ವಸಂತಕುಮಾರ್‌ ಕಲ್ಯಾಣಿ ಅವರ ಕಥಾಸಂಕಲನ ಕೃತಿ ʻಪರ್ಯಾಪ್ತʼ. ದಿನನಿತ್ಯ ಎದುರು ಬರುವ ನೆರೆಹೊರೆಯವರ ನಡೆಗಳನ್ನೇ ಗಮನಿಸಿ, ವಿಶ್ಲೇಷಿಸಿ ಜೀವನದ ವಿಶೇಷ ಅರ್ಥವನ್ನು ಕಂಡುಕೊಂಡು ಒಂದೊಂದು ಕತೆಯ ಮೂಲಕ ನಿರೂಪಣೆ ಮಾಡಿದ್ದಾರೆ. ಜೊತೆಗೆ ಹಾಸ್ಯದಿಂದ ಕೂಡಿದ ಸನ್ನಿವೇಶಗಳೂ ಇಲ್ಲಿವೆ. ಸಮಕಾಲೀನ ಬದುಕಿನ ಮುಖಗಳಿಗೆ ಹಿಡಿದ ಕನ್ನಡಿಯಾಗಿಯೂ ಈ ಕಥಾಸಂಕಲನ ಕಾಣುತ್ತದೆ. ಪುಸ್ತಕದ ಪರಿವಿಡಿಯಲ್ಲಿ; ಯಾರೂ ಕಾಯುವರಿಲ್ಲ, ಮಳೆರಾಯ, ಹರಿಚಿತ್ತ, ಗತ, ಆಯ್ಕೆ, ಸಿಹಿ ಕನಸು, ಮಾಯೆ ನಿನ್ನೊಳಗೋ, ಕಳ್ಳರ ಸಂತೆ, ಪರ್ಯಾಪ್ತ ಮುಂತಾದ ಶೀರ್ಷಿಕೆಗಳ ಕತೆಗಳಿವೆ.
ವಸಂತಕುಮಾರ್‌ ಕಲ್ಯಾಣಿ ಅವರು ಹವ್ಯಾಸಿ ಬರಹಗಾರರು. ಕಥನ ಇವರ ಇಷ್ಟದ ಪ್ರಕಾರ. ಕನ್ನಡ ಪರ ಸಂಘಟನೆಗಳಲ್ಲಿ ತೊಡಗಿಸಿಕೊಂಡಿದ್ದವರು, ಗೋಕಾಕ್ ಚಳುವಳಿಯಲ್ಲಿ ಸಕ್ರಿಯರಾಗಿದ್ದರು. ಹಲವು ಕಿರುತೆರೆ, ಚಲನಚಿತ್ರಗಳಲ್ಲಿ ಪೋಷಕ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ಇವರ ಬರಹಗಳು ಹಲವು ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ. ಸಂಯುಕ್ತ ಕರ್ನಾಟಕ ಪತ್ರಿಕೆಯಲ್ಲಿ ಪ್ರಕಟವಾದ ‘ಬಾಲರಾಜನೂ ಕ್ರಿಕೆಟ್ಟಾಟವೂ’ ಕಥೆಗೆ ಮೇವುಂಡಿ ಮಲ್ಲಾರಿ ಕಥಾ ಪುರಸ್ಕಾರ ಪ್ರಶಸ್ತಿ ದೊರಕಿದೆ. ಕೃತಿಗಳು: ಕಾಂಚನ ಮಿಣಮಿಣ (ಸಣ್ಣಕಥಾ ಸಂಕಲನ), ಪರ್ಯಾಪ್ತ (ಕಥಾ ಸಂಕಲನ) ...
READ MORE
Concept & Creation 
©2024 Book Brahma Private Limited.
