತ್ತಿಗೆ ಒಳ್ಳೆಯದನ್ನೇ ಬೋಧಿಸಿವೆ. ಈ ಬೋಧನೆಯಲ್ಲಿ ‘ದೇಸಿಯತೆ’ಯ ಅಮೃತವಾಹಿನಿಯೊಂದು ಎದೆಯಿಂದಲೆದೆಗೆ ಸದಾ ಹರಿದಿದೆ; ಹರಿಯುತ್ತಿದೆ. ನಮ್ಮ ಪಂಪ ಅದನ್ನು ‘ದೇಸಿಯೊಳ್ ಪುಗುವುದು ಪೊಕ್ಕು ಮಾರ್ಗದೊಳೆ ತಳ್ವುದು’ ಎಂದು ಉತ್ತರದ ಮೂಲಭಾವಕ್ಕೆ ಸಂವಾದಿಯಾಗಿ ದಕ್ಷಿಣದ ‘ಮಾರ್ಗ’ ಮತ್ತು ‘ದೇಸಿ’ಯತೆಯನ್ನು ಪ್ರತಿಷ್ಠಾಪಿಸುವ ಮೂಲಕ ಪ್ರಾದೇಶಿಕ ಭಿನ್ನತೆಯನ್ನು; ಅಸ್ಮಿತೆಗಳನ್ನು ಎತ್ತಿಹಿಡಿಯುವ ಕಾರ್ಯ ಮಾಡಿದ. ಅದನ್ನೇ ನಮ್ಮ ಕವಿರಾಜಮಾರ್ಗಕಾರ ‘ಕಸವರಮೆಂಬುದು ನೆರೆಸೈರಿಸಲಾರ್ಪೊಡೆ ಪರಧರ್ಮಮುಮಂ ಪರವಿಚಾರಮುಮಂ’ ಎಂದು ಹೇಳುವ ಮೂಲಕ ಎಲ್ಲವನ್ನೂ ಸ್ವೀಕರಿಸುವ ಮತ್ತು ತನ್ನದನ್ನು ಉಳಿಸಿಕೊಳ್ಳುವ ಮೀಮಾಂಸೆಯ ಕುರಿತಾಡಿರುವ ಮಾತುಗಳು ಕಲ್ಯಾಣ ಕರ್ನಾಟಕ ಜನತೆಯ ಜೀವಧ್ವನಿಗಳು ಎಂದು ನಮಗನಿಸುತ್ತವೆ. ಬಹುಭಾಷಿಕ-ಬಹುಸಾಂಸ್ಕೃತಿಕ ಪರಂಪರೆಗಳನ್ನುಳ್ಳ ಈ ದೇಶದ ‘ಬಹುತ್ವ’ವನ್ನೇ ಇವರಿಬ್ಬರು ಧ್ವನಿಸಿದಂತೆ ಮಾತನಾಡಿದ್ದಾರೆ. ಇಲ್ಲಿ ಒಂದನ್ನು ದಿಕ್ಕರಿಸಿ ಇನ್ನೊಂದರ ಪ್ರತಿಷ್ಠಾಪನೆ ಎಂದಾಗಲಿ ಅಥವಾ ಒಂದನ್ನು ಸಾರಸಗಟಾಗಿ ನಿರಾಕರಿಸುವುದಾಗಲಿ ಅವರು ಮಾಡಿದ್ದಲ್ಲ. ಅದನ್ನು ಒಪ್ಪಿಯೂ ತನ್ನದನ್ನು-ತನ್ನ ಬದುಕಿನ ಮೀಮಾಂಸೆಯ ಹಕ್ಕನ್ನು ಪ್ರತಿಷ್ಠಾಪಿಸಿಕೊಳ್ಳುವುದು. ಇದು ಇಡೀ ಕಲ್ಯಾಣ ಕರ್ನಾಟಕ ಜನತೆಯ ಬದುಕಿನ ಕ್ರಮ ಎಂಬುದಾಗಿ ಲೇಖಕರು ಕೃತಿಯಲ್ಲಿ ತಿಳಿಸಿದ್ದಾರೆ.
ಲೇಖಕ ವೀರಶೆಟ್ಟಿ ಬಿ. ಗಾರಂಪಳ್ಳಿ ಅವರು ಮೂಲತಃ ಕಲಬುರಗಿ ಜಿಲ್ಲೆಯ ಚಿಂಚೋಳಿ ತಾಲೂಕಿನ (ಜನನ: 01-05-1985) ಸಾಲೇ ಬೀರನಹಳ್ಳಿಯವರು. ತಂದೆ ಬಸವರಾಜ, ತಾಯಿ ಶೇಕಮ್ಮ. ಎಂ.ಎ. (ಇತಿಹಾಸ) ಪದವೀಧರರು. ಚಿಂಚೋಳಿ ತಾಲೂಕಿನ ಸ್ವಾತಂತ್ಯ್ರ ಮತ್ತು ಏಕೀಕರಣ ಹೋರಾಟ’ ವಿಷಯವಾಗಿ ಎಂ.ಫಿಲ್ ಮತ್ತು ‘ಬೀದರ ಜಿಲ್ಲೆಯ ಶರಣರ ಸ್ಮಾರಕಗಳು’ ವಿಷಯವಾಗಿ ಪಿಎಚ್.ಡಿ. ಪದವೀಧರರು. ಪುರಾತತ್ವ ಸಂಸ್ಕೃತಿ ಹಾಗೂ ಪ್ರವಾಸೋದ್ಯಮ ಸ್ನಾತಕೋತ್ತರ ಡಿಪ್ಲೊಮಾ ಪದವೀಧರರು. ಬೆಂಗಳೂರಿನಲ್ಲಿ ಕರ್ನಾಟಕ ರಾಜ್ಯ ಪತ್ರಗಾರ ಇಲಾಖೆಯ ಸಹಾಯಕ ನಿರ್ದೇಶಕರಾಗಿ (2014) ವೃತ್ತಿ ಜೀವನ ಆರಂಭಿಸಿ, ಸದ್ಯ ಹಿರಿಯ ಸಹಾಯಕ ನಿರ್ದೇಶಕರಾಗಿದ್ದಾರೆ. , ಕೃತಿಗಳು: ಬೀದರ ಜಿಲ್ಲೆಯ ಶರಣ ...
READ MORE
Concept & Creation 
©2024 Book Brahma Private Limited.
