ಡಾ. ಚಿ. ಸಿ.ನಿಂಗಣ್ಣ ಅವರ ಕೃತಿ- ‘ಸಂಸ್ಕೃತಿ ಮತ್ತು ಜಾನಪದ’. ಗ್ರಾಮೀಣ ಬದುಕಿನ ಸಾಹಿತ್ಯ ಚಿಂತನೆಯು ತನ್ನದೇ ಆದ ಸತ್ವ, ತತ್ವ,ಮಹತ್ವ ಹೊಂದಿರುವುದನ್ನು ಲೇಖಕರು ಗುರುತಿಸಿದ್ದಾರೆ. ಗ್ರಾಮೀಣ ಮಹಿಳೆಯ ಕೃಷಿಗೆ ಪ್ರೇರಕಶಕ್ತಿ ನಮ್ಮ ಹಳ್ಳಿ. ಅಂದು ಇಂದು ಜನಪದರಲ್ಲಿ ಜೀವನ ಮೌಲ್ಯಗಳು, ಕಲಬುರ್ಗಿ ಜಾನಪದ, ಜಾನಪದ ಕ್ರೀಡೆಗಳು, ಜಾಗತೀಕರಣ ಜನಪದಗಳು ಹೀಗೆ ಬರಹಗಳು ಮನಮುಟ್ಟುತ್ತವೆ. ಚಿಂತನೆಗೆ ಹಚ್ಚುತ್ತವೆ. ಜನಪದ ಸಾಹಿತ್ಯ, ಸಂಗೀತ, ಕ್ರೀಡೆ,ಆರೋಗ್ಯ, ಆಹಾರ, ವಿಚಾರ, ಸಂಪ್ರದಾಯ, ಈ ಎಲ್ಲ ಅಂಶಗಳು ಜಲಮೂಲ, ನೆಲಮೂಲ, ತಳಮೂಲ ಸಂಸ್ಕೃತಿಗೆ ಪೂರಕವಾಗಿವೆ. ಸಂಸ್ಕೃತಿ ಇರುವುದು ಜನಪದರಲ್ಲಿ ಅಲ್ಲ ಅವರ ಬದುಕಿನಲ್ಲಿ ಎಂಬುದು ಬಹುಮುಖ್ಯವಾದದ್ದು. ಬದುಕು ಬದಲಾದರೆ ಸಂಸ್ಕೃತಿಯು ಬದಲಾಗುವ ದುರಂತಕ್ಕೆ ಲೇಖಕರು ವಿಷಾದಿಸಿದ್ದಾರೆ. ಜಾನಪದ ಕ್ಷೇತ್ರದಲ್ಲಿ ಸಂಶೋಧನೆ ಕೈಗೊಳ್ಳುವವರಿಗೆ ಈ ಕೃತಿಯು ಆಕರಗ್ರಂಥ ವಾಗಲಿದೆ.
ಲೇಖಕ ಡಾ. ಸಿ. ಚಿ. ನಿಂಗಣ್ಣ ಅವರು ಮೂಲತಃ ಕಲಬುರಗಿಯವರು. ಗುಲಬರ್ಗಾ ವಿಶ್ವವಿದ್ಯಾಲಯದಿಂದ ಕನ್ನಡದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪ್ರಥಮ ದರ್ಚೆಯಲ್ಲಿ ಪಡೆದರು. “ಕಲಬುರಗಿ ಜಿಲ್ಲೆಯ ಜಾತ್ರೆಗಳು ಒಂದು ಜಾನಪದೀಯ ಅಧ್ಯಯನ” ವಿಷಯವಾಗಿ ಗುಲಬರ್ಗಾ ವಿಶ್ವವಿದ್ಯಾಲಯಕ್ಕೆ ಮಹಾಪ್ರಬಂಧ ಸಲ್ಲಿಸಿ, ಪಿಎಚ್ ಡಿ ಪಡೆದರು. ಸದ್ಯ, ಕಲಬುರಗಿಯ ಸಂತ ಜೋಸೆಫ್ ಪಿ.ಯು. ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕರು. ಕ.ಸಾ.ಪ. ಸಾಹಿತ್ಯ ಸಂಚಾಲಕರಾಗಿದ್ದು, ವಚನಸಾಹಿತ್ಯ, ಜಾನಪದ ಹಾಗೂ ವಿಮರ್ಶೆ ವಲಯದಲ್ಲಿ ವಿಶೇಷ ಆಸಕ್ತಿ. ಕೃತಿಗಳು: ಕಲಬುರಗಿ ಜಿಲ್ಲೆಯ ಜಾತ್ರೆಗಳು ಒಂದು ಜಾನಪದೀಯ ಅಧ್ಯಯನ (ಮಹಾಪ್ರಬಂಧ) ಕನ್ನಡ ವ್ಯಾಕರಣ, ಬಡವರ ಬಂಗಾರ, ಶಿವಾಜಿ, ಹಬ್ಬಗಳು, ಸ್ಪಂದನ, ಬಸವಣ್ಣನವರ ವಚನಗಳಲ್ಲಿ ಸಮಾಜೋಧಾರ್ಮಿಕ ಪ್ರಜ್ಞೆ ...
READ MORE
Concept & Creation 
©2024 Book Brahma Private Limited.
.jpg)
