1974ರಲ್ಲಿ ಬೀchi ಅವರು ಬರೆದ ಪ್ರವಾಸ ಕಥನ ’ದೇವರಿಲ್ಲದ ಗುಡಿ’. ಆಫ್ರೋ- ಏಷ್ಯನ್‌ ಬರಹಗಾರರ ಸಮ್ಮೇಳನದ ಭಾರತೀಯ ಪ್ರತಿನಿಧಿಯಾಗಿ ರಷ್ಯಾಕ್ಕೆ ತೆರಳಿದಾಗ ಅಲ್ಲಿನ ಅನುಭವಗಳನ್ನು ಕಥನ ರೂಪಕ್ಕೆ ಇಳಿಸಿದ್ದರು ಅವರು. ’ದೇವರಿಲ್ಲದ ಗುಡಿ’ ಎನ್ನುವುದಕ್ಕಿಂತ ರಷ್ಯಾ ಬಗೆಗೆ ಉತ್ತಮ ರೂಪಕ ಬೇಕೆ? ಪ್ರವಾಸಕ್ಕೆ ಹೋಗುವುದಾಗಿ ಹೇಳಿದಾಗ ಅವರ ಶ್ರೀಮತಿಯವರು ’ರಸಿಯಾ! ಆ ಸುಡುಗಾಡು ದೇಶಕ್ಕೆ ಯಾಕ್ರೀ ಹೋಗೀರಿ ? ಆ ದೇಶದಾಗ ದೇವರು ಇಲ್ಲವಂತ !??’ ಎಂದಿದ್ದರು. ಆ ಮಾತೇ ತಮ್ಮ ಪ್ರವಾಸ ಕಥನದ ಶೀರ್ಷಿಕೆಯಾಯಿತು. ರಷ್ಯಾಕ್ಕೂ ಇತರ ದೇಶಗಳಿಗೂ ಇರುವ ವ್ಯತ್ಯಾಸ, ಅಲ್ಲಿ ಸಾಹಿತಿಗಳೊಂದಿಗೆ ನಡೆಸಿದ ಚರ್ಚೆ, ಪ್ರವಾಸದ ತಯಾರಿ ಮತ್ತಿತರ ಅಂಶಗಳು ಇಲ್ಲಿ ಚರ್ಚೆಯಾಗಿವೆ.
'ಬೀಚಿ' ಎಂಬುದು ರಾಯಸಂ ಭೀಮಸೇನರಾವ್ ಅವರ ಕಾವ್ಯನಾಮ. ಅವರು ಜನಿಸಿದ್ದು 1913ರ ಏಪ್ರಿಲ್ 23ರಂದು ಬಳ್ಳಾರಿ ಜಿಲ್ಲೆಯ ಹರಪನ ಹಳ್ಳಿಯಲ್ಲಿ. ತಂದೆ ರಾಯಸಂ ಶ್ರೀನಿವಾಸರಾವ್, ತಾಯಿ ಭಾರತಮ್ಮ. 'ಬೀಚಿ' ಯವರ ಹೆಸರಿನ ಹಾಗೆ ಅವರ ಸಹಿಯೂ ವಿಚಿತ್ರ- 'ಬಿ' ಕನ್ನಡವಾದರೆ 'ಚಿ' ಇಂಗ್ಲಿಷು. ಸತಿ ಸೂಳೆ, ಸರಸ್ವತಿ ಸಂಹಾರ, ಖಾದಿ ಸೀರೆ, ಹೆಂಣು ಕಾಣದ ಗಂಡ, ಸತ್ತವನು ಎದ್ದುಬಂದಾಗ, ಮೇಡಮ್ಮನ ಗಂಡ, ಏರದ ಬಳೆ, ಬಂಗಾರದ ಕತ್ತೆ, ಮೂರು ಹೆಂಣು ಐದು ಜಡೆ, ಸುನಂದೂಗ ಏನಂತೆ, ಲೇವಡಿ ಟೈಪಿಸ್ಟ್, ಆರಿದ ಚಹಾ, ಬಿತ್ತಿದ್ದೇ ಬೇವು, ಕಾಮಂಣ (ಕಾದಂಬರಿಗಳು). ತಿಂಮನ ತಲೆ, ಆರು ಏಳು ಸ್ತ್ರೀ ಸೌಖ್ಯ, ಅಮ್ಮಾವ್ರ ಕಾಲ್ಗುಣ, ...
READ MORE
Concept & Creation 
©2024 Book Brahma Private Limited.
