ಶಾಂತರಸರ ತರುವಾಯ ಕನ್ನಡ ಗಜ಼ಲ್ ಪರಂಪರೆ ತೀರ ನಿಧಾನಗತಿಯಲ್ಲಿ ಸಾಗುತ್ತಿತ್ತು. ಇತ್ತೀಚಿನ ದಿನಗಳಲ್ಲಿ ಪುನಃ ಕನ್ನಡದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಗಜ಼ಲ್ ರಚನೆಯಾಗುತ್ತಿವೆ ಹಾಗೂ ಗಜ಼ಲ್ ಸಂಕಲನಗಳು ಪ್ರಕಟವಾಗುತ್ತಿವೆ. ಆದರೆ ಗಜ಼ಲ್‌ನ ಎಲ್ಲ ನಿಯಮಗಳನ್ನು ಪಾಲಿಸಿರುವುದು ಬಲು ಅಪರೂಪ. ಮುಖ್ಯವಾಗಿ ಗಜ಼ಲ್ ಆಕೃತಿ, ಆಶಯ ಎರಡೂ ಅಂಶಗಳನ್ನು ಅವಲಂಭಿಸಿರುತ್ತದೆ. ಇವೆರಡನ್ನು ಪಾಲಿಸಿ ರಚಿಸಿದ ಗಜ಼ಲ್ ಕೃತಿಗಳ ಸರಣ ಯಲ್ಲಿ ಸಾವಿರ ಕಣ ನ ನವಿಲು ಎಂಬ ಕೃತಿಯೂ ಬರುತ್ತದೆ. ಇದುವರೆಗೂ ಬಂದಿರುವ ಗಜ಼ಲ್ ಕೃತಿಗಳಿಗಿಂತ ಇದು ಹಲವಾರು ಅಂಶಗಳಲ್ಲಿ ಭಿನ್ನವಾಗಿದೆ. ಇದು ಗಜ಼ಲ್‌ನ ಕಾಫಿಯಾನಾ ಪ್ರಕಾರಕ್ಕೆ ಸೇರಿದ ಕನ್ನಡದ ಮೊದಲ ಗಜ಼ಲ್ ಕೃತಿ. ಇಲ್ಲಿನ ಎಲ್ಲ ಗಜ಼ಲ್‌ಗಳು ಗೈರ್ ಮುರದ್ಧಫ್ ಮಾದರಿಯದ್ದು. ಅಲ್ಲದೆ ಇದು ಸಮಾನ ಮಾತ್ರೆಗಳನ್ವಯ ಬರೆದ ಕನ್ನಡದ ಮೊಟ್ಟ ಮೊದಲ ಗಜ಼ಲ್ ಕೃತಿಯಾಗಿದ್ದು ಅತ್ಯಂತ ಕಡಿಮೆ ಅಂದರೆ 6 ಹಾಗೂ ಅತಿಹೆಚ್ಚು 30 ಮಾತ್ರೆಗಳನ್ನು ಬಳಸಲಾಗಿದೆ. ಕನ್ನಡದಲ್ಲಿ ಅತಿ ಹೆಚ್ಚಿನ ಸಂಖ್ಯೆಯ ಶೇರ್‌ಗಳುಳ್ಳ ಸೆಹ್‌ಗಜ಼ಲ್ (51 ಗಜ಼ಲ್) ಕೂಡ ಇಲ್ಲಿದೆ. ಇಲ್ಲಿ ಕಾಫಿಯಾದ ನಿಯಮಗಳನ್ನು ತಿಳಿಸುವ ಒಂದು ಅಧ್ಯಾಯವೂ ಇದೆ. ಇಲ್ಲಿನ ರಚನೆಗಳು ಉರ್ದು ಗಜ಼ಲ್ ಕಾವ್ಯ ನೀಡುವಂತೆಯೇ ಚಮತ್ಕಾರಿಕ ಅರ್ಥ, ಪರಿಣಾಮವನ್ನು ನೀಡುತ್ತವೆ ಎಂದು ಹಿರಿಯ ಕವಿ ಡಾ. ಸಿದ್ಧಲಿಂಗ ಪಟ್ಟಣಶೆಟ್ಟಿಯವರು ಮುನ್ನುಡಿಯಲ್ಲಿ ಹೇಳಿದ್ದಾರೆ.
ಗಿರೀಶ್ ಚಂದ್ರಕಾಂತ ಜಕಾಪುರೆ ಅವರು ಕಲಬುರ್ಗಿ ಜಿಲ್ಲೆಯ ಆಳಂದ ತಾಲ್ಲೂಕಿನ ಮಾದನ ಹಿಪ್ಪರಗಿಯಲ್ಲಿ ಶಿಕ್ಷಕರಾಗಿದ್ದಾರೆ. ಹಿಂದಿ ಮತ್ತು ಕನ್ನಡ ಭಾಷೆಯಲ್ಲಿ ಸ್ನಾತಕೋತ್ತರ ಪದವೀಧರರು. ಕನ್ನಡ, ಹಿಂದಿ, ಮರಾಠಿ, ಇಂಗ್ಲಿಷ್, ಮತ್ತು ಉರ್ದು ಭಾಷೆಯನ್ನು ಬಲ್ಲವರು. ಕಾವ್ಯ, ಕಥಾ ಸಂಕಲನ, ವ್ಯಕ್ತಿಚಿತ್ರ, ಮಕ್ಕಳ ಕಥೆ, ಕಾದಂಬರಿ, ಮಕ್ಕಳ ಪದ್ಯ, ಹಿಂದಿ ಅನುವಾದಗಳು, ಮರಾಠಿ ಕಥೆಗಳ, ಕಾದಂಬರಿಗಳ ಅನುವಾದ, ಪ್ರವಾಸ ಕಥನಗಳು, ಬಿಡಿ ಲೇಖನಗಳು, ಅನುವಾದಿತ ಕಾವ್ಯ ಹೀಗೆ ತಮ್ಮ ಸಾಹಿತ್ಯ ಕೃಷಿಯನ್ನು ನಿರಂತರವಾಗಿ ಮಾಡುತ್ತಿದ್ದಾರೆ. ಪ್ರಮುಖ ಕೃತಿಗಳು: ನನ್ನ ದನಿಗೆ ನಿನ್ನ ದನಿಯು, ಮನದ ಮುಂದಣ ಮಾಯೆ (ಗಜಲ್ ಗಳ ಸಂಕಲನ), ಖಾಮೋಶಿ, ಸಾಗರ್ ...
READ MORE
Concept & Creation 
©2024 Book Brahma Private Limited.
