ಕವಿ ಸಂಗಮೇಶ ತಮ್ಮನಗೌಡ್ರ ಅವರು ಬರೆದ ಕೃತಿ-ಹೆಸರು ಹೇಳಬೇಕ್ರಿ ನೀವು ಒಡಪಿಟ್ಟು. ತಮ್ಮೂರಿನ ಸುತ್ತಮುತ್ತ ಪ್ರಚಲಿತವಿರುವ ಒಗಟು ಹಾಗೂ ಒಡಪುಗಳನ್ನು ಸಂಗ್ರಹಿಸಿದ ಕೃತಿ. 1990 ರಿಂದ ಈವರೆಗೆ 4 ಆವೃತ್ತಿಗಳನ್ನು ಕಂಡಿದೆ. ಜನಪದ ಸಾಹಿತ್ಯದ ಉಸಿರು ಅಡಗಿರುವುದು ಹಳ್ಳಿಯಲ್ಲಿ. ಕುಟ್ಟುವುದು, ಬೀಸುವುದು, ಸೋಬಾನೆ ಪದಗಳು ಹೀಗೆ ಇವುಗಳ ಸಂಗ್ರಹ ಕಾರ್ಯ ನಡೆದಿದ್ದರೂ ಅಸಂಖ್ಯ ರೀತಿಯಲ್ಲಿ ಮತ್ತೆ ಮತ್ತೆ ಹೊಸ ಹೊಸ ಹಾಡುಗಳು-ಸಾಹಿತ್ಯ ಸಂಗ್ರಹವಾಗುತ್ತಲೇ ಇದೆ. ಜನಪದ ಸಾಹಿತ್ಯದ ಹಾಗೂ ಎಂದೂ ಬತ್ತದ ಒರತೆ. ಜನಪದ ಸಾಹಿತ್ಯದ ಸಂಗ್ರಹದ ಭಾಗವಾಗಿ ತಾವೂ ಕೆಲಸ ಮಾಡಬೇಕು ಎಂಬ ಹಂಬಲದೊಂದಿಗೆ ಈ ಕೃತಿ ರಚಿಸಿದ್ದಾಗಿ ಲೇಖಕರು ಹೇಳಿದ್ದಾರೆ.
ಸಂಗಮೇಶ ತಮ್ಮನಗೌಡ್ರ (ಎಸ್.ವಿ. ತಮ್ಮನಗೌಡ್ರ) ಮೂಲತಃ ಗದಗ ಜಿಲ್ಲೆಯ ಗುಜಮಾಗಡಿ ಗ್ರಾಮದವರು. (ಜನನ: 15-01-1970) ಸದ್ಯ, ರೋಣ ತಾಲೂಕಿನ ಬೂದಿಹಾಳ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯೋಪಾಧ್ಯಯರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಮಹಾರಾಷ್ಟ್ರದ ಕೊಲ್ಹಾಪುರ ವಿ.ವಿ.ಯಿಂದ ಎಂ.ಎ, ಮಧುರೈ ಕಾಮರಾಜ ವಿವಿಯಿಂದ ಎಂ.ಫಿಲ್ ಹಾಗೂ ಮುಂಬೈ ವಿ.ವಿ.ಯಿಂದ ಪಿಎಚ್ ಡಿ (ವಿಷಯ: ಕನ್ನಡದಲ್ಲಿ ಏಕಾಂಕಗಳು: ಒಂದು ಅಧ್ಯಯನ-1975-95) ಪದವಿ ಪಡೆದರು. ದ.ರಾ. ಬೇಂದ್ರೆ ವೇದಿಕೆ ಸ್ಥಾಪಿಸಿ (2000) ನಿರಂತರವಾಗಿ ಕಾರ್ಯಕ್ರಮಗಳನ್ನು ನಡೆಸುತ್ತಿದ್ದಾರೆ. ಕೃತಿಗಳು: ಹಂಸ, ಸ್ಫೂರ್ತಿ-ಕವನ ಸಂಕಲನಗಳು, ಮತ್ತೆ ಹುಟ್ಟಿತು ಕವನ-ಭಾವಗೀತೆಗಳ ಸಂಕಲನ, ಪಶ್ಚಾತ್ತಾಪ, ಕರುಳಿನ ಬೆಲೆ, ಖಳನಾಯಕನ ...
READ MORE
Concept & Creation 
©2024 Book Brahma Private Limited.
.jpg)
