ಲೇಖಕ ಗಿರಿಮನೆ ಶ್ಯಾಮರಾವ್ ಅವರ ಕಾದಂಬರಿ ಕೃತಿ ʻಬಣ್ಣದ ಜಿಂಕೆʼ. ಮದುವೆಯಾಗಿ ದಾಂಪತ್ಯಕ್ಕೆ ಕಾಲಿರಿಸಿದವರಲ್ಲಿ ಒಬ್ಬರು ಮಲೆನಾಡಿನ ಕಾಡಿಗೆ ಬಂದು ಅಲ್ಲೇ ಬದುಕು ಕಟ್ಟಿಕೊಂಡರೆ ಮತ್ತೊಬ್ಬರು ವಿರುದ್ದ ದಿಕ್ಕಿನ ಗ್ಲಾಮರ್‌ ಪ್ರಪಂಚವನ್ನು ಆರಿಸಿಕೊಂಡ ಕಾಲ್ಪನಿಕ ಕತೆ. ಇಲ್ಲಿ ಸಂಸಾರ ಮರೆತು ಗ್ಲಾಮರ್‌ ಜಗತ್ತಿನ ಆಕರ್ಷಣೆಗೆ ಒಳಗಾಗಿ ದೈಹಿಕ ಸಂಬಂಧಗಳ ಮಿತಿ ಅರಿಯದೆ ಆಧುನಿಕತೆಯ ವ್ಯಭಿಚಾರವೇ ಬದುಕು ಎಂದುಕೊಂಡು ಅದರೊಳಗೆ ಮುಳುಗಿ ಕಳೆದೇ ಹೋಗಿ ದುಃಖ ತಂದುಕೊಂಡ ನಟಿಯ ನೋವಿನ ಎಳೆ ಇದೆ. ಅಂತಹಾ ವ್ಯವಹಾರಗಳಿಂದ ಮುಂದೆ ಅದು ತನಗೆ ಮಾತ್ರವಲ್ಲದೆ ತನ್ನ ಸುತ್ತ ಇರುವವರನ್ನೂ ಯಾವ ರೀತಿ ಕಾಡುತ್ತದೆ? ಎಷ್ಟು ಜನರಿಗೆ ನೋವು ಕೊಡುತ್ತದೆ ಎನ್ನುವುದರ ಸೂಕ್ಷ್ಮ ಸಂಗತಿಯನ್ನೂ ಇಲ್ಲಿ ಹೇಳಿದ್ದಾರೆ. ಹೀಗೆ ಗ್ಲಾಮರ್‌ ಬದುಕಿನೊಂದಿಗೆ ಡ್ರಗ್ಸ್‌ ಸೇರಿ ಅದರ ವ್ಯಸನಕ್ಕೆ ಬಿದ್ದು ಕೊನೆಗೆ ಕೊರಗಿ ಬದುಕು ಕಳೆದುಕೊಳ್ಳುವ ಸೆಲೆಬ್ರಿಟಿಗಳ ಉದಾಹರಣೆಗಳು ಸಾಕಷ್ಟಿವೆ. ಅಂತಹ ಸನ್ನಿವೇಶಗಳನ್ನು ಲೇಖಕರು ಇಲ್ಲಿ ಕತೆಯ ಮೂಲಕ ತಂದಿದ್ದಾರೆ.
ಗಿರಿಮನೆ ಶ್ಯಾಮರಾವ್ ಆಧುನಿಕ ಕನ್ನಡ ಸಾಹಿತ್ಯ ಲೋಕದಲ್ಲಿ ತಮ್ಮದೇ ಆದ ವಿನೂತನ ರೀತಿಯ ಬರವಣೆಗೆಗಳಿಂದ ಕನ್ನಡ ಓದುಗ ಆಸಕ್ತರ ನಡುವೆ ಚಿರಪರಿಚಿತರು. ಇವರ ಹುಟ್ಟೂರು ಹಾಸನ ಜಿಲ್ಲೆಯ ಸಕಲೇಶಪುರದ ಗಾಣದಹೊಳೆ ಗ್ರಾಮ. ಪತ್ನಿ ಶಶಿಕಲಾ ಹಾಗು ಪುತ್ರ ಚೇತನ್ ಶರ್ಮ. ಕೃಷಿಕನಾಗಿ 35 ವಸಂತಗಳ ಸುದೀರ್ಘ ಅನುಭವವಿದೆ. ಪಶ್ಚಿಮ ಘಟ್ಟದ ಪ್ರಕೃತಿ, ಜೀವಜಗತ್ತಿನ ಪರಿಚಯ, ಮನುಷ್ಯರ ಮನಸ್ಸಿನ ಅವಲೋಕನ, ವೈಜ್ಞಾನಿಕವಾದ ವೇದದ ಒಳಗನ್ನು ತಿಳಿಯುವ ಕುತೂಹಲ ಇವೆಲ್ಲವೂ ಇವರನ್ನು ಬರವಣಿಗೆಯ ಕ್ಷೇತ್ರದೆಡೆಗೆ ಸೆಳೆದಿದೆ. ಹವ್ಯಾಸಿ ಪತ್ರಿಕಾ ಅಂಕಣಕಾರರಾಗಿದ್ದಾರೆ. ಮಕ್ಕಳ ಸಾಹಿತ್ಯ, ವ್ಯಕ್ತಿತ್ವ ವಿಕಸನ, ಚಿಂತನೆ, ಕಾದಂಬರಿ ಹೀಗೆ ಹಲವಾರು ...
READ MORE
Concept & Creation 
©2024 Book Brahma Private Limited.
