ಲೇಖಕ ತಿರುಪತಿ ಭಂಗಿ ಅವರ ಕಥಾ ಸಂಕಲನ ಕೃತಿ ʻನಾಯಿ ಹೆಜ್ಜೆಯ ಗುರುತುʼ. ಮನುಷ್ಯನ ವಿಕೃತ ಮನೋಭಾವವನ್ನು ಇಲ್ಲಿನ ಕತೆಗಳು ಹೇಳುತ್ತವೆ. ಊರಿನ ಧಣಿಯ ಬೆಲೆಬಾಳುವ ಹೆಣ್ಣು ನಾಯಿಯನ್ನು ಕೆಳ ಜಾತಿಯ ಗಂಡು ನಾಯಿ ಸುಖಿಸಿದ್ದು ಕಂಡು ಮುಂದೆ ಅದು ಗರ್ಭ ಧರಿಸಿದರೆ ಎಂಬ ಚಿಂತೆ ಧಣಿಗೆ. ಅದಕ್ಕಾಗಿ ಆ ಗಂಡು ನಾಯಿಯನ್ನೇ ಕೊಲ್ಲುವ ಧಣಿ ಸಮಾಜದ ಕೆಟ್ಟ ವ್ಯವಸ್ಥೆಗೆ ಸಾಕ್ಷಿಯಾಗುತ್ತಾನೆ. ಹೀಗೆ ಮೇಲ್ಜಾತಿಯ ಬೂಟಾಟಿಕೆ, ದರ್ಪ, ಪೌರುಷ ಮತ್ತು ಅವುಗಳಿಗೆ ಪ್ರತಿಯಾಗಿ ಶೋಷಣೆಗೆ ಒಳಗಾಗುವವರ ಅಸಹಾಯಕತೆ, ಆತಂಕ ಎಲ್ಲವುಗಳ ಸಂಕೇತವಾಗಿ ಈ ಕಥೆಯನ್ನು ಲೇಖಕರು ಹೆಣೆದಿದ್ದಾರೆ.
ಕತೆಗಾರ ತಿರುಪತಿ ಭಂಗಿ ಅವರು ಬಾಗಲಕೋಟೆ ಸಮೀಪದ ದೇವನಾಳ ಎಂಬ ಹಳ್ಳಿಯಲ್ಲಿ 1984 ರಲ್ಲಿ ಜನಿಸಿದರು. ತಂದೆ ಮಲ್ಲಪ್ಪ ತಾಯಿ ಗೌರವ್ವ. ಬಾಲ್ಯದಲ್ಲಿಯೇ ಹೆತ್ತವರನ್ನು ಕಳೆದುಕೊಂಡರು. ಹೈಸ್ಕೂಲ್ ಶಿಕ್ಷಣ ಮಾಡುತ್ತಿರುವಾಗಲೇ ಅಜ್ಜ-ಅಜ್ಜಿಯರೂ ತೀರಿಕೊಂಡರು. ಸಾಹಿತ್ಯ ರಚನೆಗೆ ಇವರ ಬಡತನ, ಹಸಿವು, ಅವಮಾನಗಳೇ ಮೂಲ ದ್ರವ್ಯ. . ಬಾಗಲಕೋಟೆಯ ಬಸವೇಶ್ವರ ಸಿ.ಬಿ.ಎಸ್.ಇ ಶಾಲೆಯಲ್ಲಿ ಕನ್ನಡ ಶಿಕ್ಷಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ‘ಹೃದಯರಾಗ, ಅವ್ವ, ಕವಳೆಗಣ್ಣಿನ ಹುಡುಗಿ, ಮನಸು ಕೊಟ್ಟವಳು, ಅಪ್ಪ’ ಕವನ ಸಂಕಲನಗಳು ಪ್ರಕಟವಾಗಿವೆ. ಅವರ ಮೊದಲ ಕಾದಂಬರಿ ‘ಫೋಬಿಯಾ' 2017ರಲ್ಲಿ ಪ್ರಕಟಣೆ ಕಂಡಿತು. ಅವರ ‘ಜಾತಿ ಕುಲುಮ್ರಾಗ ಅರಳಿದ ಪ್ರೀತಿ’ ಚೊಚ್ಚಲ ಕೃತಿ ...
READ MORE
Concept & Creation 
©2024 Book Brahma Private Limited.
