"ಬೆಸುಗೆಯ ಬಂಧನದಲ್ಲಿ ಅರಳಿದೆ ಪ್ರೀತಿ ನಿನ್ನ ಸಾಂಗತ್ಯವು ಕಲಿಸಿದೆ ನನಗೆ ನೀತಿ" ಕವಿ ಇಲ್ಲಿ ಭಾವಕ್ಕೆ ಪ್ರಾಧಾನ್ಯತೆ ನೀಡಿ ಪ್ರೀತಿ ಮಾತ್ರ ಜಗತ್ತನ್ನು ಬಂಧನದಲ್ಲಿ ಕಟ್ಟಿ ಹಾಕುತ್ತದೆ ಎಂದಿದ್ದಾರೆ. ಹೆಣ್ಣಿನ ಸಾಂಗತ್ಯ ಮಾತ್ರ ನೀತಿ ಕಲಿಸುತ್ತದೆ ಎಂದು ಹೇಳಿದ್ದು ತುಂಬಾ ಮಾರ್ಮಿಕ. ಅಂತಹ ಶಕ್ತಿ ಹೆಣ್ಣಿಗೆ ಇದೆ ಎಂದು ಹೆಣ್ಣನ್ನು ಗೌರವಿಸುವ ಮನೋಭಾವ ಇಲ್ಲಿ ಕಾಣಬಹುದು. ಪ್ರಕೃತಿಗೆ ಸಮೀಪವಾಗಿ ನಿಲ್ಲುವ ಹೆಣ್ಣು ಯಾರಿಗೆ ತಾನೆ ಬೇಡ ಎಂಬ ಭಾವ ಈ ಗಜಲ್ ನಲ್ಲಿ ಹೆಪ್ಪುಗಟ್ಟಿದೆ. ಅದೇ ರೀತಿಯ ದನಿಯನ್ನು ಇಲ್ಲಿಯ ಅನೇಕ ಗಜಲ್ ಗಳಲ್ಲಿ ಕಾಣಬಹುದು. ಇವುಗಳಷ್ಟೆ ಅಲ್ಲದೆ ಲೋಕಾನುಭವವನ್ನು ಸುಲಭವಾಗಿ, ಸುಲಲಿತವಾಗಿ ಕಟ್ಟಿ ಕೊಡುವ ಕೆಲಸ ಈ ಗಜಲ್ ಸಂಕಲನ ಮಾಡಿದೆ. ಪ್ರೀತಿ, ಪ್ರೇಮ, ಅನುರಾಗದ ಗಜಲ್ ಗಳು ಹೆಚ್ಚಾಗಿ ಬಂದಿವೆ. ಮಾನವೀಯ ಮೌಲ್ಯಗಳ ಕುರಿತು ಜಿಜ್ಞಾಸೆಯೂ ಇದೆ. ಒಂದಕ್ಕಿಂತ ಒಂದು ಗಜಲ್ ಹೊಸತನದಿಂದ ಕೂಡಿ ಹೊಸ ಭಾವ ಹೊತ್ತು ಓದುಗನೆದುರಿಗೆ ಬಂದು ನಿಲ್ಲುತ್ತವೆ. ಓದಿದಂತಲ್ಲ ಪುನಃ ಪುನಃ ಕಾಡುತ್ತವೆ. ಭಾಷೆಯ ಶೈಲಿಯಿಂದಲೂ ಗಮನ ಸೆಳೆಯುವ ಗಜಲ್ ಗಳು ಕೂಡ ಇಲ್ಲಿವೆ.
ಲೇಖಕ ಮಲ್ಲಿನಾಥ ಶಿ. ತಳವಾರ ಅವರು ಮೂಲತಃ ಕಲಬುರಗಿ ಜಿಲ್ಲೆಯ ಚಿತ್ತಾಪುರ ತಾಲೂಕಿನ ರಾವೂರು (ಜನನ: 11-07-1979) ಗ್ರಾಮದವರು. ಗುಲಬರ್ಗಾ ವಿ.ವಿ.ಯಿಂದ ಎಂ.ಎ. ಬಿ.ಇಡಿ, ಹಾಗೂ ಹಂಪಿಯ ಕನ್ನಡ ವಿ.ವಿ.ಯಿಂದ ಪಿಎಚ್ ಡಿ (ಕಾರಂತರ ಕಾದಂಬರಿಗಳ ಸ್ತ್ರೀಪ್ರಪಂಚ) ಪದವೀಧರರು. ಚಿತ್ತಾಪುರದ ಶ್ರೀ ಗಂಗಾ ಪರಮೇಶ್ವರಿ ಡಿ.ಎಡ್ ವಿದ್ಯಾಲಯದಲ್ಲಿ ಉಪನ್ಯಾಸಕರು. ನಂತರ 2009 ರಿಂದ ಕಲಬುರಗಿಯ ನೂತನ ಪದವಿ ವಿದ್ಯಾಲಯದಲ್ಲಿ ಕನ್ನಡ ಉಪನ್ಯಾಸಕರು. ರಾವೂರು ವಲಯ ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷರು, ಚಿತ್ತಾಪುರ ತಾಲೂಕು ಜಾನಪದ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷರು, ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತಿನ ಚಿತ್ತಾಪುರ ತಾಲೂಕು ಘಟಕ ಅಧ್ಯಕ್ಷರು, ಕನ್ನಡ ...
READ MORE
Concept & Creation 
©2024 Book Brahma Private Limited.
