ಮಂಜುನಾಥ ಚಾಂದ್ ಅವರ ಅಮ್ಮಕೊಟ್ಟ ಜಾಜಿದಂಡೆ ಇದು_ಬರಿಯ_ಘಮವಲ್ಲ. ಕೇವಲ ನೂರು ಪುಟಗಳಲ್ಲಿ ತನ್ನ ತಾಯಿಯ ಬದುಕನ್ನೇ ಲೇಖಕ ತೆರೆದಿಟ್ಟ ಕಥೆಯಿದು. ಕಥೆ ಓದಿದ ನಂತರ, ಪುಸ್ತಕದ ಶೀರ್ಷಿಕೆ ಎಷ್ಟು ಅರ್ಥವತ್ತಾಗಿದೆ ಎನಿಸಿತು. ಇಂದು ಕೇವಲ ಹೆಣ್ಣು ಮಕ್ಕಳಿಗೆ ಮಾತ್ರವಲ್ಲ. ಗಂಡು ಮಕ್ಕಳಿಗೂ ಬದುಕುವ ರೀತಿಯನ್ನು ತಾಯಿ ತಂದೆಯರು ಕಲಿಸಿ ಕೊಡಬೇಕಾದ ಕಾಲ. ಇಂಥ ಕಾಲದಲ್ಲಿ ಸೂಚ್ಯ ವಾಗಿ ಮಗನಿಗೆ ಕೆಲಸ ಕಲಿಸಿಕೊಟ್ಟ ಒಬ್ಬ ತಾಯಿಯ ಬಗೆಯನ್ನು ಲೇಖಕರು ಸುಮಾರು ೧೨ ಅಧ್ಯಾಯ ಗಳಲ್ಲಿ ಚಿತ್ರಿಸಿದ್ದಾರೆ. ಒಬ್ಬ ತಾಯಿ ಹೇಗೆ ತಾನು ಬಿಡುವಿಲ್ಲದೆ ದುಡಿಯುತ್ತಾ ತನ್ನ ಮಕ್ಕಳಿಗೂ ದುಡಿಯುವ ಕೌಶಲ ಮತ್ತು ಉತ್ಸಾಹ ತುಂಬುತ್ತಾಳೆ ಎಂಬುದರ ಕಥನ ಅತಿ ಸರಳವಾಗಿ ಬಂದಿದೆ.
ಲೇಖಕ ಮಂಜುನಾಥ್ ಚಾಂದ್ ಅವರು ಪತ್ರಕರ್ತರು. ಮೂಲತಃ ಕುಂದಾಪುರ ಸಮೀಪದ ಮರವಂತೆಯ ಮಗ್ಗುಲಲ್ಲಿ ಇರುವ ತ್ರಾಸಿ ಎಂಬ ಪುಟ್ಟ ಹಳ್ಳಿಯವರು. ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯ ಕುಂದಾಪುರ ಭಾಷೆಯಲ್ಲಿ ಅವರು ಬರೆದಿರುವ ಅನೇಕ ಕಥೆಗಳು ಜನಮನ್ನಣೆ ಗಳಿಸಿವೆ. ‘ಅಮ್ಮ ಕೊಟ್ಟ ಜಾಜಿ ದಂಡೆ’, ಕದ ತೆರೆದ ಆಕಾಶ’, 'ಹೃದಯದ ಮಾತು' ಅವರ ಪ್ರಮುಖ ಕೃತಿಗಳು. ‘ಕಾಡ ಸೆರಗಿನ ಸೂಡಿ’ ಅವರ ಕಾದಂಬರಿ. ಇದಕ್ಕೆ ರಾಜಲಕ್ಷ್ಮಿ ಬರಗೂರು ಪುಸ್ತಕ ಪ್ರಶಸ್ತಿ ಲಭಿಸಿದ್ದು ಚಲನಚಿತ್ರ ಕೂಡ ಆಗಿದೆ. ...
READ MORE
Concept & Creation 
©2024 Book Brahma Private Limited.
